Kaca:Bali-lontar-gaguritan-nilacandra-b-300ppi.pdf/28

[᭒᭗ 27B]
᭒᭗
ᬦ᭄ᬲᬫ᭄ᬧᬸᬦ᭄᭞ᬳᬶᬤᬧ᭄ᬭᬪᬸᬓᬺᬱ᭄ᬡᬵ᭞ᬓᭀᬘᬧ᭄ᬭᬯᬸᬄᬫᬳᬶᬭᬶᬗᬦ᭄ᬯᬢᭂᬓ᭄ᬬᬤᬸ᭞ᬲᬺᬕᭂᬧ᭄ᬲᬃᬯ᭄ᬯᬲᬜ᭄ᬚᬢ᭞ᬫᬕᬕᭂᬩᬸᬕ᭄ᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟᭜᭟ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬗᬦ᭄ᬤᬶᬓᬬᬂᬢᬡ᭄ᬥᬫᬦ᭄ᬢ᭄ᬭᬶᬦᬾᬲᬫᬶ᭞ᬲᬋᬂ
ᬧᬢ᭄ᬧᬢ᭄ᬲᬦᬾᬓᬲᬸᬩ᭄᭞ᬧᬸᬭᬸᬱᬢᬸᬃᬫᬯᬶᬰᬾᬱ᭞ᬲᬂᬕᬦᬾᬓᬲᬂᬪᬬᬾᬓᬰᬓ᭄ᬢᬶ᭠ᬢᭂᬕᬸᬄ᭞ᬫᬤᭂᬯᬾᬓᬮᬦ᭄ᬯᬾᬱ᭄ᬡᬸᬓᬵ᭞ᬧᬸᬭᬸᬱᬢᬦ᭄ᬧᬧᬓᬾᬭᬶᬂ᭟᭜᭟ᬲᬫ᭄ᬧᬸᬦ᭄ᬢᬗ᭄ᬓᬶᬮ᭄‌‌ᬭᬶᬂᬲᬂᬦᬵ᭠
ᬣ᭞ᬧᬭᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶᬦᬾᬲᬫᬶ᭞ᬧᬢᬶᬄᬕᬦᬾᬓᬳᬸᬫᬢᬸᬃ᭞ᬲᬶᬗ᭄ᬕᬶᬄᬰ᭄ᬭᬷᬦᬭᬦᬵᬣ᭞ᬗᬶᬭᬶᬂᬕᭂᬮᬶᬲ᭄ᬢᬦ᭄ᬤᬓᬶᬦ᭄ᬰᬢ᭄ᬭᬸᬦᬾᬭᬯᬸᬄ᭞ᬧᬜ᭄ᬚᬓᬾᬲᬫ᭄ᬧᬸᬦ᭄ᬓᬚᬭᬄ᭞ᬦᬾᬯᬾᬦ᭄ᬢᭂᬦ᭄ᬭᬶᬂᬢᭂᬧᬶᬲᬶᬭᬶᬂ
᭟᭜᭟ᬰ᭄ᬭᬷᬦᬶᬮᬘᬦ᭄ᬤ᭄ᬭᬗᬦ᭄ᬤᬶᬓ᭞ᬢᭀᬳᬯᬦᬦ᭄ᬫᬦᬶᬭᬫᬦᬯᬸᬳᬶᬦ᭄᭞ᬚᬦᬶᬮᬯᬸᬢᬂᬮᬸᬫᬓᬸ᭞ᬧᬫᬦ᭄ᬧᬢᬶᬄᬳᬚᬓ᭄ᬧᬢ᭄ᬧᬢ᭄᭞ᬫᬗᭀᬋᬕᬂᬧᬜ᭄ᬚᬓᬾᬗᬋᬧᬶᬦ᭄ᬫᬸᬲᬸᬄ᭞ᬫᬦᬶᬭᬦᬸᬓ

[᭒᭘ 28A]
᭒᭘
ᬧᬸᬭᬶᬬᬦ᭄᭞ᬩᬶᬦ᭄ᬳᬚᬳᬦ᭄ᬗᭂᬢᬸᬢ᭄ᬩᬸᬭᬶ᭟᭜᭟ᬫᬭᬶᬩ᭄ᬧᬫᬦ᭄ᬲᬸᬩᬦᬯᬂ᭞ᬳᬶᬦ᭄ᬤᬶᬓ᭄ᬕᭂᬮᬄᬲᬓᬶᬂᬧᬦᬸᬕ᭄ᬭᬦᬸᬍᬯᬶᬄ᭞ᬓᬮᭀᬓ᭄ᬢᬄᬯᬶᬰᬾᬱᬢᭂᬕᬸᬄ᭞ᬮᬸᬧᬸᬢ᭄ᬭᬶᬂᬲᬃᬯ᭄ᬯᬲᬜ᭄ᬚᬢ᭞ᬫᬜᬶᬤᬬᬂᬗᬶᬤᬸᬧᬂ
ᬦᬾᬲᬸᬩᬮᬫ᭄ᬧᬸᬲ᭄᭞ᬓᭀᬢ᭄ᬢᬫᬦ᭄ᬧᬸᬱ᭄ᬧᬓᭀᬫᬮ᭞ᬯᬭᬄᬯᬿᬭᭀᬘᬡᬗᬹᬦᬶ᭟᭜᭟ᬘ᭄ᬭᬶᬢᬬᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬭᬶᬂᬧᬸᬭᬶᬬᬦ᭄ᬫᬯᬭᬯᬭᬄᬭᬶᬂᬭᬩᬶ᭞ᬮᬮᬶᬫᬭᬩᬶᬦᬾᬳᬬᬸ᭞ᬧᬢᬸᬄᬳᬶᬦ᭄ᬤᬶ
ᬓ᭄ᬓᬳᬬᭀᬦ᭄᭞ᬤᬦᬸᬧᬢᬶᬲᬹᬃᬬ᭄ᬬᬯᬢᬶᬲᬫ᭄ᬧᬸᬦ᭄ᬭᬯᬸᬄ᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬦᬶᬭᬯᬢᬶᬮᬦ᭄ᬰ᭄ᬭᬶᬯᬢᬶ᭟᭜᭟ᬫᬮᬶᬄᬲᬶᬓᬶᬫᬧᭂᬲᬾᬗᬦ᭄᭞ᬤᬸᬲᬯᬢᬶᬦᬾᬦᬾᬧᬶᬦᬶᬄᬳᬮᬶᬢ᭄᭞ᬭᬩᬶ
ᬦᬾᬲᬫ᭄ᬧᬸᬦ᭄ᬫᬮᬸᬗ᭄ᬕᬸᬄ᭞ᬗᬶᬢᭂᬃᬮᬶᬗ᭄ᬕᬶᬄᬲᬂᬦᬵᬣ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬯᬭᬯᬭᬄᬲᬂᬧ᭄ᬭᬪᬸ᭞ᬳᬶᬦ᭄ᬤᬶᬓᬾᬧᬘᬂᬫᬬᬸᬥ᭞ᬓᬭᬯᬸᬳᬦ᭄ᬫᬸᬲᬸᬄᬰᬓ᭄ᬢᬶ᭟᭜᭟ᬫᬳ᭄ᬬᬲ᭄ᬳᬶᬤᬲᬂᬦᬵᬣ᭞ᬧᬭᬭᬩᬶᬲᬫᬶᬳᬶᬢᭂ