Kaca:Bali-lontar-gaguritan-nilacandra-b-300ppi.pdf/29

Kaca puniki sampun kauji-wacén

[᭒᭘ 28B]
᭒᭘
ᬧ᭄ᬗᬬᬳᬶᬦ᭄᭞ᬫᬧᬶᬦᬸᬦᬲ᭄ᬭᬶᬂᬲᬂᬧ᭄ᬭᬪᬸ᭞ᬬᬦ᭄ᬧᬤᬾᬫᭀᬮᬶᬳᬂᬬᬸᬥ᭞ᬫᬗ᭄ᬤᬳᬶᬤᬫᬕᬧ᭄ᬕᬧᬦ᭄ᬯᬲ᭄ᬢ᭄ᬭᬓᬫ᭄ᬧᬸᬄ᭞ᬓᬫ᭄ᬧᬸᬳᬶᬤᬲᬂᬓᬺᬱ᭄ᬡᬵ᭞ᬯᬲ᭄ᬢ᭄ᬭᬦ᭄ᬲᬂᬪᬷᬫᬓᬭᬶᬣᬶ᭟᭜᭟ᬯᬾᬦ᭄ᬢᭂᬦ᭄ᬲᬦᬾᬫᬧᬶᬦᬸ
ᬦᬲ᭄᭞ᬗᭀᬮᬲᭀᬮᬲ᭄ᬫᬗ᭄ᬤᬾᬦᬾᬓᬕᬧ᭄ᬕᬧᬶᬦ᭄᭞ᬬᬦ᭄ᬲᬫ᭄ᬧᬸᬦ᭄ᬓᬯᭀᬦᬶᬫᬸᬲᬸᬄ᭞ᬯᬲ᭄ᬢ᭄ᬭᬦ᭄ᬦᬓᬸᬮᬲᬤᬾᬯ᭞ᬦᬾᬓᬢᬸᬦᬲ᭄‌‌ᬫᬚᭂᬂᬭᬶᬂᬳᬶᬤᬲᬂᬧ᭄ᬭᬪᬸ᭞ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬜᬗ᭄ᬕᬸᬧᬶ
ᬦ᭄ᬭᬩᬶᬦᬾᬲᬫᬶ᭟᭜᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬪᬸᬱᬡᬵ᭞ᬭᬭᬶᬲ᭄ᬫᭂᬤᬮ᭄ᬳᬶᬤᬲᬂᬦᬭᬧᬢᬶ᭞ᬲᬺᬕᭂᬧ᭄‌‌ᬧᬭᬬᬸᬥᬲᬫ᭄ᬧᬸᬦ᭄᭞ᬯᬤ᭄ᬯᬦᬾᬲᬫ᭄ᬧᬸᬦ᭄ᬜᬦ᭄ᬢᭀᬲᬂ᭞ᬧᬮᬶᬗ᭄ᬕᬶᬳᬦ᭄ᬓ᭄ᬭᬾᬢᬦᬾᬗᭂᬦ᭄ᬤᬶᬄᬢᬸᬃᬫᬸᬭᬸᬩ᭄᭞
ᬓᬸᬤᬦ᭄ᬜᬦᬾᬲᬲᭂᬮᬶᬭᬦ᭄᭞ᬧᬮᬳᬶᬩᬾᬓᬤᬶᬳᬗᬶᬦ᭄᭟᭜᭟ᬯᬤ᭄ᬯᬦᬾᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬧᬶᬦᬶᬄᬭᬶᬳᬶᬦ᭄ᬧᬭᬧᬢᬶᬳᬾᬫᬫᬃᬕ᭄ᬕᬶ᭞ᬕᬚᬄᬓᬸᬤᬦᬾᬧᬕ᭄ᬭᬸᬤᬸᬕ᭄᭞ᬯᬾᬦ᭄ᬢᭂᬦ᭄ᬗᬮᬶᬗ᭄ᬕᬶᬳᬶ

[᭒᭙ 29A]
᭒᭙
ᬦ᭄ᬓ᭄ᬭᬾᬢ᭞ᬲ᭄ᬯᬭᬦ᭄ᬲᬸᬭ᭄ᬬᬦ᭄ᬲ᭄ᬯᬭᬦ᭄ᬲᭀᬫ᭄ᬧ᭄ᬭᬾᬢ᭄ᬧᬥᬳᬸᬬᬸᬢ᭄᭞ᬫᬶᬯᬄᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬕᭀᬂᬢᬫ᭄ᬩᬸᬃᬗᭂᬫ᭄ᬧᭂᬗᬶᬦ᭄ᬓᭀᬧᬶᬂ᭟᭜᭟ᬢᬦᬲᬸᬯᬾᬲᬫ᭄ᬧᬸᬦ᭄ᬦᬧᬓ᭄᭞ᬭᬶᬂᬕᭂᬦᬳᬾᬧᬘᬂᬫᬢ
ᬦ᭄ᬤᬶᬂᬚᬸᬭᬶᬢ᭄᭞ᬯᬤ᭄ᬯᬦᬾᬲᬫ᭄ᬧᬸᬦ᭄ᬫᬗᬫᬸᬓ᭄᭞ᬗᬫᬸᬓ᭄ᬯᬤ᭄ᬯᬲᬂᬓᬺᬱ᭄ᬡᬵ᭞ᬭᬶᬂᬳᬚᬳᬦ᭄ᬯᬤ᭄ᬯᬯᬺᬱ᭄ᬡᬶᬦᬾᬓᬓᭂᬧᬸᬂ᭞ᬓᬲᭀᬭᬦ᭄ᬫᬢᬦ᭄ᬤᬶᬂᬬᬸᬥ᭞ᬧᬥᬭᬭᬸᬤ᭄ᬬᬫᬮᬳᬶᬩ᭄᭟᭜᭟ᬲᬂᬓᬺᬱ᭄ᬡᬵᬳᬶᬤ
ᬫᬜᬶᬗᬓ᭄᭞ᬗᬦ᭄ᬤᬶᬓᬬᬂᬓᬺᬢ᭄ᬢᬯᬃᬫ᭄ᬫᬲᬢ᭄ᬬᬓᬶ᭞ᬫᬗ᭄ᬤᬤᬶᬕᭂᬮᬶᬲ᭄ᬫᬫᬕᬸᬢ᭄᭞ᬯᬤ᭄ᬯᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬲᬢ᭄ᬬᬓᬶᬓᬺᬢ᭄ᬢᬯᬃᬫ᭄ᬫᬫᬸᬯᬄᬲᬂᬯᬪ᭄ᬭᬸ᭞ᬉᬖ᭄ᬭᬲᬾᬦᬮᬦ᭄ᬲᬢ᭄ᬬᬓ᭞ᬧᬢᬶᬄᬉᬥᬯᬜᬋᬗᬶ
ᬦ᭄᭟᭜᭟ᬲᬫᬶᬲᬫ᭄ᬧᬸᬦ᭄ᬫᬗᬋᬧᬂ᭞ᬫᬗᬭᬸᬲᬓ᭄ᬲᬓᭂᬭᬄᬫᬸᬲᬸᬳᬾᬲᬫᬶ᭞ᬫᬸᬲᬸᬳᬾᬲᬫᬶᬓᬓᭂᬧᬸᬂ᭞ᬯᬤ᭄ᬯᬲᬂᬦᬶᬮᬘᬦ᭄ᬤ᭄ᬭ᭞ᬧᬥᬭᬸᬲᬓ᭄ᬲᬶᬲᬦ᭄ᬧᬤᭂᬫ᭄ᬧᬥᬭᬭᬸᬤ᭄᭞ᬯᬾᬦ᭄ᬢᭂᬦ᭄ᬫᬢᬸᬃᬭᬶᬂ