Kaca:Bali-lontar-gaguritan-nilacandra-b-300ppi.pdf/41

Kaca puniki sampun kauji-wacén

[᭔᭐ 40B]
᭔᭐
ᬗᬂ᭞ᬲᬓᬶᬂᬧᬦᬶᬢᬄᬯᬶᬥᬶᬦᬾ᭞ᬧ᭄ᬬᬦᬓ᭄ᬜᬦᬾᬓᬕ᭄ᬭᬶᬗᬦ᭄᭞ᬩᬮᬶᬬᬦ᭄ᬓᬸᬤᬂᬩᬮᬶᬬᬦ᭄᭞ᬢᬦ᭄ᬧ᭄ᬭᬲᬶᬤ᭄ᬥᬧᬘᬂᬦᬸᬮᬸᬂ᭞ᬧᬫᬸᬧᬸᬢ᭄ᬗᭂᬫᬲᬶᬦ᭄ᬧᭂᬚᬄ᭟᭜᭟ᬲᬂᬯᬶᬭᬢᬶᬮᬶᬦ᭄ᬢᬂᬲᭂᬤᬶᬄ᭞ᬧ᭄ᬬᬦᬓ᭄ᬜᬭᬭᬶᬲ᭄ᬓᬲᬶ
ᬗᬮ᭄᭞ᬮᬶᬦ᭄ᬢᬂᬩᬶᬗᬸᬂᬫᬦᬄᬜᬦᬾ᭞ᬫᬫ᭄ᬯᬢᬂᬗᬮᬶᬄᬩᬮᬶᬬᬦ᭄᭞ᬲᬦᬾᬲᬶᬤ᭄ᬥᬫᬗᬸᬭᬶᬧᬂ᭞ᬧ᭄ᬬᬦᬓ᭄ᬜᬦᬾᬲᬦᬾᬮᬫ᭄ᬧᬸᬲ᭄᭞ᬜᬮᬸᬓ᭄ᬱᬸᬓ᭄ᬓᬤᬾᬰᬤᬾᬰ᭟᭜᭟ᬳᬲᬶᬂᬫᬗ᭄ᬕᬶᬳᬶᬦ᭄ᬗᭂᬤᬾᬓᬶᬦ᭄᭞
ᬳᬦᬓ᭄ᬩᬸᬤᬸᬄᬓᬩᬯᭀᬲᬂ᭞ᬤᬶᬚᬓᬾᬧᭂᬭᬄᬳᬸᬦ᭄ᬤᬸᬓᬾ᭞ᬳᬤᬩᬮ᭄ᬬᬦ᭄ᬫᬜᬶᬤᬬᬂ᭞ᬧᬘᬂᬲᬶᬤ᭄ᬥᬫᬗᬶᬤᬸᬧᬂ᭞ᬚᬢ᭄ᬫᬦᬾᬬᬦ᭄ᬲᬸᬩᬮᬫ᭄ᬧᬸᬲ᭄᭞ᬲᬂᬯᬶᬭᬢᬶᬢᬦ᭄ᬗᬶᬤᭂᬧᬂ᭟᭜᭟ᬯᬾᬦ᭄ᬢᭂᬦ᭄ᬫ
ᬮᬶᬄᬫᬶᬢᬸᬢᬸᬭᬶᬦ᭄᭞ᬫᬗᬾᬦ᭄ᬓᬾᬦᬂᬫᬜᬳᬸᬩᬂ᭞ᬧᬸᬦᬶᬓᬧ᭄ᬬᬦᬓ᭄ᬜᬦᬾ᭞ᬭᬾᬄᬦᬶᬂᬲᬫ᭄ᬧᬸᬦ᭄ᬓᬮᬶᬄᬤᬶᬦ᭞ᬢᬦ᭄ᬧᬢᬸᬢ᭄ᬧᬘᬂᬳᬶᬦ᭄ᬤᭂᬗᬂ᭞ᬰᬯᬦᬾᬲᬫ᭄ᬧᬸᬦ᭄ᬫᬳᬫ᭄ᬩᬸ᭞ᬲᬂᬯᬶᬭᬢᬶᬫᬦᭂ

[᭔᭑ 41A]
᭔᭑
ᬫᬶᬢᬂ᭟᭜᭟ᬲᬂᬯᬶᬭᬢᬶᬧᬸᬧᬸᬢ᭄ᬲᭂᬤᬶᬄ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬢᬦ᭄ᬳᬸᬦᬶᬂᬭᬶᬂᬓᬤᬤᬾᬦᬾ᭞ᬤᬸᬫᬤᬶᬦᬾᬤᬤᭀᬲ᭄ᬚᬦ᭄ᬫ᭞ᬓᬢᬶᬢᬄᬩᬦ᭄ᬧᬹᬃᬯ᭄ᬯᬓᬃᬫ᭄ᬫ᭞ᬯᬦ᭄ᬢᬄᬩᬩᭂᬓᭂᬮᬦ᭄ᬳᬶᬤᬸᬧ᭄᭞ᬳᬶ
ᬤᬸᬧᬾᬫᬩᭂᬓᭂᬮ᭄ᬧᭂᬚᬄ᭟᭜᭟ᬦᬸᬫᬤᬶᬦᬾᬢ᭄ᬯᬄᬓᬤᬮᬶᬄ᭞ᬳᬦᬾᬓᬤᬦᬶᬦ᭄ᬲᬗ᭄ᬲᬭ᭞ᬢᭀᬳᬯᬦᬦ᭄ᬤᬶᬳᬶᬤᬸᬧᬾ᭞ᬧᬢᬸᬫᬫᬸᬯᬢᬂᬥᬃᬫ᭄ᬫ᭞ᬫᬗ᭄ᬤᬲᬶᬤ᭄ᬥᬫᬗ᭄ᬭᬸᬯᬢᬂ᭞ᬲᬓᬶᬂᬲ
ᬗ᭄ᬲᬭᬦᬾᬦᭂᬕᬸᬮ᭄᭞ᬫᭂᬕᬢ᭄ᬧᬦᭂᬕᬸᬮᬦ᭄ᬢᬺᬱ᭄ᬡᬵ᭟᭜᭟ᬲᭂᬥᭂᬓ᭄ᬲᭂᬤᬶᬄᬲᬂᬯᬶᬭᬢᬶ᭞ᬤᬤ᭄ᬬᬦ᭄ᬜᬩᬸᬓᬢᬸᬤᬸᬳᬂ᭞ᬲᬓᬶᬂᬧᬲ᭄ᬯᬾᬘ᭄ᬙᬦ᭄ᬓᬯᬶᬦᬾ᭞ᬭᬯᬸᬄᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬲᬂᬯᬶᬭᬢᬶᬫ
ᬜᭂᬫ᭄ᬩᬄ᭞ᬧ᭄ᬭᬡᬫ᭄ᬬᬭᬭᬶᬲ᭄ᬳᬸᬫᬢᬸᬃ᭞ᬬᬾᬄᬧᬦᭀᬦᬾᬤᭂᬋᬲ᭄ᬫᭂᬤᬮ᭄᭟᭜᭟ᬲᬶᬗ᭄ᬕᬶᬄᬲᬂᬳ᭄ᬬᬂᬚᬶᬦᬫᬸᬃᬢ᭄ᬢᬶ᭞ᬳᬓ᭄ᬱᬶᬧᬗᬸᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬗᬸᬳᬸᬩ᭄ᬲᬤᬕᬶᬗᬶᬂᬚᬕᬢᬾ᭞ᬳᬶᬭᬢᬸᬓ