Kaca:Bali-lontar-gaguritan-nilacandra-b-300ppi.pdf/39

Kaca puniki sampun kauji-wacén

[᭓᭘ 38B]
᭓᭘
ᬫᬓᬬᬸᬦ᭄ᬜᬾᬤᬬᬂᬭᬕ᭟᭜᭟ᬜᬭᭀᬕ᭄ᬚᭀᬕ᭄ᬓᬧᬫᬺᬫᬦ᭄᭞ᬭᬭᬶᬲ᭄ᬳᬶᬤᬗᬸᬦᬸᬲ᭄ᬓᭂᬭᬶᬲ᭄᭞ᬦᬸᬮᬫᬾᬫᬗᭂᬮᬤ᭄ᬧ᭄ᬭᬡ᭞ᬉᬥᬹᬄᬩᭂᬮᬶᬲᬂᬦᬺᬧᬢᬶ᭞ᬮᬮᬶᬲᬦ᭄ᬩᭂᬮᬶᬗᬯᭀᬦᬶᬦ᭄᭞ᬳᬦ᭄ᬢᭀᬲ᭄ᬢᬶᬢ᭄ᬬᬂᬧᬘᬂᬦᬸᬢᬸᬕ᭄᭞᭠
ᬳᬬᬢ᭄ᬫᬦᬸᬯᭂᬓ᭄ᬭᬕ᭞ᬧᬢᬶᬄᬯᬺᬤ᭄ᬥᬦᭂᬫᬮᬗᬶᬦ᭄᭞ᬫᬗ᭄ᬓᬶᬦ᭄ᬤᬸᬫᬸᬦ᭄᭞ᬳᬶᬭᬢᬸᬫᬓᬬᬸᬦ᭄ᬲᬾᬤᬵ᭟᭜᭟ᬯᬦ᭄ᬢᬄᬢᬶᬢ᭄ᬬᬂᬧᬢᬶᬄᬯᬺᬤ᭄ᬥ᭞ᬓᬦᬶᬓᬬᬂᬗᭂᬫᬶᬢ᭄ᬧᬸᬭᬶ᭞ᬯᬘᬦᬦ᭄ᬭᬓᬦ᭄ᬳᬶᬤᬾᬯ᭞ᬯᬾᬦ᭄ᬢᭂᬦ᭄ᬧᬶᬢᭂᬓᭂ
ᬢ᭄ᬦᬾᬭᬶᬳᬶᬦ᭄᭞ᬫᬯᬢᭂᬲ᭄ᬢᬶᬕᬂᬯᭂᬗᬶ᭞ᬬᬦᬶᬂᬳᬶᬤᬢ᭄ᬯᬭᬫᬦ᭄ᬢᬸᬓ᭄᭞ᬫᬗ᭄ᬤᬢᬶᬢ᭄ᬬᬂᬦᬢᬲᬂ᭞ᬗᭂᬢᬸᬢ᭄‌‌ᬧᬫᬃᬕ᭄ᬕᬶᬦ᭄ᬦ᭄ᬭᬧᬢᬶ᭞ᬚᬦ᭄ᬢᭀᬲ᭄ᬤᬸᬫᬸᬦ᭄᭞ᬫᬗ᭄ᬓᬶᬦ᭄ᬯᬯᬸᬓᬮᬶᬄᬤᬶᬦ᭟᭜᭟ᬧᬸᬧᬸᬢ᭄ᬳᬢᬸᬃᬧᬢᬶᬄᬯᬺᬤ᭄ᬥ᭞ᬤᬾᬯᬶᬲᬹᬃᬬ᭄ᬬᬯ
ᬢᬶᬜᭂᬭᬶᬢ᭄᭞ᬫᬸᬮᬶᬲᬄᬭᬶᬂᬢᭂᬗᬄᬦᬢᬃ᭞ᬦᬸᬮᬫᬾᬫᬗᬲᬶᬳᬲᬶᬄ᭞ᬲᬶᬗ᭄ᬕᬶᬄᬩᭂᬮᬶᬲᬂᬦᬺᬧᬢᬶ᭞ᬳᭂᬮᬲ᭄ᬧᬶᬲᬦ᭄ᬩᭂᬮᬶᬫᬦ᭄ᬢᬸᬓ᭄᭞ᬜᬸᬚᬸᬃᬰᬹᬦ᭄ᬬᬦᬶᬃᬪᬡ᭞ᬗᬸᬢᬂᬢᬶᬢ᭄ᬬᬂᬦᬦ᭄ᬤᬂᬲᭂᬤᬶᬄ᭞ᬫᬶᬦᬩ᭄ᬲᬵ

[᭓᭙ 39A]
᭓᭙
ᬫ᭄ᬧᬸᬦ᭄᭞ᬯᬦᭂᬄᬫᬫᬜ᭄ᬚᬓᬂᬢᬶᬢ᭄ᬬᬂ᭟᭜᭟ᬬᬤ᭄ᬬᬦ᭄ᬧᬶᬂᬲᬢᬸᬲ᭄ᬫᬜ᭄ᬚᬦ᭄ᬫ᭞ᬫᬗ᭄ᬤᬾᬦᬾᬫᬧᬗ᭄ᬕᬸᬄᬫᬮᬶᬄ᭞ᬤᬾᬦᬶᬂᬢᬦ᭄ᬤᬤᭀᬲ᭄ᬧᬲᬳᬂ᭞ᬧᬢᭂᬫᭀᬦ᭄ᬲᭂᬫᬭᬭᬢᬶᬄ᭞ᬬᬦ᭄ᬳᬶᬭᬢᬸᬫᬦᬸᬫᬤᬶ᭞ᬤᬤᭀ
ᬲ᭄‌‌ᬱᬤ᭄ᬧᬤᬓᬳᬸᬗ᭄ᬓᬸᬃ᭞ᬢᬶᬢ᭄ᬬᬂᬫᬦᬤᭀᬲ᭄ᬲᭂᬓᬃ᭞ᬦᭂᬥᭂᬂᬫᭂᬓᬃᬮᬶᬦ᭄ᬢᬂᬫᬶᬳᬶᬓ᭄᭞ᬲᬶᬦᬄᬭᬯᬸᬄ᭞ᬢᬫ᭄ᬗᬸᬮᬶᬮᬶᬗᬦᬾᬳᭀᬲᬄ᭟᭜᭟ᬧᬜ᭄ᬚᬂᬬᬦ᭄ᬧᬘᬂᬩᬯᭀᬲᬂ᭞ᬲᬸᬗ᭄ᬲᬸᬢᬾᬭᬶᬂᬚ᭄ᬭᭀᬧᬸ᭠
ᬭᬶ᭞ᬯᬦ᭄ᬢᬄᬢᬦ᭄ᬤᬤᭀᬲ᭄ᬧᬲᬳᬂ᭞ᬲᬸᬓᬤᬸᬓᬦᬾᬓᬧᬗ᭄ᬕᬶᬄ᭞ᬤᬾᬦᬶᬂᬧᬭᬸᬧᬬᬦ᭄ᬢᬸᬗ᭄ᬕᬶ᭠ᬮ᭄᭞ᬫᬗ᭄ᬕᬶᬄᬲᬸᬓᬤᬸᬄᬓᬦᬸᬢᬸᬕ᭄᭞ᬓᬤᬶᬤᬯᬸᬦᬾᬳᬩᬶᬤᬂ᭞ᬩᬲᬂᬢᬸᬦ᭄ᬤᬸᬦ᭄ᬤᬤᭀᬲ᭄ᬲᬶᬓᬶ᭞᭠
ᬤᬶᬚᬳᬸᬦ᭄ᬤᬸᬓ᭄᭞ᬧᬘᬂᬲᬶᬤ᭄ᬥᬫᬫᬮᬲᬂ᭟᭜᭟ᬦᬾᬫᬗ᭄ᬓᬶᬦ᭄ᬳᬶᬧᬫᬦ᭄ᬯᬺᬤ᭄ᬥ᭞ᬫᬮᬶᬄᬳᬸᬫᬵᬢᬸᬃᬧᬓᬾᬮᬶᬂ᭞ᬦᬯᬶᬲᬶᬤ᭄ᬥᬗᬯᬾᬧᬹᬃᬡ᭄ᬦ᭞ᬓᬬᬸᬦ᭄ᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬫᬶᬯᬄᬧᬭᬭᬩᬶᬲᬫᬶ᭞