Kaca:Bali-lontar-gaguritan-nilacandra-b-300ppi.pdf/33

Kaca puniki sampun kauji-wacén

[᭓᭒ 32B]
᭓᭒
ᬫᬭᬭᬶᬲ᭄ᬓᬧᬗ᭄ᬕᬶᬄ᭞ᬫ᭄ᬯᬃᬡ᭄ᬦᬤᬿᬢ᭄ᬬ᭞ᬓᬪᬶᬦᬯᬳᬭᬸᬳᬸᬃ᭞ᬯᬶᬭᭀᬱᬫᬗᬸᬢ᭄ᬕᬸᬢ᭄᭞ᬕᭂᬮᬶᬲ᭄ᬳᬶᬤᬲᬂ᭠ᬦᬺᬧᬢᬶ᭞ᬫᬦᬶᬯᬓᬶᬦ᭄ᬕᬥ᭞ᬓᬢᬶᬕ᭄ᬢᬶᬕ᭄ᬳᬶᬤᬿᬢ᭄ᬬᬳᬕᬸᬂ᭞ᬳᭂᬩᬄᬫᬦᬸᬗ᭄ᬓᬬᬓ᭄᭞ᬲᬂᬪᬶᬫᬫᬓᬶᬍ
ᬲ᭄ᬕᭂᬮᬶᬲ᭄᭞ᬳᬸᬲᬦ᭄ᬫᬯᬃᬡ᭄ᬦᬤᬦᬯᬦ᭞ᬦᬵᬕᬳᬕᬸᬂᬕᭂᬮᬶᬲ᭄ᬭᬯᬸᬄ᭟᭜᭟ᬓ᭄ᬭᬸᬭᬕᬮᬓ᭄ᬫᬜᬕ᭄ᬚᬕᬶᬦ᭄᭞ᬫᬢᬩᬭᬓ᭄᭞ᬫᭂᬤᬮ᭄ᬕᭂᬦᬶᬳᭂᬦ᭄ᬤᬶᬄᬫᬸᬭᬸᬩ᭄᭞ᬢᬦ᭄ᬢᭂᬮᬕ᭄ᬜᬶᬫ᭄ᬩᬸᬄ᭞ᬲᬂᬦᬶᬮᬘᬦ᭄ᬤ᭄ᬭᬫᬗ᭄ᬓᬶᬦ᭄᭞
ᬲᬶᬓ᭄ᬱᬫᬗᬸᬬᭂᬂᬕᬥ᭞ᬓᬮᬦ᭄ᬢᬶᬕ᭄ᬳᬶᬦᬕᬳᬕᬸᬂ᭞ᬫᬦᬤᭀᬲ᭄ᬩᬮᬤᬾᬯ᭞ᬳᭂᬩᬄᬮᬩᬸᬄᬫᬜᬸᬗ᭄ᬓᬶᬮᬶᬂ᭞ᬓᬲᭀᬃᬗᬋᬧᬶᬦ᭄ᬲᬂᬦᬵᬣ᭞ᬲᬫᬶᬫᬸᬦ᭄ᬤᬸᬃᬓᬧᬶᬮᬬᬸ᭟᭜᭟ᬲᬂᬓᬺᬱ᭄ᬡᬵᬗᬋᬧᬂᬕᭂᬮᬶᬲ᭄᭞ᬤᬳ
ᬢ᭄ᬓ᭄ᬭᭀᬥ᭞ᬫᬢ᭄ᬭᬶᬯᬶᬓ᭄ᬭᬫᬲᬫ᭄ᬧᬸᬦ᭄᭞ᬓᬲᬸᬩ᭄ᬫᬢᬗᬦ᭄ᬲᬶᬬᬸ᭞ᬓᬪᬶᬦᬯᬫᬗᬺᬲ᭄ᬋᬲᬶᬦ᭄᭞ᬓᬲᬳᬸᬧ᭄ᬲᬂᬦᬶᬮᬘᬦ᭄ᬤ᭄ᬭ᭞ᬓᬘᬄᬘᬄᬲᬜ᭄ᬚᬢᬲᬶᬬᬸ᭞ᬲᬜ᭄ᬚᬢᬦ᭄ᬲᬂᬓᬺᬱ᭄ᬡ᭞ᬢᬦ᭄ᬧ᭄ᬭᬲᬶᬤ᭄ᬥᬫᬫᬶᬦ᭄ᬢᬸᬮᬶ

[᭓᭓ 33A]
᭓᭓
ᬦ᭄᭞ᬳᬦ᭄ᬢᬸᬓ᭄ᬓᭀᬢ᭄ᬢᬫᬦ᭄ᬰ᭄ᬭᬷᬘᬦ᭄ᬤ᭄ᬭ᭞ᬮ᭄ᬯᬶᬃᬓᬢᬶᬩᬾᬦ᭄ᬓᬫᬦ᭄ᬤᬮᬸ᭟᭜᭟ᬲᬂᬦᬶᬮᬘᬦ᭄ᬤ᭄ᬭᬦᬾᬫᬗ᭄ᬓᬶᬦ᭄᭞ᬫᬗᬺᬕᭂᬧᬂ᭞ᬚ᭄ᬜᬦᬲᬸᬤ᭄ᬥᬦᬸᬮᬸᬲ᭄᭞ᬓᭂᬮᬾᬲ᭄ᬕᭂᬮᬶᬲ᭄ᬫᬘᭂᬩᬸᬃ᭞ᬲᬓᬶᬂᬢᬗᬦ᭄ᬳᬭᬶᬫᬸᬃᬢ᭄ᬢᬶ᭞ᬯᬶᬭᭀᬱᬦᬶᬯᬓᬂᬕᬥ᭞ᬓ
ᬪᬶᬦᬯᬓᬤᬶᬓᭂᬭᬸᬕ᭄᭞ᬫᬯᬮᬶᬤᬤᭀᬲ᭄ᬲᬂᬓᬺᬱ᭄ᬡᬵ᭞ᬫᬓᬶᬍᬲ᭄ᬳᬶᬤᬫᬓᭂᬮᬶᬤ᭄᭞ᬫᬢᬶᬗ᭄ᬕᬮ᭄‌‌ᬲᬓᬶᬂᬧᬬᬸᬥᬦ᭄᭞ᬮᬸᬗ᭄ᬳᬵᬓᬳᬮᬲ᭄ᬫᬦᬸᬲᬸᬧ᭄᭟᭜᭟ᬓ᭄ᬭᭀᬥᬳᬶᬤᬲᬂᬓᬶᬭᬶᬣᬶ᭞ᬫᬗᬋᬧᬂ᭞ᬫᬦᬶ
ᬯᬓᬂᬧᬦᬄᬲᬶᬬᬸ᭞ᬳᬢᭂᬧ᭄ᬫᬲᬸᬲᬸᬦ᭄ᬲᬸᬲᬸᬦ᭄᭞ᬢᭂᬮᬲ᭄ᬳᭂᬮᬸᬂᬢᬦ᭄ᬫᬶᬦ᭄ᬢᬸᬮᬶᬦ᭄᭞ᬭᬶᬂᬳᬗ᭄ᬕᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬓᬤᬶᬤᬯᬸᬦ᭄ᬢᬶᬩᬾᬂᬩᬢᬸ᭞ᬲᬂᬦᬶᬮᬘᬦ᭄ᬤ᭄ᬭᬗ᭄ᬯᬍᬲᬂ᭞ᬲᬂᬧᬃᬣᬭᬭᬶᬲ᭄ᬫᬓᭂᬮᬶᬤ᭄᭞ᬫᬓᬶᬍᬲ᭄ᬜᬸ
ᬲᬸᬧ᭄ᬭᬶᬗᬮᬲ᭄᭞ᬓᬲᭀᬭᬦ᭄ᬗᬤᬸᬓᬯᭂᬭᬸᬄ᭟᭜᭟ᬰ᭄ᬭᬷᬦᬶᬮᬘᬦ᭄ᬤ᭄ᬭᬪᬸᬧᬢᬶ᭞ᬫᬗᭂᬮᬶᬲᬂ᭞ᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬫᬗᭂᬧᬸᬂ᭞ᬓᬳᬮᬲᬾᬜᬸᬲᬸᬧ᭄᭞ᬗᭂᬢᬸᬢ᭄ᬲᬂᬓᬺᬱ᭄ᬡᬓᬶᬭᬶᬣᬶ᭞ᬭᬯᬸᬄᬭᬶᬂᬢᭂᬗᬳᬶᬗ