Kaca:Bali-lontar-gaguritan-nilacandra-b-300ppi.pdf/37

Kaca puniki sampun kauji-wacén

[᭓᭖ 36B]
᭓᭖
᭞ᬲᬂᬦᬶᬮᬘᬦ᭄ᬤ᭄ᬭᬕᭂᬮᬶᬲ᭄᭞ᬗᬺᬕᭂᬧᬂᬗᬺᬥᬦ᭞ᬳᬶᬤᬳ᭄ᬬᬂᬯᬾᬭᭀᬘᬦ᭞ᬗᬮᬧ᭄ᬓᬲᭀᬃᬳᬶᬤᬦᬗ᭄ᬓᬶᬮ᭄᭞ᬭᬶᬂᬲᬂᬥᬃᬫ᭄ᬫᬲᬸᬢ᭞ᬫᬦᭂᬫ᭄ᬩᬄᬳᬶᬤᬗᬪᬓ᭄ᬢᬶ᭟᭜᭟ᬦᬸᬦᬲ᭄ᬳᬶᬯᬂᬳᬶᬤᬭᬶᬂᬳᬶᬦ᭄ᬤᬶᬓ᭄ᬧᬫᬃ
ᬕ᭄ᬕ᭞ᬬᬾᬄᬧᬦᭀᬦᬾᬤᬺᬲ᭄ᬫᬶᬚᬶᬮ᭄᭞ᬦᬸᬦᬲ᭄ᬧᬗᬫ᭄ᬧᬸᬭ᭞ᬲᬳᬵᬗᭂᬮᬸᬢ᭄ᬘᭀᬓᭀᬃᬳᬶᬤ᭞ᬓᬾᬫᬯᭀᬦ᭄ᬲᬂᬓᬪᬓ᭄ᬢᬶᬦᬶᬦ᭄᭞ᬲᬸᬫᬬᬦ᭄ᬓ᭄ᬭᭀᬥ᭞ᬫᭂᬦ᭄ᬢᬂᬓᬮᬵᬭᬸᬤ᭄ᬭᬕᭂᬦᬶ᭟᭜᭟ᬫᬜᬩᭂᬳᬶ
ᬦ᭄ᬳᬦ᭄ᬢᬸᬓ᭄ᬧᬦᬄᬫᬳᬸᬢ᭄ᬢᬫ᭞ᬓᬢᬄᬢᬦ᭄ᬓᭂᬦᬶᬯᬶᬮᬗᬶᬦ᭄᭞ᬗᭂᬩᭂᬓᬶᬦ᭄ᬳᬫ᭄ᬩᬭ᭞ᬢᬶᬩᬭᬶᬂᬲᬂᬦᬶᬮᬘᬦ᭄ᬤ᭄ᬭ᭞ᬲᬫᬶᬢᬦ᭄ᬲᬶᬤ᭄ᬥᬫᬶᬦ᭄ᬢᬸᬮᬶᬦ᭄᭞ᬧᬦᬳᬾᬭᬸᬲᬓ᭄᭞ᬯᬮᬸᬬᬦᬶᬩᬾᬦᬩᭂ
ᬲᬶ᭟᭜᭟ᬕᭂᬦᬶᬭᬹᬤ᭄ᬭᬲᬦᬾᬫᬸᬭᬸᬩ᭄ᬗᬩᬭᬩᬃ᭞ᬢᬦ᭄ᬧ᭄ᬭᬲᬶᬤ᭄ᬥᬗᭂᬩᬸᬲᬶᬦ᭄᭞ᬮ᭄ᬯᬶᬃᬢᬶᬃᬣᬳᬫᬺᬢ᭄ᬢ᭞ᬲᬂᬥᬃᬫ᭄ᬫᬲᬸᬫᬬᬤᬸᬄᬓ᭞ᬤᬾᬦᬶᬂᬢᬦ᭄ᬓᬬᬸᬦ᭄ᬦᬗ᭄ᬓᭂᬧᬶᬦ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬳᬶᬘ᭄ᬙᬵᬳᬶᬤᬫᬜᬶᬗ

[᭓᭗ 37A]
᭓᭗
ᬓᬶᬦ᭄᭟᭜᭟ᬭᬭᬶᬲ᭄ᬕᭂᬮᬶᬲ᭄ᬲᬂᬥᬃᬫ᭄ᬫᬫᬗᬫ᭄ᬩᬶᬮ᭄ᬓᭀᬦ᭄ᬢ᭞ᬢᬸᬃᬲᬫ᭄ᬧᬸᬦ᭄ᬓᬳᬲ᭄ᬢ᭄ᬭᬾᬦᬶᬦ᭄᭞ᬭᬭᬶᬲ᭄ᬓᬢᬶᬩᬓᬂ᭞ᬭᬯᬸᬄᬭᬶᬂᬲᬂᬦᬶᬮᬘᬦ᭄ᬤ᭄ᬭ᭞ᬤᬤᭀᬲ᭄ᬲᭂᬓᬃᬢᬸᬜ᭄ᬚᬸᬂᬧᬸᬢᬶᬄ᭞ᬫᬦᭂᬤᭂᬂᬫᭂᬓᬃ᭞ᬳᬫ᭄ᬩᬸᬦᬾᬫᬶ
ᬳᬶᬓ᭄ᬲᬸᬫᬶᬭᬶᬢ᭄᭟᭜᭟ᬢᬦ᭄ᬤᬸᬫᬤᬾᬢᭂᬤᬸᬦ᭄ᬲᬂᬥᬃᬫ᭄ᬫᬢᬦᬬ᭞ᬗᬦ᭄ᬤᬶᬓᬜᬸᬜᬸᬃᬫᬦᬶᬲ᭄᭞ᬥᬸᬄᬤᬾᬯᬰ᭄ᬭᬷᬘᬦ᭄ᬤ᭄ᬭ᭞ᬲᬶᬤ᭄ᬥᬳᬶᬤᬾᬯᬗᬦ᭄ᬤᭂᬕᬂ᭞ᬫᭂᬗ᭄ᬕᬄᬫᬦᬶᬭᬦᬾᬚᬦᬶ᭞ᬲᬚ
ᬉᬢ᭄ᬢᬫ᭞ᬓᬩᭀᬤ᭄ᬥᬦᬾᬓᬳᬫᭀᬗᬶᬦ᭄᭟᭜᭟ᬦᬄᬫᭂᬮᬳᬂᬦᬾᬚᬦᬶᬓᬬᬸᬦ᭄ᬳᬶᬤᬾᬯ᭞ᬫᬸᬮᬲᬚᬤᬺᬤ᭄ᬥᬪᬓ᭄ᬢᬶ᭞ᬢᭂᬓᬾᬦᬶᬂᬫᬦᬶᬭ᭞ᬮᬯᬸᬢᬂᬳᭂᬦ᭄ᬢᭀᬓᬸᬓᬸᬳᬂ᭞ᬥᬃ
ᬫ᭄ᬫᬦᬾᬤᬵᬗᬮᬾᬫ᭄ᬧᬲᬶᬦ᭄᭞ᬳᭂᬦ᭄ᬢᭀᬮᬶᬸᬚᬮᬭᬦ᭄᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬍᬯᬶᬄ᭟᭜᭟ᬫᬸᬮᬓᬾᬯᭂᬄᬤᬸᬫᬤᬶᬦᬾᬤᬤᬶᬚᬦ᭄ᬫ᭞ᬫᬗ᭄ᬤᬲᬶᬤᬫᬫᬗ᭄ᬕᬶᬳᬶᬦ᭄᭞ᬲᬸᬓᬦᬾᬲᬓᬮ᭞ᬫᬶᬯᬄ