Kaca:Bali-lontar-gaguritan-nilacandra-b-300ppi.pdf/27

Kaca puniki sampun kauji-wacén

[᭒᭖ 26B]
᭒᭖
ᬤᬲᬂᬥᬃᬫ᭄ᬫᬵᬢ᭄ᬫᬚᬵ᭞ᬦᬦᭂᬂᬢᬦ᭄ᬫᬗᬦ᭄ᬤᬶᬓᬵ᭞ᬲᬫᭂᬢᭀᬦᬾᬗᭂᬢᬸᬢ᭄ᬩᬸᬭᬶ᭞ᬧᬫᬃᬕ᭄ᬕᬶᬦ᭄ᬳᬶᬤ᭞ᬲᬂᬧ᭄ᬭᬪᬸᬳᬭᬶᬫᬸᬃᬢ᭄ᬢᬶ᭟᭜᭟ᬫᬗᬦ᭄ᬤᬶᬓᬳᬶᬤᬲᬂᬪᬷᬫᬲᬾᬦ᭞ᬳᬤᬶᬳᬤᬶᬲᬂᬓᬶᬭᬶᬣᬶ᭞ᬦᬓᬸᬮᬲᬤᬾᬯ
᭞ᬩᭂᬮᬶᬫᭂᬍᬤ᭄ᬫᬦᬯᬂ᭞ᬲᬂᬓᬺᬱ᭄ᬡᬵᬓᬯᭀᬦ᭄ᬭᬶᬂᬚᬸᬭᬶᬢ᭄᭞ᬫᬢᬦ᭄ᬤᬶᬂᬬᬸᬥ᭞ᬲᬋᬂᬲᬂᬘᬦ᭄ᬤ᭄ᬭᬪᬸᬧᬢᬶ᭟᭜᭟ᬳᬦᬾᬚᬦᬶᬳᬤᬶᬫᬸᬮᬶᬄᬫᬮᬶᬧᭂᬢᬦ᭄᭞ᬳᭂᬤᬦᬸᬢᬸᬕ᭄ᬩᭂᬮᬶᬚᬦᬶ᭞ᬲᬂᬧᬃᬣᬗᬦ᭄ᬤᬶᬓ᭞ᬩᭂᬮᬶᬲᬂ
ᬪᬷᬫᬲᬾᬦ᭞ᬫᭂᬍᬤ᭄ᬢᬶᬢ᭄ᬬᬂᬫᬗ᭄ᬤᬳᬸᬦᬶᬂ᭞ᬳᬶᬦ᭄ᬤᬶᬓ᭄ᬓᬯᬶᬰᬾᬱᬦ᭄᭞ᬲᬂᬦᬶᬮᬘᬦ᭄ᬤ᭄ᬭᬭᬶᬂᬚᬸᬭᬶᬢ᭄᭟᭜᭟ᬤᬾᬦᬶᬂᬳᬶᬤᬫᬶᬳᭀᬮᬶᬳᬂᬧᬦᬸᬕ᭄ᬭᬳᬦ᭄᭞ᬳ᭄ᬬᬂᬯᬿᬭᭀᬘᬦᬜ᭄ᬯᬾᬘ᭄ᬙᬦᬶᬦ᭄᭞ᬧᬸᬦᬶᬓᬗᬯᬶ
ᬦᬂᬲᬋᬂᬲᬋᬂᬫᬦᬲᬂ᭞ᬲᬂᬘᬢᬸᬃᬧᬡ᭄ᬥᬯᬕᭂᬮᬶᬲ᭄᭞ᬧᬥᬮᬸᬫᬫ᭄ᬧᬄ᭞ᬲᬺᬕᭂᬕᬶᬸᬧ᭄ᬯᬭᬬᬸᬥᬲᬫᬶ᭟᭜᭟ᬭᬶᬂᬧᬫᬃᬕ᭄ᬕᬶᬢᬦ᭄ᬢᭂᬮᬕ᭄ᬫᬩᬩᬯᭀᬲᬦ᭄᭞ᬲᬂᬦᬵᬓᬸᬮᬫᬢᬸᬃᬕᭂᬮᬶᬲ᭄᭞ᬩᭂᬮᬶᬪᬷᬫ

[᭒᭗ 27A]
᭒᭗
ᬲᬾᬦ᭞ᬯᬾᬦ᭄ᬢᭂᬦᬾᬢᬸᬦᬲᬂᬢᬶᬢ᭄ᬬᬂ᭞ᬬᬾᬦ᭄ᬧᬤᬾᬲᬂᬳᬭᬶᬫᬸᬃᬢ᭄ᬢᬶ᭞ᬓᬯᭀᬦ᭄ᬭᬶᬂᬬᬸᬥ᭞ᬲᬧᬸᬦᬧᬶᬭᬭᬶᬲ᭄ᬩᭂᬮᬶ᭟᭜᭟ᬤᬸᬭᬸᬂᬧᬸᬧᬸᬢ᭄ᬳᬢᬸᬃᬲᬂᬯᬷᬭᬦᬓᬸᬮ᭞ᬲᬂᬪᬷᬫᬲᬾᬦᬜᬳᬸᬭᬶᬦ᭄᭞ᬬᬦᬶᬂᬲᬚᬓᬯᭀ
ᬦ᭄᭞ᬲᬂᬧ᭄ᬭᬪᬸᬓᬺᬱ᭄ᬡᬫᬬᬸᬥᬵ᭞ᬩᭂᬮᬶᬧᬘᬂᬫᬦᬦ᭄ᬤᬶᬗᬶᬦ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬫᭂᬍᬤ᭄ᬫᬢᬦ᭄ᬤᬶᬂᬚᬸᬭᬶᬢ᭄᭟᭜᭟ᬩᭂᬮᬶᬢ᭄ᬯᬭᬢᬓᬸᬢ᭄ᬫᬗᭂᬫᬲᬶᬦ᭄ᬲᬾᬤ᭞ᬓᬧᬢ᭄ᬯᬶᬩᭂᬮᬶᬫᬢᬶ᭞ᬲᬶᬦᬄᬓᬳᬸᬭᬶᬧᬂ᭞ᬳᭀᬮᬶᬄᬲᬂᬬᬸ
ᬥᬶᬱ᭄ᬝᬶᬭ᭞ᬧᬸᬱ᭄ᬧᬯᬶᬚᬬᬦᬾᬍᬯᬶᬄ᭞ᬲᬶᬤ᭄ᬥᬗᬸᬭᬶᬧᬂ᭞ᬬᬦ᭄ᬢᭀᬦ᭄ᬤᬾᬦ᭄ᬫᬲᬦᬶᬂᬫᬢᬶ᭟᭜᭟ᬢᬦ᭄ᬘᬭᬶᬢᬲᬂᬮᬸᬗ᭄ᬳᬵᬧᬘᬂᬫᬬᬸᬥ᭞ᬭᬯᬸᬄᬭᬶᬂᬢᭂᬧᬶᬲᬶᬭᬶᬂ᭞ᬗᬃᬤ᭄ᬥᬶᬧᬧᭀᬦ᭄ᬤᭀᬓᬦ᭄᭞ᬕᭂᬦᬄᬧᬘᬂᬫᬲᬦ᭄ᬤᭂᬓ
ᬦ᭄᭞ᬦᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂᬫᬮᬶᬄ᭞ᬲᬂᬦᬶᬮᬘᬦ᭄ᬤ᭄ᬭ᭞ᬭᬶᬂᬦᬵᬭᬚᬦᬕᬭᬶ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬯᬤ᭄ᬯᬦᬾᬭᬶᬂᬦ᭄ᬭᬚᬤᬾᬰ᭞ᬲᬫᬶᬳᭀᬲᬄᬫᬦᬄᬜᬦᬾᬓᬚᬚᭂᬭᬶᬄ᭞ᬳᭀᬃᬣᬶᬦᬾᬲᬸᬫᭂᬓᭂ