[᭓᭔ 34B]
᭓᭔
ᬧᬸᬧᬸᬄᬤᬸᬃᬫ᭄ᬫ᭟᭜᭟ᬤᬸᬓ᭄ᬧᬸᬦᬶᬓᬲᬂᬦᬓᬸᬮᬲᬳᬵᬤᬾᬯ᭞ᬓ᭄ᬭᭀᬥᬓᬬᬸᬦᬾᬢᬦ᭄ᬲᬶᬧᬶ᭞ᬜᬶᬗᬓ᭄ᬲᬂᬨᬮ᭄ᬕᬸᬡ᭞ᬓᬢᭂᬕᬸᬮ᭄ᬳᭀᬮᬶᬄᬲᬂᬘᬦ᭄ᬤ᭄ᬭ᭞ᬲᬂᬓᬮᬶᬄᬫᬗᬸᬦᬸᬲ᭄ᬓᭂᬭᬶᬲ᭄᭞ᬘᬦ᭄ᬤ᭄ᬭᬵᬰᬤᬸᬫᬶᬮᬄ᭞ᬗᬺᬩᬸ
ᬢ᭄ᬲᬂᬘᬦ᭄ᬤ᭄ᬭᬪᬸᬧᬢᬶ᭟᭜᭟ᬚᬕ᭄ᬯᬶᬭᭀᬱᬫᬗᬫᬸᬓ᭄ᬢ᭄ᬯᬭᬚᬗ᭄ᬓᬬᬦ᭄᭞ᬦᬸᬯᭂᬓ᭄ᬲᬓᬶᬂᬳᬸᬗ᭄ᬓᬸᬃᬲᬫ᭄ᬧᬶᬂ᭞᭠ᬲᬓᬶᬂᬳᬋᬧ᭄ᬜᬄᬘᬄ᭞ᬦᬶᬮᬘᬦ᭄ᬤ᭄ᬭᬢᬦ᭄ᬓᬾᬯᭂᬭᬦ᭄᭞ᬲᬜ᭄ᬚᬢᬦᬾᬢᬦ᭄ᬫᬶᬦ᭄ᬢᬸᬮᬶᬦ᭄᭞ᬓᬍᬲᭀ᭠
ᬦ᭄ᬲᬂᬓᬭ᭄ᬯ᭞ᬗᬦ᭄ᬢᭀᬲ᭄ᬮᭂᬲᬸᬫᬦᬸᬯᭂᬓᬶᬦ᭄᭟᭜᭟ᬭᬭᬶᬲ᭄ᬓ᭄ᬭᭀᬥᬦᬾᬫᬗ᭄ᬓᬶᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬲᬂᬓᬮᬶᬄᬓᬢᬜ᭄ᬚᬸᬗᬶᬦ᭄᭞ᬲᬃᬯ᭄ᬯᬶᬗᬸᬬᭂᬂᬕᬥ᭞ᬲᬂᬦᬓᬸᬮᬲᬳᬵᬤᬾᬯ᭞ᬓᬲᬾᬧᬦ᭄ᬳᬶᬤᬫᬓᭂᬮᬶᬤ᭄
᭞ᬓᬲᭂᬫ᭄ᬧᬮ᭄ᬕᬥ᭞ᬧᬫᬸᬧᬸᬢ᭄ᬲᬾᬤᬲᬂᬓᬮᬶᬄ᭟᭜᭟ᬫᬮᬶᬳᬾᬮᬶᬂᬲᬂᬧ᭄ᬭᬪᬸᬦᬶᬮᬘᬦ᭄ᬤ᭄ᬭ᭞ᬭᬶᬂᬳᬶᬤᬲᬂᬳᬭᬶᬫᬸᬃᬢ᭄ᬢᬶ᭞ᬭᬶᬂᬢᭂᬗᬳᬶᬂᬳᬮᬲ᭄᭞ᬲᬦᬾᬤᬸᬭᬸᬂᬓᬓᭂᬦᬶᬬᬂ᭞ᬫᬬᭀᬕᬗᬺᬕᭂ
[᭓᭕ 35A]
᭓᭕
ᬧ᭄ᬓᬰᬓ᭄ᬢᬶᬦ᭄᭞ᬫᭂᬤᬮ᭄ᬪᬸᬢᬭᬵᬚ᭞ᬳᬕᭃᬂᬭᬸᬳᬸᬃᬗᬕᬯᭀᬓᬶᬦ᭄᭟᭜᭟ᬬᬦ᭄ᬲᬯᬗᬂᬲᬓᬤᬶᬕᬸᬦᬸᬂᬫᬫᬃᬕ᭄ᬕ᭞ᬓᬦ᭄ᬤᬶᬓᬬᬂᬗᭂᬢᬸᬢ᭄ᬩᬸᬭᬶ᭞ᬗᬸᬩᭂᬃᬲᬂᬓᬺᬱ᭄ᬡᬵ᭞ᬢᬦ᭄ᬗᬾᬢᬂᬪᬬᬤᬸᬃᬕ᭄ᬕ᭞ᬜᬸᬲᬸᬧ᭄ᬭᬶ
ᬗᬮᬲ᭄ᬲᬭᬶᬧᬶᬢ᭄᭞ᬕᭂᬮᬶᬲᬶᬂᬘ᭄ᬭᬶᬢ᭞ᬲᬂᬓᬺᬱ᭄ᬡᬵᬓᬧᬗ᭄ᬕᬶᬳᬶᬦ᭄᭟᭜᭟ᬯᬳᬸᬳᬬᬢ᭄ᬲᬂᬪᬸᬢᬭᬵᬚᬫᬦᬶᬓᭂᬧ᭄᭞ᬳᬶᬤᬲᬂᬳᬭᬶᬫᬸᬃᬢ᭄ᬢᬶ᭞ᬚᬕ᭄ᬢᬦ᭄ᬧᬚᬫᬸᬕ᭞ᬪᬕᬯᬵᬦ᭄ᬳᬦ᭄ᬤᬲᬶᬗ᭄ᬳᬵ᭞ᬭᬯᬸᬄᬳᬶᬤᬫᬶ
ᬳᬮᬗᬶᬦ᭄᭞ᬢᬸᬃᬫᬗᬦ᭄ᬤᬶᬓᬵ᭞ᬧᬶᬋᬗᬂᬫᬮᬸᬧᬂᬩᭂᬘᬶᬓ᭄᭟᭜᭟ᬢᬸᬯᬄᬩᬧᬰ᭄ᬭᬷᬪᬕᬯᬦ᭄ᬳᬦ᭄ᬤᬲᬶᬗ᭄ᬳ᭞ᬫᬶᬗ᭄ᬲᬶᬓᬶᬦ᭄ᬲᬂᬦᬭᬧᬢᬶ᭞ᬲᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬘᬳᬶᬢᬾᬳᬶᬪᬸᬢᬭᬵᬚ᭞ᬳᬢᬸᬭᬶᬦ᭄ᬰ᭄ᬭᬶᬘ
ᬦ᭄ᬤ᭄ᬭᬧᬢᬶ᭞ᬳᬧᬂᬗ᭄ᬮᭂᬲᬸᬯᬂ᭞ᬬᭀᬕᬦ᭄ᬳᬶᬤᬦᬾᬤᬶᬕᭂᬮᬶᬲ᭄᭟᭜᭟ᬭᬭᬶᬲ᭄ᬳᬶᬘᬮ᭄ᬰ᭄ᬭᬷᬪᬕᬯᬵᬦ᭄ᬳᬦ᭄ᬤᬲᬶᬗ᭄ᬳ᭞ᬳᬶᬪᬸᬢᬭᬵᬚᬫᬯᬮᬶ᭞ᬲᬫ᭄ᬧᬸᬦ᭄ᬓᬳᬢᬸᬭᬂ᭞ᬭᬶᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬓᬤᬶᬧᬶᬢᭂᬓᭂ
