Kaca:Bali-lontar-gaguritan-nilacandra-b-300ppi.pdf/36

Kaca puniki sampun kauji-wacén

[᭓᭕ 35B]
᭓᭕
ᬢ᭄ᬲᬂᬋᬱᬶ᭞ᬲᬂᬦᬶᬮᬘᬦ᭄ᬤ᭄ᬭ᭞ᬗ᭄ᬮᭂᬲᬸᬯᬂᬬᭀᬕᬕᭂᬮᬶᬲ᭄᭟᭜᭟ᬢᬦ᭄ᬤᬸᬫᬤᬾᬫᬍᬲᬢ᭄ᬲᬂᬪᬸᬢᬭᬵᬚ᭞ᬫᬦᬸᬗ᭄ᬕᬶᬮ᭄ᬭᬶᬂᬲᬂᬦᬺᬧᬢᬶ᭞ᬦᬾᬫᬗ᭄ᬓᬶᬦ᭄ᬮᬶᬦ᭄ᬢᬗᬂ᭞ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬲᬂᬥᬃᬫ᭄ᬫᬘ᭄ᬭᬶᬢᬬᬂᬫ
ᬮᬶᬄ᭞ᬮᬸᬗ᭄ᬳᬵᬦᬢᬲᬂ᭞ᬲᬫᭂᬢᭀᬦ᭄ᬳᬶᬤᬾᬲᬫᬶ᭟᭜᭟ᬕᬕᬗ᭄ᬲᬭᬦ᭄ᬧᬫᬃᬕ᭄ᬕᬶᬲᬂᬬᬸᬥᬶᬱ᭄ᬝᬶᬭ᭞ᬗᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢᬧᬸᬢᬶᬄ᭞ᬲᬺᬕᭂᬧ᭄ᬯᬭᬬᬸᬥ᭞ᬭᬯᬸᬄᬭᬶᬂᬦᬵᬭᬚᬤᬾᬰ᭞ᬓ᭄ᬭᭀᬥ
ᬓᬬᬸᬦᬾᬧ᭄ᬭᬫᬗ᭄ᬓᬶᬦ᭄᭞ᬲᬲᬫ᭄ᬧᬸᬦ᭄ᬜᬶᬗᬓ᭄᭞ᬲᬫᭂᬢᭀᬦᬾᬫᬗᭂᬫᬲᬶᬦ᭄᭟᭜᭟ᬭᬾᬄᬓᬮᬶᬧᬸᬢ᭄ᬳᬦ᭄ᬢᬸᬓ᭄ᬢᬺᬱ᭄ᬡᬫᬶᬯᬄᬲᬬᬂ᭞ᬭᬶᬂᬲᬫᭂᬢᭀᬦᬾᬲᬫᬶ᭞ᬫᬗᬫ᭄ᬩᬶᬮ᭄ᬲᬜ᭄ᬚᬢ᭞ᬓᬮᬶᬫᭀᬱ
ᬥᬉᬢ᭄ᬢᬫ᭞ᬗᬺᬕᭂᬧᬂᬫᬦ᭄ᬢ᭄ᬭᬲᬶᬤ᭄ᬥᬶ᭞ᬚ᭄ᬭᭀᬦᬶᬂᬳᬚᬳᬦ᭄᭞ᬫᬢᭂᬫᬳᬦ᭄ᬓᬮᬵᬕᭂᬦᬶ᭟᭜᭟ᬗᭂᬦ᭄ᬤᬶᬄᬫᬸᬭᬸᬩ᭄ᬓᬪᬶᬦᬯᬗᬩᬭᬩᬃ᭞ᬭᬱᬗᭂᬩᭂᬓᬶᬦ᭄ᬕᬸᬫᬶ᭞ᬭᬶᬂᬢᭂᬗᬄᬧᬬᬸᬥᬦ᭄᭞ᬲᬕᬭ

[᭓᭖ 36A]
᭓᭖
ᬕᭂᬦᬶᬢᬸᬮ᭄ᬬ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬪᬸᬧᬢᬶ᭞ᬫᬗᬫ᭄ᬩᬶᬮ᭄ᬕᬥ᭞ᬯᬶᬭᭀᬱᬢᬦ᭄ᬧᬧᬓᬾᬭᬶᬂ᭟᭜᭟ᬯᬯᬸᬗᬬᬢ᭄ᬗᬘᭂᬧ᭄ᬲᬂᬳ᭄ᬬᬂᬯᬾᬭᭀᬘᬦ᭞ᬢᬦ᭄ᬧᬭᬯᬢ᭄ᬫᬢ᭄ᬭᬧ᭄ᬭᬧ᭄ᬢᬶ᭞ᬋᬱᬶᬳᬦ᭄ᬤᬲᬶᬗ᭄ᬳ᭞ᬗᬤᭂᬕ᭄ᬭᬶᬂᬳᬚᭂ
ᬗᬶᬤ᭞ᬫᬗᬦ᭄ᬤᬶᬓᬳᬸᬥᬹᬳᬤᬶ᭞ᬳᬶᬯᬂᬳᬶᬤᬾᬯ᭞ᬯᬶᬭᭀᬱᬓᬤᬶᬫᬗ᭄ᬓᬶᬦ᭄᭟᭜᭟ᬢ᭄ᬯᬭᬧᬢᬸᬢ᭄ᬳᬶᬤᬾᬯᬧᬸᬭᬸᬦ᭄ᬮᬗ᭄ᬕᬦ᭞ᬭᬶᬂᬳᬶᬤᬲᬂᬪᬸᬧᬢᬶ᭞ᬰ᭄ᬭᬷᬥᬃᬫ᭄ᬫᬢᬦᬬ᭞ᬧᬭᬕᬬᬦ᭄
ᬲᬂᬳ᭄ᬬᬂᬥᬃᬫ᭄ᬫ᭞ᬲᬶᬦᬄᬲᬗ᭄ᬲᬭᬦᬾᬧᬗ᭄ᬕᬶᬄ᭞ᬬᬦ᭄ᬳᬶᬤᬾᬯᬢᭂᬫ᭄ᬧᬮ᭄᭞ᬭᬶᬂᬳᬶᬤᬲᬂᬦᬭᬧᬢᬶ᭟᭜᭟ᬲᬩᬸᬯᬶᬦᬚᬕᬢᬾᬭᬸᬕ᭄ᬢᬦ᭄ᬧᬰᬾᬱ᭞ᬬᬦ᭄ᬲᬾᬤᬳᬶᬤᬭᬶᬂᬚᬸᬭᬶᬢ᭄
᭞ᬰ᭄ᬭᬷᬓᬺᬱ᭄ᬡᬬᬸᬥᬶᬱ᭄ᬝᬶᬭ᭞ᬳᬶᬤᬾᬯᬧᬢᬸᬢ᭄‌‌ᬜᬾᬯᬓ᭞ᬭᬶᬂᬳᬶᬤᬲᬂᬦᬵᬣᬓᬮᬶᬄ᭞ᬲᬂᬦᬶᬮᬘᬦ᭄ᬤ᭄ᬭ᭞ᬳᭂᬦ᭄ᬤᬸᬄᬓᬬᬸᬦᬾᬫᬗᬶᬭᬶᬂ᭟᭜᭟ᬭᬭᬶᬲ᭄ᬳᬶᬘᬮ᭄ᬲᬂᬋᬱᬶᬳᬦ᭄ᬤᬲᬶᬗ᭄ᬳ