Kaca:Bali-lontar-gaguritan-nilacandra-b-300ppi.pdf/34

Kaca puniki sampun kauji-wacén

[᭓᭓ 33B]
᭓᭓
ᬮᬲ᭄᭞ᬲᬂᬓᬮᬶᬄᬦᭀᬭᬓᬧᬗ᭄ᬕᬸᬄ᭞ᬫᬭᬃᬬ᭄ᬬᬦ᭄ᬰ᭄ᬭᬷᬘᬦ᭄ᬤ᭄ᬭ᭞ᬭᬶᬂᬩᭂᬢᬾᬦ᭄ᬢᬭᬸᬫᬮᬶᬗ᭄ᬕᬶᬄ᭞ᬤᬶᬕᭂᬮᬶᬲ᭄ᬳᬶᬤᬲᬂᬦᬵᬣ᭞ᬫᬬᭀᬕᬦᬸᬗ᭄ᬕᬮᬂᬓᬬᬸᬦ᭄᭟᭜᭟ᬭᬭᬶᬲ᭄ᬫᭂᬤᬮ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬭᬹᬧᬓᭂᬫ᭄ᬩᬃ᭞ᬯᬃᬡ᭄ᬦᬦ᭄ᬜᬦᬾ
ᬮᬶᬢᬸᬳᬬᬸ᭞ᬧᬸᬦᬶᬓᬵᬓᬳᬸᬢᬸᬲ᭄᭞ᬧᬘᬂᬗᭂᬚᬸᬓ᭄ᬲᬂᬓᬶᬭᬶᬣᬶ᭞ᬢᬸᬫᬸᬮᬶᬫᬫᬃᬕ᭄ᬕᬶ᭞ᬭᬶᬂᬢᭂᬗᬳᬮᬲ᭄ᬫᬜᬸᬲᬸᬧ᭄᭞ᬳᬮᬲ᭄ᬫᬤᬸᬃᬕ᭄ᬕᬫ᭞ᬲᬂᬦᬶᬮᬘᬦ᭄ᬤ᭄ᬭᬪᬸᬧᬢᬶ᭞ᬫᬦ᭄ᬢᬸᬓ᭄ᬳᬶᬤᬓᬦᬕᬭ᭞ᬭᬶᬂᬢᭂᬕᬮ᭄ᬧᬬᬸᬥᬦ᭄ᬭᬯᬸᬄ᭟
᭜᭟ᬲᬂᬓᬮᬶᬄᬮ᭄ᬯᬶᬃᬤᬤᬭᬶ᭞ᬘᬭᬶᬢᬬᬂ᭞ᬫᬜᬸᬲᬸᬧ᭄ᬭᬶᬂᬳᬮᬲᬕᬸᬂ᭞ᬢᬦᬲᬸᬯᬾᬓᬧᬗ᭄ᬕᬸᬄ᭞ᬕᭂᬦᬄᬳᬶᬤᬲᬂᬓᬶᬭᬶᬣᬶ᭞ᬯᬾᬦ᭄ᬢᭂᬦ᭄ᬩᬢᬸᬮᬾᬫ᭄ᬧᬾᬳᬲᬢ᭄᭞ᬓᬳᬸᬗ᭄ᬓᬸᬮᬦ᭄ᬢᬭᬸᬗᬺᬫ᭄ᬩᬸᬦ᭄᭞ᬳᬶᬭᬶᬓᬫᬭᬵᬃ
ᬬ᭄ᬬᬦ᭄᭞ᬓᬤᬶᬫᬗᬶᬦᭂᬂᬲᬫᬥᬶ᭞ᬭᬯᬸᬄᬲᬂᬓᬮᬶᬄᬫᬗᭀᬤ᭞ᬳᬢᬸᬭᬾᬜᬶᬸᬗᭂᬜᬕᬂᬓᬬᬸᬦ᭄᭟᭜᭟ᬲᬶᬗ᭄ᬕᬶᬄᬭᬢᬸᬲᬗᬧᭂᬓᬶᬓ᭄᭞ᬩᭀᬬᬘᬶᬗᬓ᭄᭞ᬧᬗᬪᬓ᭄ᬢᬶᬦ᭄ᬢᬶᬢ᭄ᬬᬂᬭᬢᬸ᭞ᬢᬫ᭄ᬩ᭠

[᭓᭔ 34A]
᭓᭔
ᬦᬶᬦ᭄ᬳᬶᬩᬸᬤᬸᬄ᭞ᬜᬤ᭄ᬬᬫᬗᬢᬸᬭᬂᬳᬸᬭᬶᬧ᭄᭞ᬬᬦ᭄ᬯᬦ᭄ᬢᬄᬳᬶᬭᬢᬸᬲ᭄ᬯᬾᬘ᭄ᬙᬵ᭞ᬭᬶᬂᬢᬶᬢ᭄ᬬᬂᬳᬵᬧ᭄ᬲᬭᬶᬭᬯᬸᬄ᭞ᬲᬓᬶᬂᬚᬕᬢ᭄ᬲ᭄ᬯᬃᬕ᭄ᬕᬦ᭄᭞ᬕᬸᬫᬦ᭄ᬢᬶᬗᬶᬭᬶᬗᬂᬩᭂᬮᬶ᭞ᬳᬶᬭᬶᬓᬶᬫᬮᬾᬤᬂᬮᬾᬤᬂ᭞ᬜ
ᬤ᭄ᬬᬗᬮᬂᬮᬂᬉᬮᬗᬸᬦ᭄᭟᭜᭟ᬬᬤ᭄ᬬᬦ᭄ᬧᬶᬂᬲᬢᬸᬲ᭄ᬤᬸᬫᬤᬶ᭞ᬫᬗ᭄ᬤᬲᬶᬤ᭄ᬥ᭞ᬫᬢᭂᬫᬸᬲᬋᬂᬳᬶᬭᬢᬸ᭞ᬓᬩᬢᭂᬓ᭄ᬳᬸᬮᬗᬸᬦ᭄᭞ᬫᬦᬄᬢᬶᬢ᭄ᬬᬂᬩᬸᬤᬸᬄᬧᬮᬶᬂ᭞ᬲᬂᬧᬃᬣᬓᬲ᭄ᬫᬭᬦ᭄᭞ᬲᬗᬬᬸᬭᬭᬶᬲ᭄ᬓᬕᭂᬮᬸᬢ᭄᭞ᬢᬸᬃᬓᬳᬭᬲ
ᬭᬲ᭄᭞ᬓᬤᬶᬓᭂᬫ᭄ᬩᬂᬗᬶᬲᭂᬧ᭄ᬲᬭᬶ᭞ᬲᬗᬬᬸᬫᬗ᭄ᬓᬶᬦ᭄ᬯᬶᬭᭀᬱ᭞ᬲᬂᬧᬃᬣᬭᬭᬶᬲ᭄ᬓᬢᭂᬕᬸᬮ᭄᭟᭜᭟ᬢᬗᬦ᭄ᬘᭀᬓᭀᬃᬓᬢᬮᬶᬦᬶᬦ᭄᭞ᬢᬸᬃᬓᬲᬗ᭄ᬓᭀᬮ᭄᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬓᭂᬩᬸᬃ᭞ᬓᬢᬸᬃᬭᬶᬂᬲᬂᬧ᭄ᬭᬪᬸ᭞ᬮᬾᬤᬂᬓ᭠
ᬬᬸᬦᬾᬢᬦ᭄ᬲᬶᬧᬶ᭞ᬲᬂᬧ᭄ᬭᬪᬸᬫᬮᬶᬄᬫᬬᭀᬕᬵ᭞ᬢᬸᬫᬸᬮᬶᬳᬶᬘᬮ᭄ᬧᬫᬸᬧᬸᬢ᭄᭞ᬲᬗᬬᬸᬓᬭ᭄ᬯᬵᬧᬸᬦᬶᬓᬵ᭞ᬫᬯᬮᬶᬭᬶᬂᬚ᭄ᬜᬦᬲᬶᬤ᭄ᬥᬶ᭞ᬓᭀᬢ᭄ᬢᬫᬦ᭄ᬲᬂᬘᬦ᭄ᬤ᭄ᬭᬦᬵᬣ᭞ᬰᬓ᭄ᬢᬶᬦᬾᬓᬮᬗ᭄ᬓᬸᬂᬮᬗ᭄ᬓᬸᬂ᭟᭜᭟