Kaca:Bali-lontar-gaguritan-nilacandra-b-300ppi.pdf/18

Kaca puniki sampun kauji-wacén

[᭑᭗ 17B]
᭑᭗
ᬤᬾᬕᬦ᭄᭞ᬫᬗᬸᬮᬸᬭᬶᬦ᭄ᬧᬗᬦ᭄ᬓᬶᬦᬸᬫ᭄᭞ᬢᬸᬫᬸᬮᬶᬫᬢᬸᬃᬳᬜᭂᬫ᭄ᬩᬄ᭞ᬭᬶᬂᬳᬶᬤᬲᬂᬦᬶᬮᬘᬦ᭄ᬤ᭄ᬭᬵ᭟᭜᭟ᬲᬶᬗ᭄ᬕᬶᬄᬭᬢᬸᬲᬂᬘᬦ᭄ᬤ᭄ᬭᬧ᭄ᬭᬪᬸ᭞ᬫᬶᬦᬩ᭄ᬓᬤᬶᬢᭂᬫ᭄ᬩᬾ᭞ᬲᬧᬲᬶᬭᬫᬜᬋᬗᬶᬦ᭄᭞ᬲᬂᬘᬦ᭄ᬤ᭄ᬭᬭᬭᬶᬲ᭄ᬫᬯᬸᬯᬸᬲ᭄
᭞ᬗᬸᬤᬧᬫᬦ᭄ᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬳᬶᬤᬲᬂᬧᬡ᭄ᬥᬯ᭞ᬦᬵᬩᬾᬦ᭄ᬫᬦᬶᬭᬳᬶᬫᬮᬸ᭞ᬓᬬᬸᬦ᭄ᬳᬶᬤᬧᬘᬂᬦᬢᬲ᭄᭞ᬧᬧᬶᬦ᭄ᬤᬦ᭄ᬚᬕᬢ᭄ᬦᬭᬓᬵ᭟᭜᭟ᬧᬕᭂᬩᬕᬾᬧ᭄ᬭᬡᬫ᭄ᬬᬳᬸᬫᬢᬸᬃ᭞ᬅᬫ᭄ᬧᬸᬭᬦᭂᬦ᭄ᬫᬗ᭄ᬓᬾ
᭞ᬲᭂᬫ᭄ᬩᬳᬶᬗ᭄ᬯᬂᬦᬶᬱ᭄ᬝᬩᬸᬤ᭄ᬥᬶ᭞ᬬᬦ᭄ᬯᬾᬦ᭄ᬢᭂᬦᬵᬃᬱᬦᬶᬭᬢᬸ᭞ᬦᬶᬜ᭄ᬚᭀᬧᬧᬶᬦ᭄ᬤᬦ᭄ᬧᬸᬦᬶᬓᬸ᭞ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬗᬂ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬳᬚᬳᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬶᬂᬕᭂᬦᬄᬧᬧᬶᬦ᭄ᬤᬦ᭄ᬦ᭄ᬭᬓᬵ
᭟᭜᭟ᬯᬾᬦ᭄ᬢᭂᬦᬾᬫᬗ᭄ᬓᬶᬦ᭄ᬓᬧᬗ᭄ᬕᬸᬄ᭞ᬧᬧᬶᬦ᭄ᬤᬦ᭄ᬳᬢ᭄ᬫᬦᬾ᭞ᬢᭂᬭᬲ᭄ᬜᬦᬾᬓᬕᬺᬕᬚᬶ᭞ᬜ᭄ᬭᬾᬢ᭄ᬘᬾᬢ᭄ᬕᭂᬢᬶᬄᬜᬦᬾᬧᭂᬲᬸ᭞ᬤ᭄ᬬᬄᬤ᭄ᬭᭀᬧᬤᬶᬭᬭᬶᬲ᭄ᬫᬢᬸᬃ᭞ᬥᬸᬄᬩᭂᬮᬶᬲᬂᬥᬃᬫ᭄ᬫᬲᬸᬢ᭞ᬲᬧᬸᬦᬧᬶᬲᭀ᭠

[᭑᭘ 18A]
᭑᭘
ᬮᬳᬶᬧᬸᬦ᭄᭞ᬤᬯᭂᬕᬾᬭᬶᬂᬫᬤ᭄ᬬᬧᬤ᭞ᬳᬯᬶᬦᬦ᭄ᬳᬲᬧᬸᬦᬶᬓ᭟᭜᭟ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬫᬗ᭄ᬓᬶᬦ᭄ᬫᬯᬸᬯᬸᬲ᭄᭞ᬓᬾᬦᬾᬯᬶᬯᬶᬮᬦᬾ᭞ᬤᬸᬓ᭄ᬜᬦᬾᬫᬳᬸᬭᬶᬧ᭄ᬭᬶᬳᬶᬦ᭄᭞ᬳᬮ᭄ᬧᬓᬭᬶᬂᬬᬬᬳᬶᬩᬸ᭞ᬢᭀ
ᬳᬯᬦᬦ᭄ᬢᬸᬮᬳᬶᬤᬸᬧ᭄᭞ᬚᬦᬶᬦᬦ᭄ᬤᬗᬶᬦ᭄ᬲᬓᬶᬢᬾ᭞ᬪᬸᬝᬵᬫᬸᬦ᭄ᬤᬃᬫᬦ᭄ᬤᬶᬃᬗᭂᬚᬸᬓ᭄᭞ᬲᬓᬜ᭄ᬘᬦ᭄ᬳᬢ᭄ᬫᬤ᭄ᬭᭀᬳᬓᬵ᭞ᬮᬗ᭄ᬕᬦᬭᬶᬂᬳᬦᬓ᭄ᬢᬸᬯ᭟᭜᭟ᬦᬾᬧᬧᬶᬦ᭄ᬤᬦ᭄ᬳᬢ᭄ᬫᬦᬾᬫᬫᬦ᭄ᬤᬸᬂ᭞ᬲᬢᬢᬫᬫᬾ
ᬕᬮ᭄᭞ᬕᭂᬫᭂᬲ᭄ᬢᬸᬃᬫᬫᬢᬶᬫᬢᬶ᭞ᬤᬶᬚᬫ᭄ᬩᬗᬦᬾᬓᬍᬩᬸ᭞ᬓᬩᭀᬃᬩᭀᬃᬕᭂᬦᬶᬦᬾᬫᬸᬭᬸᬩ᭄᭞ᬓᬲᬓᬶᬢᬦ᭄ᬳᭂᬗ᭄ᬓᬓᭂᬗ᭄ᬓᬓ᭄᭞ᬢᭀᬂᬲᬶᬤ᭄ᬥᬫᬦᬦ᭄ᬤᬂᬓᭂᬩᬸᬲ᭄᭞ᬓᬯᬄᬘᬫ᭄ᬪ᭄ᬭᬕᭀᬄᬫᬸᬓᬦᬾ
᭞ᬨᬮᬦ᭄ᬧᭀᬮᬄᬜᬦᬾᬘᭀᬭᬄ᭟᭜᭟ᬤ᭄ᬬᬄᬤ᭄ᬭᭀᬧᬤᬶᬧ᭄ᬭᬡᬫ᭄ᬬᬫᬢᬸᬃ᭞ᬳᬶᬓᬶ᭠ᬧᬧᬶᬦ᭄ᬤᬦᬾ᭞ᬲᭂᬤᬶᬄᬢᬶᬢ᭄ᬬᬂᬫᬗᬶᬯᬲᬶᬦ᭄᭞ᬤᬾᬯᬾᬓ᭄ᬜᬦᬾᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬓᬢᭂᬓ᭄ᬢᭂᬓ᭄ᬢᬸᬭᬶᬂ