[᭔᭒ 42B]
᭔᭒
ᬩᭀᬲ᭄ᬧᬘᬂᬭᬯᬸᬄ᭞ᬳᬶᬤᬗᬃᬱᬬᬂᬧᬫᭂᬦ᭄ᬤᬓ᭄᭟᭜᭟ᬧᬭᬭᬩᬶᬫᬓᬲᬫᬶ᭞ᬫᬶᬯᬄᬧᬜ᭄ᬚᬓᬾᬲᬫᬶᬬᬦ᭄᭞ᬫᬗ᭄ᬤᬫᭂᬦ᭄ᬤᬓ᭄ᬧᬭᬯᬸᬳᬾ᭞ᬧᬸᬧᬸᬢ᭄ᬳᬢᬸᬃᬳᬶᬳᬸᬢᬸᬲᬦ᭄᭞ᬗᬦ᭄ᬤᬶᬓᬳᬶᬧ
ᬫᬦ᭄ᬯᬺᬤ᭄ᬥ᭞ᬦᬄᬫᭂᬮᬄᬢᬸᬢᬸᬭᬂᬫᬮᬸ᭞ᬧᬶᬤᬩ᭄ᬤᬩᬾᬭᬶᬂᬧᬬᬸᬥᬦ᭄᭟᭜᭟ᬭᬾᬳᬤᬳᭀᬃᬣᬓᬧᬸᬭᬶ᭞ᬳᬶᬤᬓᬳᭀᬃᬣᬬᬂᬲᬾᬤ᭞ᬚᬦᬶᬳᬤᬧᬗᬃᬱᬦᬾ᭞ᬳᬶᬤᬗᬃᬱᬬᬂᬧᬫᭂ
ᬦ᭄ᬤᬓ᭄᭞ᬳᬸᬢᬸᬲᬦᬾᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬳᬕᬸᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬲᬲᬫ᭄ᬧᬸᬦᬾᬭᬯᬸᬄᬲᬂᬥᬃᬫ᭄ᬫᬢ᭄ᬫᬚ᭞ᬓ᭄ᬭᭀᬥᬳᬶᬤᬓᬤᬶᬕᭂᬦᬶ᭞ᬤᬾ
ᬦᬶᬂᬓᬳᬸᬦᬶᬗᬂ᭞ᬓᬲᭀᬃᬲᬂᬦᬵᬣᬓᬺᬱ᭄ᬡᬵ᭞ᬯᬢᭂᬓ᭄ᬬᬸᬤᬸᬫᬗᭂᬫᬲᬶᬦ᭄᭞ᬫᬢᬦ᭄ᬤᬶᬂᬬᬸᬥ᭞ᬲᬋᬂᬲᬂᬘᬦ᭄ᬤ᭄ᬭᬪᬸᬧᬢᬶ᭟᭜᭟ᬦᬾᬧᬫᭂᬓᬲ᭄ᬩᬗᭂᬢ᭄ᬫᬗᬯᬶᬦᬂᬫᭂᬗ᭄ᬕᬄ᭞ᬲᬲᬫ᭄ᬧᬸᬦᬾᬫᬜᬶᬗᬓᬶ
[᭔᭓ 43A]
᭔᭓
ᬦ᭄᭞ᬲᬫᭂᬢᭀᬦᬾᬲᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬗᭂᬫᬲᬶᬦ᭄ᬲᬾᬤ᭞ᬓ᭄ᬭᭀᬥᬳᬶᬤᬫᬗᬸᬚᬦᬶᬦ᭄᭞ᬲᬃᬯ᭄ᬯᬲᬜ᭄ᬚᬢ᭞ᬦᬵᬗ᭄ᬳᬶᬂᬢᬦ᭄ᬲᬶᬤ᭄ᬥᬫᬶᬦ᭄ᬢᬸᬮᬶᬦ᭄᭟᭜᭟ᬭᬶᬂᬧᬫᬸᬧᬸᬢ᭄ᬳᬶᬤᬲᬂᬥᬃᬫ᭄ᬫᬢᬦᬬ᭞ᬫᭂᬦ᭄ᬢᬗᬂᬲᬜ᭄ᬚ
ᬢᬫᬮᬶᬄ᭞ᬓᭀᬦ᭄ᬢᬫᬉᬢ᭄ᬢᬫ᭞ᬫᬦᬤᭀᬲ᭄ᬓᬮᬗ᭄ᬯᬦ᭄᭞ᬭᬶᬂᬳᬚᭃᬂᬘᬦ᭄ᬤ᭄ᬭᬪᬸᬧᬢᬶ᭞ᬮ᭄ᬯᬶᬃᬢᬶᬃᬣᬵᬫᬺᬢ᭞ᬗᭂᬦ᭄ᬢᬶᬓᬂᬯᭂᬮᬲᬲᬶᬄ᭟᭜᭟ᬭᬭᬶᬲ᭄ᬕᭂᬮᬶᬲ᭄ᬳᬶᬤᬲᬂᬥᬃᬫ᭄ᬫᬢ᭄ᬫᬚ᭞ᬗᬦ᭄ᬤᬶᬓᬬᬂᬲᬂᬦᬺᬧᬢᬶ᭞᭠
ᬲᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬫᬗ᭄ᬤᬳᬶᬤᬫᬫᬸᬓ᭄ᬢᬶᬬᬂ᭞ᬓᬯᬶᬰᬾᬱᬦᬾᬉᬢ᭄ᬢᬫᬶ᭞ᬅᬚᬶᬯᬿᬭᭀᬘᬡ᭞ᬲᬦᬾᬫᬉᬢ᭄ᬢᬫᬍᬯᬶᬄ᭟᭜᭟ᬫᬓᬯᬦᬦ᭄ᬳᬶᬤᬲᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬜᬾᬤᬬᬂᬭᬕᬧ᭄ᬭᬫᬗ᭄ᬓᬶ
ᬦ᭄᭞ᬲᬲᬫ᭄ᬧᬸᬦᬾᬲᬾᬤ᭞ᬮᬬᭀᬦᬾᬓᬕᬶᬗ᭄ᬲᬶᬭᬂ᭞ᬫᬕᭂᬦᬄᬭᬶᬂᬓ᭄ᬭᬾᬢᬫᬡᬶᬓ᭄᭞ᬮᬬᭀᬦᬾᬳᬶᬘᬮ᭄᭞ᬫᬦᬤᭀᬲ᭄ᬢᬸᬜ᭄ᬚᬸᬂᬫᬶᬳᬶᬓ᭄᭟᭜᭟ᬦᬶᬓᬯᬦ᭄ᬢᬄᬓᬩᬯᭀᬲ᭄ᬧᬸᬱ᭄ᬧᬓᭀᬫᬮ᭞
