Kaca:Bali-lontar-gaguritan-nilacandra-b-300ppi.pdf/32

Kaca puniki sampun kauji-wacén

[᭓᭑ 31B]
᭓᭑
᭞ᬲᬮᬶᬂᬢᬶᬕ᭄ᬢᬶᬕ᭄ᬲᬮᬶᬂᬧᭂᬮᬸᬓ᭄᭞ᬓᬢᬦ᭄ᬤᭂᬲ᭄ᬲᬂᬩᬮᬤᬾᬯ᭞ᬫᬓᬶᬍᬲ᭄ᬳᬶᬤᬫᬓᬶᬭᬶᬕ᭄᭞ᬭᬭᬶᬲ᭄ᬗᬋᬕᭂᬧᬂᬬᭀᬕ᭞ᬫᬢᭂᬫᬳᬦ᭄ᬦᬕᬳᬕᬸᬂ᭟᭜᭟ᬓᬪᬶᬦᬯᬗᬕᬯᭀᬓᬶᬦ᭄᭞ᬭᬶᬂᬧᬬᬸᬥᬦ᭄᭞ᬯᬶᬱ᭄ᬬ
ᬓᬤᬶᬕᭂᬦᬶᬫᬸᬭᬸᬩ᭄᭞ᬲᬶᬂᬓᬢᭂᬫ᭄ᬧᬸᬄᬧᬸᬳᬸᬦ᭄᭞ᬤᬤᭀᬲᬩᬸᬧ᭄ᬭᬫᬗ᭄ᬓᬶᬦ᭄᭞ᬲᬂᬕᬦᬾᬓᬢ᭄ᬯᬭᬕᬶᬗ᭄ᬕᬂ᭞ᬯᬶᬭᭀᬱᬗᬋᬧᬂᬗᬫᬸᬓ᭄᭞ᬲᬂᬦᬵᬕᬯᬶᬰᬾᬱ᭞ᬫᭀᬮᬶᬳᬂᬲᬶᬗ᭄ᬲᬾᬫᬗᬸᬢᬶᬮ᭄᭞ᬲᬂᬕᬡᬾᬓ
ᬭᬭᬶᬲ᭄ᬋᬩᬄ᭞ᬲᬾᬤᬧᬸᬳᬸᬦ᭄ᬤᬤᭀᬲ᭄ᬳᬩᬸ᭟᭜᭟ᬲᬂᬪᬷᬫᬘ᭄ᬭᬶᬢᬬᬂᬫᬮᬶᬄ᭞ᬲᬮᬶᬂᬲᭂᬫ᭄ᬧᬮ᭄᭞᭠ᬲ᭄ᬯᬭᬦ᭄ᬕᬥᬦᬾᬫᬲᭂᬧᬸᬓ᭄᭞ᬓᬤᬶᬲ᭄ᬯᬭᬦ᭄ᬓᭂᬭᬸᬕ᭄᭞ᬲᬦᬾᬫᬗᭂᬚᭂᬭᬂᬕᬸᬫᬶ᭞ᬧᬢᬶᬄᬫᬤᬯᬾᬓᬗᬸᬘᬧ᭄
᭞ᬳᬶᬄᬪᬷᬫᬓᬮᬶᬯᬢ᭄ᬢᭂᬕᬸᬄ᭞ᬦᬾᬚᬦᬶᬳᬾᬤᬾᬗᬂ᭞ᬩ᭄ᬯᬢ᭄ᬓᬯᬶᬰᬾᬱᬦ᭄ᬘᬳᬶ᭞ᬲᬂᬪᬷᬫᬭᬭᬶᬲ᭄ᬗᬺᬕᭂᬧᬂ᭞ᬫᬬᭀᬕᬦᬸᬗ᭄ᬕᬮᬂᬓᬬᬸᬦ᭄᭟᭜᭟ᬭᬕᬦᬾᬗᭂᬚᭂᬃᬧ᭄ᬭᬫᬗ᭄ᬓᬶᬦ᭄᭞ᬫᬲᬶᬮᬸᬫᬦ᭄᭞ᬫᬦᬤᭀᬲ᭄ᬭᬓ᭄ᬱᬲ

[᭓᭒ 32A]
᭓᭒
ᬳᬕᬸᬂ᭞ᬓᬮᬶᬦ᭄ᬢᬂᬳᬮᬸᬳᬸᬃ᭞ᬮᬸᬯᬶᬃᬓᬮᬵᬦ᭄ᬢᬓᬜᭂᬭᬶᬢ᭄᭞ᬧᬘᬂᬗ᭄ᬭᬸᬲᬓᬂᬚᬕᬢ᭄᭞ᬲᬓ᭄ᬱᬡᬭᬭᬶᬲ᭄ᬫᬜᬳᬸᬧ᭄᭞ᬧᬢᬶᬄᬫᬤᬯᬾᬓᬵ᭞ᬓᬧᬺᬓᭂᬲ᭄ᬢᬸᬃᬫᬗᭂᬫᬲᬶᬦ᭄᭞ᬋᬫᬸᬓ᭄ᬢ᭄ᬯᬭᬫᬓ᭄ᬭᬶᬲᬶᬓᬦ᭄᭞ᬢᬸᬮᬂᬢᬸᬮᬵᬂ
ᬜᬦᬾᬮᬸᬂᬮᬸᬂ᭟᭜᭟ᬓ᭄ᬭᭀᬥᬰ᭄ᬭᬷᬳᬭᬶᬫᬹᬃᬣᬶ᭞ᬫᬗᬺᬕᭂᬧᬂ᭞ᬳ᭄ᬬᬂᬫᬳᬵᬫᬗ᭄ᬕᬮᬳᬶᬓᬸ᭞ᬯᬶᬱ᭄ᬡᬸᬫᬸᬃᬢ᭄ᬢᬶ᭠ᬳᬮᬸᬳᬸᬃ᭞ᬤᬰᬲ᭄ᬬᬗᬕᬯᭀᬓᬶᬦ᭄᭞ᬓᬳᭂᬚᬸᬓ᭄ᬧᬢᬶᬄᬯᬾᬱ᭄ᬡᬸᬓᬵ᭞ᬓᬧᬦ᭄ᬢᬶᬕᬂᬯᬲ᭄ᬢᬸᬋᬫᬸᬓ᭄᭞ᬗᬋᬧᬂ
ᬧᬢᬶᬄᬪᬬᬾᬓᬵ᭞ᬢᬍᬃᬢᬦ᭄ᬧᭀᬮᬶᬄᬗᬸᬦ᭄ᬤᬶᬮᬶ᭞ᬓᬤᭂᬍᬂᬳᬦ᭄ᬢᬸᬓ᭄‌‌ᬕ᭄ᬦᬶᬯᬶᬱ᭞ᬗᬦ᭄ᬢᭀᬲ᭄‌‌ᬧᬸᬳᬸᬦ᭄ᬤᬤᭀᬲᬩᬸ᭟᭜᭟ᬲᬫ᭄ᬧᬸᬦ᭄ᬢᭂᬮᬲ᭄ᬫᬗᭂᬫᬲᬶᬦ᭄᭞ᬫᬓᬧᬢ᭄ᬧᬢ᭄᭞ᬧᬢᬶᬄᬰ᭄ᬭᬷᬘᬦ᭄ᬤ᭄ᬭᬧ᭄ᬭᬪᬸ᭞ᬓ᭄ᬭᭀᬥᬭᬭᬶᬲ᭄ᬢᭂ
ᬤᬸᬦ᭄᭞ᬲᬓᬶᬂᬧᬮᬶᬗ᭄ᬕᬶᬳᬦ᭄ᬕᭂᬮᬶᬲ᭄᭞ᬭᬭᬶᬲ᭄ᬗᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬩᭂᬘᬢ᭄ᬯᬮᬸᬬᬫᬓᭂᬩᬸᬃ᭞ᬲᬃᬯ᭄ᬯᬶᬗᬗ᭄ᬕᬃᬕᬥ᭞ᬓᬤᬶᬲᬶᬗ᭄ᬳᬵᬭᭀᬤᬧᬢᬶᬲ᭄᭞ᬫᬜᭂᬭᬶᬢ᭄ᬭᬶᬂᬢᭂᬗᬳᬮᬲ᭄᭞ᬳᬚ᭄ᬭᬶᬄᬩᬸᬭᭀᬦᬾᬫᬮᬬᬸ᭟᭜᭟ᬲᬂᬪᬷ