[᭖᭘ 68B]
᭖᭘
ᬬ᭞ᬭᬗᬸᬭᬗᬸᬤᬾᬦ᭄ᬦᬶᬭᬫ᭄ᬭᬶᬄ᭞ᬫᬃᬕ᭄ᬕᬦ᭄ᬦᬾᬧ᭄ᬭᬂᬢᬸᬫᬸᬮᬶ᭞ᬮᬦ᭄ᬕᬸᬲ᭄ᬢᬶᬦ᭄ᬦᬾᬲᬗᬧ᭄ᬭᬪᬸ᭞ᬢᭂᬢᭂᬧ᭄ᬧᬾᬧᬗᬦ᭄ᬤᬶᬓᬦ᭄ᬦ᭄ᬬ᭞ᬦᭀᬦ᭄ᬥᬲᬫᬤ᭄ᬬᬦ᭄ᬦᬶᬂᬚᬸᬭᬶᬢ᭄᭞ᬓᬾᬬᬸᬄ
ᬤᬾᬦ᭄ᬦ᭄ᬬᬓᬃᬬ᭄ᬬᬩᬸᬩᬸᬓᬦ᭄ᬦᬶᬂᬗᬧ᭄ᬭᬂ᭛ᬫᬶᬮᬭᬦ᭄ᬥᬢ᭄ᬢᬦ᭄ᬦᬾᬂᬫᬃᬕ᭄ᬕ᭞ᬤᬾᬦ᭄ᬦᬾᬭᬳᬤᬾᬦ᭄ᬲᭂᬫᬦ᭄ᬢ᭄ᬭᬶ᭞ᬤᬾᬭᬾᬂᬧᬶᬦᬗ᭄ᬕᬶᬄᬳᬶᬂᬤ᭄ᬭᬶᬬ᭞ᬤᬾᬦ᭄ᬦᬶᬭᬫ᭄ᬭᬶᬄᬦᬸᬮᬶᬚᬸᬭᬶ᭠
ᬢ᭄᭞ᬓᬮᬯᬦ᭄ᬰ᭄ᬭᬷᬪᬹᬧᬢᬶ᭞ᬓᬧᬦ᭄ᬢᭂᬲ᭄ᬩᬸᬩᬸᬓᬦ᭄ᬦᬶᬧᬸᬦ᭄᭞ᬤᬤᬶᬦᬾᬂᬳᬶᬂᬗ᭠ᬬᬸᬤ᭄ᬥ᭞ᬢᭂᬢᭂᬧ᭄ᬧᬾᬤᬾᬦ᭄ᬦᬶᬭᬵᬗᬩ᭄ᬤᬶ᭞ᬳᬚᬓᭀᬂᬲᬶᬓᬤ᭄ᬭᬯᬲᬦ᭄ᬤᬸᬓᬦ᭄ᬦᬶᬭ᭛
ᬫᬗ᭄ᬓᬦᬮᬫ᭄ᬧᬳᬾᬧ᭄ᬭᬧ᭄ᬢ᭞ᬳᬶᬂᬢᭂᬧᬶᬲᬶᬭᬶᬂᬦᬵᬕᬭᬷ᭞ᬳᬶᬂᬫᬳᬾᬲ᭄ᬧᬢᬶᬦᬵᬕᬭ᭞ᬓᬾᬦ᭄ᬤᭂᬮ᭄ᬭᬳᬤᬾᬦ᭄ᬲᭂᬫᬦ᭄ᬢ᭄ᬭᬶ᭞ᬗᬸᬦ᭄ᬤᬂᬗᬶᬓᬂᬧᬭᬵᬚᬶ᭞ᬓᬃᬬ᭄ᬬᬧᬲ᭠
[᭖᭙ 69A]
᭖᭙
ᬗ᭄ᬕ᭄ᬭᬳᬦ᭄ᬳᬕᬸᬂ᭞ᬗ᭄ᬕᬾᬦ᭄ᬦᬶᬭᬲᬂᬓᬸᬲᬸᬫ᭞ᬢᬶᬦᬸᬗ᭄ᬕᬶᬮᬦ᭄ᬧᬭᬧᬸᬢ᭄ᬭᬷ᭞ᬧᬭᬭᬢᬸᬧᬦ᭄ᬦᬢᬄᬧᬓᬸᬯᭀᬦ᭄ᬦᬶᬭ᭛ᬦᬭᬧᬢᬶᬘᬶᬢ᭄ᬭᬵᬗ᭄ᬕᬤ᭞ᬭᬸᬫᭂᬓ᭄ᬱᬧᬓᬸᬯᭀᬦ᭄ᬯᬸ
ᬭᬶ᭞ᬦᬧᬢᬶᬯᬶᬱᬩᬚ᭄ᬭ᭞ᬮᬯᬦ᭄ᬰ᭄ᬭᬷᬓᬮᬶᬗ᭄ᬕᬧᬢᬶ᭞ᬳᬶᬓᬂᬫᬓᬸᬯᭀ᭠ᬦ᭄ᬓᬾᬭᬶ᭞ᬦᬭᬧᬢᬶᬘᭀᬦ᭄ᬤ᭄ᬭᬓᬾᬢᬸ᭞ᬮᬦ᭄ᬲᬹᬃᬬ᭄ᬬᬓᬾᬢᬸᬭᬵᬚ᭞ᬓᬦ᭄ᬦᬦ᭄ᬧᬓᬸ
ᬯᭀᬦ᭄ᬦᬶᬭᬾᬓᬶ᭞ᬤ᭄ᬬᬦ᭄ᬲᭂᬫᬦ᭄ᬢ᭄ᬭᬶᬮᬦ᭄ᬧᬭᬭᬢᬸᬯᬶᬤᬃᬪ᭛ᬮᬯᬦ᭄ᬰ᭄ᬭᬷᬗ᭠ᬮᬢᬦᬬ᭞ᬗᬃᬱᬧᬓᬸᬯᭀᬦ᭄ᬦᬶᬭᬾᬓᬶ᭞ᬲᭂᬫᬦ᭄ᬢ᭄ᬭᬶᬯᬸᬲ᭄ᬓᬃᬬᬲᬸᬭᬾᬢ᭄᭞ᬩᬤᬾ᭠
ᬓᬢᬸᬃᬫᬭᬂᬕᬸᬲ᭄ᬢᬶᬲᬕᬸᬂᬧᬭᬦᬃᬧᬢᬶ᭞ᬢᬦ᭄ᬦᬦᬯ᭄ᬭᬸᬄᬤᬤᬶᬦ᭄ᬦᬶᬧᬸᬦ᭄᭞ᬫᬸᬂ᭠ᬜᬳᬢᬸᬃᬳᬸᬦ᭄ᬦᬶᬗ᭞ᬧ᭄ᬭᬧ᭄ᬢᬦ᭄ᬦᬾᬲᬂᬭᬵᬚᬧᬸᬢ᭄ᬭᬶ᭞ᬯᬸᬲ᭄ᬳᬫᬢᬄᬤᬸᬢᬫᬸᬦ᭄ᬥᬶᬲ᭄ᬭᬢ᭄ᬲᬃ
