Kaca:Bali-lontar-gaguritan-nilacandra-b-300ppi.pdf/40

Kaca puniki sampun kauji-wacén

[᭓᭙ 39B]
᭓᭙
ᬦᬓᬢᬶᬩᬾᬦ᭄ᬮᬭᬲᬸᬗ᭄ᬲᬸᬢ᭄᭞ᬕᬸᬲ᭄ᬢᬶᬧᬢᬶᬄᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬳᬢᬸᬭᬾᬫᬦᬸᬤᬸᬢ᭄ᬳᬢᬶ᭞ᬲᬶᬤ᭄ᬥᬮᬶᬧᬸᬃ᭞ᬲᬂᬓᬢᬶᬩᬾᬦ᭄ᬓᬲᬸᬗ᭄ᬲᬸᬢᬦ᭄᭟᭜᭟ᬕᬸᬲ᭄ᬢᬶᬧᬢᬶᬄᬫᬢᬸᬃᬲᭂᬫ᭄ᬩᬄ᭞ᬧᬳᬶᬍᬳᬾᬫᬦᬸᬫᬤᬶ᭞ᬲ
ᬓᬤᬶᬮᬶᬦ᭄ᬤᭂᬭᬦ᭄ᬚᬦ᭄ᬢ᭄ᬭ᭞ᬍᬓᬤ᭄ᬳᬶᬤᬸᬧ᭄ᬧᬸᬧᬸᬢ᭄ᬫᬢᬶ᭞ᬲᬦᬾᬧᭂᬘᬓ᭄ᬓᬸᬫ᭄ᬧᬸᬮ᭄ᬲᬫᬶ᭞ᬯᬦ᭄ᬯᬗ᭄ᬤᬾᬩᭂᬮᬲ᭄ᬧᬫᬸᬧᬸᬢ᭄᭞ᬳᬗ᭄ᬕᬰᬭᬷᬭᬩᬯᭀᬲᬂ᭞ᬢᬗᬦ᭄ᬘᭀᬓᭀᬃᬳᬸᬮᬸᬲᬫᬶ᭞ᬭᬶᬂᬧᬫᬸᬧᬸᬢ᭄᭞ᬧᬘᬂᬧᬮ
ᬲ᭄ᬢ᭄ᬯᬭᬮᬾᬫ᭄ᬧᬲ᭄᭟᭜᭟ᬳᬸᬭᬶᬧᬾᬢᬦ᭄ᬯᬾᬦ᭄ᬢᭂᬦ᭄ᬮᬦ᭞ᬲᬓᬤᬶᬲ᭄ᬮᭂᬤᬾᬢᬦ᭄ᬢᬢᬶᬢ᭄᭞ᬬᬦᬶᬂᬧᬚᬦ᭄ᬢᭀᬲᬦ᭄ᬲᬾᬤ᭞ᬢᭀᬂᬤᬤᬶᬳᬸᬮᬄᬓᭂᬮᬶᬤᬶᬦ᭄᭞ᬓᬤᬶᬯᭀᬄᬯᭀᬳᬦ᭄ᬳᬸᬧᬫᬶ᭞ᬗᬦ᭄ᬢᭀ
ᬲ᭄ᬕᬮᬳᬶᬧᬸᬦ᭄ᬳᬸᬮᬸᬂ᭞ᬬᬦᬶᬂᬤᬸᬭᬸᬂᬧᬚᬦ᭄ᬢᭀᬲᬦ᭄᭞ᬬᬤ᭄ᬬᬦ᭄ᬤᭂᬓ᭄ᬤᭂᬓ᭄ᬋᬫᬸᬓ᭄ᬓᬦᬶᬦ᭄᭞ᬲᬶᬦᬄᬤᬸᬭᬸᬂ᭞ᬧᬘᬂᬫᬗᭂᬫᬲᬶᬦ᭄ᬲᬾᬤ᭟᭜᭟ᬬᬦᬶᬂᬧᬚᬦ᭄ᬢᭀᬲᬦ᭄ᬲᬾᬤ᭞ᬢᬍᬃᬢᬦ᭄ᬤᬤᭀᬲ᭄ᬓᭂᬮᬶᬤᬶᬦ᭄

[᭔᭐ 40A]
᭔᭐
᭞ᬩᬦ᭄ᬢᬲ᭄ᬩᭂᬭᬾᬢᬶᬤ᭄ᬕᬾᬭᬾᬢ᭄ᬧᬤᬂ᭞ᬢᬦ᭄ᬳᬸᬭᬸᬂᬗᭂᬫᬲᬶᬦ᭄ᬫᬢᬶ᭞ᬳᬯᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬩᭂᬘᬶᬓ᭄ᬮᬶᬮᬬᬂᬭᬶᬂᬓᬬᬸᬦ᭄᭞ᬗᬶᬭᬶᬂᬫᬗ᭄ᬓᬶᬦ᭄ᬚᬦ᭄ᬢᭀᬲᬂ᭞ᬢᬶᬢᬄᬳᬶᬤᬲᬂᬳ᭄ᬬᬂᬯᬶᬥᬶ᭞ᬭᬾᬄᬢᬦ᭄ᬮᬸᬧᬸᬢ᭄᭞ᬓᬢᬶ
ᬢᬄᬓᬃᬫ᭄ᬫᬯᬰᬦ᭟᭜᭟ᬲᬧᬸᬦᬶᬓᬧᬫᬦ᭄ᬯᬺᬤ᭄ᬥ᭞ᬫᬢᬸᬭᬶᬂᬤᬾᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬗᬯᬶᬦᬂᬲᬸᬫᬬᬦ᭄ᬧᬸᬃᬡ᭄ᬦ᭞ᬓᬬᬸᬦ᭄ᬲᬂᬫᬦᬦ᭄ᬤᬂᬲᭂᬤᬶᬄ᭞ᬗ᭄ᬳᬶᬂᬭᬩᬶᬦᬾᬧᬶᬦᬶᬳᬮᬶᬢ᭄᭞ᬓᬦ᭄ᬢᬸᬦ᭄ᬦᬦ᭄ᬤᬂᬲᬸᬗ᭄ᬓᬦ᭄ᬓᬬᬸᬦ᭄
᭞ᬫᬓᬬᬸᬦ᭄ᬧᬘᬂᬫᬲᬢ᭄ᬬ᭞ᬫᬮᬶᬄᬫᬢᬸᬃᬕᬸᬲ᭄ᬢᬶᬧᬢᬶᬄ᭞ᬭᬢᬸᬳᬬᬸ᭞ᬳᬸᬲᬦ᭄ᬭᬢᬸᬓᬲ᭄ᬫᬭᬦ᭄᭟᭜᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭜᭟ᬳᬫ᭄ᬧᬸᬭᬫᬭᬹᬧᬫᭂᬮᬶᬤ᭄᭞ᬳᬶᬗ᭄ᬕᬶᬄᬭᬢᬸᬲᬂᬓᬮᬭᬦ᭄᭞ᬩᭂ
ᬘᬶᬓᬂᬧᬓᬬᬸᬦᬦᬾ᭞ᬤᬸᬭᬸᬲ᭄ᬭᬢᬸᬧᬶᬬᬃᬱᬬᬂ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬲᬢ᭄ᬯ᭞ᬲᬂᬯᬶᬭᬢᬶᬲᬦᬾᬤᬸᬫᬸᬦ᭄᭞ᬩᬗᭂᬢ᭄ᬓᬮᬶᬧᬸᬢ᭄ᬓᬢᬺᬱ᭄ᬡᬦ᭄᭟᭜᭟ᬫᬤᬸᬯᬾᬧ᭄ᬬᬦᬓ᭄ᬳᬲᬶᬓᬶ᭞ᬲᬦᬾᬲᭂᬥᭂᬂᬓᬲᬬ᭠