Kaca:Bali-lontar-gaguritan-nilacandra-b-300ppi.pdf/42

Kaca puniki sampun kauji-wacén

[᭔᭑ 41B]
᭔᭑
ᬦ᭄ᬢᬶᬦ᭄ᬚᬕᬢ᭄᭞ᬤᬕᬶᬂᬳᬫ᭄ᬧᬸᬭᬬᬂᬧᬶᬲᬦ᭄᭞ᬯ᭄ᬯᬂᬦᬶᬱ᭄ᬝᬳᬥᬫᬧᬸᬗ᭄ᬕᬸᬂ᭞ᬢᬗ᭄ᬓᬶᬮ᭄ᬭᬶᬂᬘᭀᬓᭀᬭᬶᬤᬾᬯ᭟᭜᭟ᬗᬦ᭄ᬤᬶᬓᬰ᭄ᬭᬷᬚᬶᬦᬫᬸᬃᬢ᭄ᬢᬶ᭞ᬫᬦᬶᬭᬢ᭄ᬯᬄᬲᬸᬩᬦᬯᬂ᭞ᬩ᭄ᬯᬢ᭄ᬧᬓᬾᬯᭂᬄᬩᬶᬩᬶ
ᬦᬾ᭞ᬧᬘᬂᬫᬗᬮᬶᬳᬂᬳᬸᬩᬤ᭄᭞ᬤ᭄ᬯᬦᬶᬂᬢ᭄ᬯᬭᬚᬳᬤ᭞ᬳᬸᬩᬤ᭄ᬗᬯᬗ᭄ᬤᬾᬬᬂᬮᬫ᭄ᬧᬸᬲ᭄᭞ᬬᬦᬶᬂᬲᬸᬩᬧᬦᬫᬬ᭟᭜᭟ᬤ᭄ᬯᬦᬶᬂᬓᭂᬤᭂᬄᬩᬸᬓᬚᬦᬶ᭞ᬧᬘᬂᬫᬗᬮᬶᬳᬂᬳᬸᬩᬤ᭄᭞ᬩᬸᬓ
ᬧᬶᬦᬸᬦᬲ᭄ᬩᬶᬩᬶᬦᬾ᭞ᬢᭂᬕᬭᬂᬚᬦᬶᬫᬚᬮᬦ᭄᭞ᬫᬗᬮᬶᬄᬰᬭᬡᬦ᭄ᬳᬸᬩᬤ᭄᭞ᬭᬶᬂᬧᬓᬭᬗᬦᬾᬮᬸᬧᬸᬢ᭄᭞ᬢᭀᬂᬢᬳᬾᬦ᭄ᬓᬢᬶᬩᬾᬦ᭄ᬧᭂᬚᬄ᭟᭜᭟ᬲᬂᬯᬶᬭᬢᬶᬭᬭᬶᬲ᭄ᬕᭂᬮᬶᬲ᭄᭞ᬜᬮᬸ
ᬓ᭄ᬱᬸᬓ᭄ᬦᬓᬾᬦᬓᬾᬦᬂ᭞ᬩᬶᬮᬂᬳᬓᬸᬋᬦ᭄ᬕᭂᬦᬳᬾ᭞ᬗᬦ᭄ᬢᭀᬲ᭄ᬓᭂᬜᭂᬮ᭄ᬫᬳᬶᬍᬳᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬮᬸᬧᬸᬢ᭄ᬳᬦ᭄ᬢᬓᬵ᭞ᬗᬦ᭄ᬢᭀᬲ᭄ᬢᭂᬮᬲ᭄ᬲᬫᬶᬧᬢᬸᬄ᭞ᬧᭂᬘᬓ᭄ᬦᬳᭂᬦ᭄ᬓᬲᬾᬤᬬᬦ᭄᭟᭜

[᭔᭒ 42A]
᭔᭒
᭟ᬧᬫᬸᬧᬸᬢ᭄ᬜᬯᬯᬸᬳᬾᬮᬶᬂ᭞ᬭᬶᬂᬤᬕᬶᬂᬓᬢᬢ᭄ᬯᬦ᭄ᬚᬕᬢ᭄᭞ᬓᬤᬶᬤᬕᬶᬂᬧᬶᬢᭂᬓᭂᬢᬾ᭞ᬯᬘᬦᬦ᭄ᬳᬶᬤᬳ᭄ᬬᬂᬩᬸᬤ᭄ᬥ᭞ᬧ᭄ᬭᬫᬗ᭄ᬓᬶᬦ᭄ᬗᬯᬶᬦᬂᬘᭂᬤᬂ᭞ᬲᬂᬳ᭄ᬬᬂᬩᬸᬤ᭄ᬥᬫᬮᬶᬄᬭᬯᬸᬄ᭞ᬫᬗᬶᬘ᭄ᬙᬾᬦᬶᬦ᭄ᬯᬭᬯᬭᬄ
᭟᭜᭟ᬯᬘᬦᬦ᭄ᬲᬂᬫ᭄ᬭᬕᬍᬯᬶᬄ᭞ᬲᬶᬤ᭄ᬥᬫᬗᬯᬶᬦᬂᬧᬹᬃᬡ᭄ᬦ᭞ᬓᬤᬶᬳᭂᬦ᭄ᬢᬾᬭᬦ᭄ᬲᬸᬃᬬ᭄ᬬᬦᬾ᭞ᬗᬶᬘᬮᬂᬧᭂᬢᭂᬗᬶᬂᬚᬕᬢ᭄᭞ᬲᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬩᬸᬤ᭄ᬥ᭞ᬢᬶᬢ᭄ᬬᬂᬧᬘᬂᬤᬤᭀᬲ᭄ᬪᬶᬓ᭄ᬱᬸ᭞ᬗᬶᬭᬶᬂᬧᬫᬃ᭠
ᬕ᭄ᬕᬶᬦ᭄ᬳᬶᬤᬾᬯ᭟᭜᭟ᬲᬧᬸᬦᬶᬓᬲᬂᬯᬶᬭᬢᬶ᭞ᬳᬢᬸᬭᬾᬭᬶᬂᬲᬂᬳ᭄ᬬᬂᬩᬸᬤ᭄ᬥ᭞ᬧᬸᬧᬸᬢ᭄ᬤᬕᬶᬂᬘᬭᬶᬢᬦᬾ᭞ᬲᬢ᭄ᬯᬦᬾᬳᬶᬧᬫᬦ᭄ᬯᬺᬤ᭄ᬥ᭞ᬤᬾᬯᬵᬕᬸᬂᬳᬶᬲ᭄ᬢ᭄ᬭᬶᬗᬮᬶᬬᬩ᭄᭞ᬫᬯᬮᬶᬳᬾᬮᬶᬂᬭᬶᬂᬓᬬᬸ
ᬦ᭄᭞ᬧ᭄ᬭᬲᬶᬤ᭄ᬥᬗᬯᬶᬦᬂᬮᬶᬮ᭟᭜᭟ᬧᬸᬧᬸᬢ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬫᬗᬢᬸᬭᬂᬤᬕᬶᬂᬲᬢ᭄ᬯ᭞ᬲᬕᬾᬢ᭄ᬭᬯᬸᬄᬳᬸᬢᬸᬲᬦᬾ᭞ᬫᬢᬸᬭᬶᬂᬧᬫᬦ᭄ᬯᬺᬤ᭄ᬥ᭞ᬳᬶᬤᬲᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬫᬮᬶᬄᬚᭂ