[᭒᭕ 25B]
᭒᭕
ᬯᬸᬳᬾᬭᬶᬂᬧᬲ᭄ᬭᬫᬦ᭄᭞ᬲᬂᬳᬤᬶᬕᬸᬭᬸᬫᬮᬶᬗ᭄ᬕᬶᬄ᭞ᬳᭂᬫ᭄ᬧᬸᬲᭂᬭᬸᬢᬶᬫᭂᬦ᭄ᬤᭂᬓ᭄ᬦᭂᬫ᭄ᬩᬄ᭞ᬗᬲ᭄ᬢᬸᬗ᭄ᬓᬭᬭᬶᬂᬲᬂ᭠ᬕᬸᬭ᭄ᬯᬶ᭞ᬲᬂᬳᬤᬶᬕᬸᬭᬸᬳᬗ᭄ᬮᬶᬂ᭞ᬮᬯᬸᬢ᭄ᬓᬾᬦᬦᬓ᭄ᬫᬮᬸᬗ᭄ᬕᬸᬄ᭞ᬲᬫ᭄ᬩᬶᬮᬂᬫᬘᭂᬫ᭄ᬧᭂᬤᬦ᭄᭞ᬳᬧᬓᭂᬭᬦᬳᬤ᭠
ᬕ᭄ᬭᬶᬂ᭞ᬭᬶᬂᬲᬭᬶᬭ᭞ᬓᭂᬦᬩᬳᬦ᭄ᬦᬦᬓ᭄ᬦᬸᬢᬸᬭᬂ᭚ᬳᭂᬫ᭄ᬧᬸᬲᭂᬭᬸᬢᬶᬲᬯᬸᬃᬲᭂᬫ᭄ᬩᬄ᭞ᬳᬫ᭄ᬧᬸᬭᬭᬦᬓ᭄ᬲᬂᬦᬩᬶ᭞ᬯ᭄ᬬᬓ᭄ᬢᬶᬦᬲᬶᬓᬶᬦ᭄ᬲᬕᬭ᭞ᬭᬦᬓ᭄ᬦᬩᬶᬳᬫᬶᬤᬃᬢᬶ᭞ᬓᬮᬤᬸᬃᬕ᭄ᬕᬲᬧ᭄ᬢᬓᬸᬯᬾᬳᬾᬦ᭄ᬬᬳᬶᬓᬗᬯᬾ᭠
ᬯᬶᬲ᭄ᬬᬫᬦ᭄ᬤᬶ᭞ᬦᬫᬦ᭄ᬳᬶᬧᬸᬦ᭄᭞ᬓᬮᬩᬜᬸᬓᬮᬕᭂᬦᬶᬬ᭚ᬓᬮᬳᬗᬶᬦ᭄ᬓᬮᬲᬩ᭄ᬤ᭞ᬓᬮᬓᬸᬓᬸᬲ᭄ᬓᬮᬩᬘᬶᬦ᭄᭞ᬓᬮᬮᬶᬦᬸᬲ᭄ᬦᬶᬓᬲᬧ᭄ᬢ᭞ᬗᬯᬾᬕ᭄ᬭᬶᬂᬮᬶᬯᬢ᭄ᬫᬦ᭄ᬤᬶ᭞ᬢᬦ᭄ᬳᬤᭀᬄᬭᬶᬂᬳᬗ᭄ᬕᬯ᭄ᬬᬓ᭄ᬢᬶ᭞ᬲᬂᬳ᭠
[᭒᭖ 26A]
ᬤᬶᬕᬸᬭᬸᬲᬸᬫᬯᬸᬃ᭞ᬧᬭᬦ᭄ᬧᬗᭂᬭᬩ᭄ᬤᬯᬶᬱ᭄ᬬᬦ᭄ᬬ᭞ᬳᭂᬫ᭄ᬧᬸᬲᭂᬭᬸᬢᬶᬦᭂᬫ᭄ᬩᬄᬳᬗᭂᬮᬶᬂ᭞ᬲᬂᬲᬶᬦᬸᬳᬸᬦ᭞ᬧᬢᬶᬫᬸᬳᬦ᭄ᬬᬤᬤᬶᬯᬶᬱ᭄ᬬ᭚ᬕᭂᬦᬶᬳᬗᬶᬦ᭄ᬫᬳᬯᭀᬭᬦ᭄᭞ᬯᬶᬱᬶᬳᬦ᭄ᬬᬗᭂᬩᬸᬲ᭄ᬢᬦ᭄ᬲᬶᬧᬶ᭞ᬳᬗᬶᬦ᭄ᬩᬜᬸᬮᬦ᭄ᬳᬕᭂᬦ᭄ᬬ
᭞ᬫᬯᭀᬭᬦ᭄ᬓᬂᬗᬯᬾᬕᭂᬭᬶᬂ᭞ᬮᬶᬓᬤ᭄ᬫᬶᬯᬄᬧᬫᬮᬶ᭞ᬬᬦ᭄ᬳᬗᬶᬦ᭄ᬫᬯᭀᬃᬓᬸᬓᬸᬲ᭄᭞ᬫᬗᭂᬢᭀᬃᬯ᭄ᬢᬸᬕᭂᬭᬶᬂᬦ᭄ᬬ᭞ᬬᬦ᭄ᬳᬗᬶᬦ᭄ᬫᬯᭀᬃᬩᬘᬶᬦ᭄᭞ᬗᬯᬾᬢᬫ᭄ᬧ᭄ᬬᬲ᭄᭞ᬩᬸᬤᬸᬄᬫᬗᬭᬩ᭄ᬤᬯᬶᬱᬶᬬᬦ᭄ᬬ᭚ᬳᬗᬶᬦᬾᬳᬯᭀᬭᬶᬦ᭄ᬲᬩ᭄ᬤ
᭞ᬗᬗᬯᬾᬯᬶᬱ᭄ᬬᬩᬩᬳᬶ᭞ᬳᬗᬶᬦ᭄ᬩᬸᬫᬯᭀᬘᬫ᭄ᬧᬸᬳᬦ᭄᭞ᬗᬯᬾᬢᬸᬚᬸᬩᬶᬮᬂᬲᬦ᭄ᬤᬶ᭞ᬬᬦ᭄ᬮᬶᬦᬸᬲ᭄ᬫᬯᭀᬃᬕᭂᬦᬶ᭞ᬢᬶᬯᬂᬓᬧᬢ᭄ᬬᬦ᭄ᬫᭂᬢᬸ᭞ᬯᬶᬱᬶᬬᬦ᭄ᬬᬘᬍᬓᬸᬢᬦ᭄᭞ᬲᬶᬂᬲᬶᬦᬸᬦ᭄ᬲᬶᬭᬓᭂᬜᬶᬂ᭞ᬗᬦᬶ
Kaca:Bali-lontar-gaguritan-ketut-bangun-300ppi.pdf/26
Kaca puniki sampun kauji-wacén
