Kaca:Bali-lontar-gaguritan-nilacandra-b-300ppi.pdf/44

Kaca puniki sampun kauji-wacén

[᭔᭓ 43B]
᭔᭓
ᬲᬂᬓᬺᬱ᭄ᬡᬲᬕᬾᬢ᭄ᬧ᭄ᬭᬧ᭄ᬢᬶ᭞ᬳᬶᬤᬫᬗᬦ᭄ᬤᬶᬓ᭞ᬓᬓᬵᬲᬂᬥᬃᬫ᭄ᬫᬲᬸᬢ᭞ᬤᬸᬭᬸᬲ᭄ᬳᬶᬤᬸᬧᬂᬦᬾᬫᬗ᭄ᬓᬶᬦ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬧᬦ᭄ᬤᬸᬭᬸᬂᬲᬫᬬᬦᬺᬧᬢᬶ᭟᭜᭟ᬳᬶᬤᬲᬂᬓᬺᬱ᭄ᬡᬫᬦ᭄ᬢᬸᬓ᭄ᬓᬤ᭄ᬯᬭᬯᬢ᭄ᬬ᭞ᬲᬂᬥᬃᬫ᭄ᬫ
ᬲᬸᬢᬭᬭᬶᬲ᭄᭞ᬫᬬᭀᬕᬲᬓ᭄ᬱᬡ᭞ᬗᬫ᭄ᬩᬶᬮ᭄ᬧᬸᬱ᭄ᬧᬓᭀᬫᬮ᭞ᬗᬘᭂᬧ᭄ᬳᬫᬺᬢ᭄ᬢᬵᬲᬜ᭄ᬚᬶᬯᬦᬶ᭞ᬢᬶᬦᬶᬩᬓᭂᬦ᭄ᬰᬯᬵ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬳᬸᬭᬶᬧ᭄᭟᭜᭟ᬬᬦ᭄ᬲᬯᬗᬂᬓᬤᬶᬯ᭄ᬯᬂᬳ
ᬦᬶᬤ᭄ᬭ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬢᬗᬶ᭞ᬗᬪᬓ᭄ᬢᬶᬧ᭄ᬭᬡᬫ᭄ᬬ᭞ᬗᭂᬮᬸᬢ᭄‌‌ᬘᭀᬓᭀᬃᬲᬂᬥᬃᬫ᭄ᬫ᭞ᬢᭂᬤᬸᬦ᭄ᬳᬶᬤᬲᬂᬓᬮᬶᬄ᭞ᬲᬓᬶᬂᬓ᭄ᬭᬾᬢ᭞ᬫᬤᬦ᭄ᬤᬦ᭄ᬢᬗᬦ᭄ᬲᬂᬓᬮᬶᬄ᭟᭜᭟ᬫᬗᬦ᭄ᬤᬶᬓᬳᬶ
ᬤᬲᬂᬥᬃᬫ᭄ᬫᬢᬦᬬ᭞ᬤᬾᬯᬲᬂᬘᬦ᭄ᬤ᭄ᬭᬪᬸᬧᬢᬶ᭞ᬧᬢᬸᬄᬲᬸᬚᬢᬶᬦ᭄ᬜ᭞ᬓᭀᬢ᭄ᬢᬫᬵᬦ᭄ᬧᬸᬱ᭄ᬧᬓᭀᬫᬮ᭞ᬬᬦ᭄ᬲᬳᬶᬳᬂᬩᭂᬮᬶᬚᬦᬶ᭞ᬭᬶᬂᬧᬸᬱ᭄ᬧᬯᬶᬚᬬ᭞ᬓᭀᬢ᭄ᬢᬫᬦ᭄‌‌ᬚ᭄ᬜᬦᬵ

[᭔᭔ 44A]
᭔᭔
ᬦ᭄ᬩᭂᬮᬶ᭟᭜᭟ᬚᬮᬦ᭄ᬚᬦᬶᬢᭂᬕᬭᬂᬧᬥᬪᬸᬓ᭄ᬢᬶᬬᬂ᭞ᬳᭂᬦ᭄ᬢᭀᬚ᭄ᬜᬦᬦᬾᬍᬯᬶᬄ᭞ᬳᬗ᭄ᬕᭀᬦ᭄ᬫᬗᬸᬭᬶᬧᬂ᭞ᬲᬓᭂᬭᬄᬧᬭᬧ᭄ᬭᬯᬷᬭ᭞ᬳᬦᬾᬲᬾᬤᬢᭂᬗᬳᬶᬂᬚᬸᬭᬶᬢ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬧ᭄ᬭᬡᬫ᭄ᬬᬭᬭᬶᬲ᭄ᬫ
ᬗᬶᬭᬶᬂ᭟᭜᭟ᬕᭂᬮᬶᬲ᭄ᬭᬯᬸᬄᬭᬶᬂᬕᭂᬦᬄᬮᬬᭀᬦ᭄ᬧ᭄ᬭᬯᬶᬭ᭞ᬳᬶᬤᬲᬂᬘᬦ᭄ᬤ᭄ᬭᬪᬸᬧᬢᬶ᭞ᬕᭂᬮᬶ᭠ᬲ᭄ᬫᬗᬺᬕᭂᬧᬂ᭞ᬚ᭄ᬜᬦᬧᬸᬱ᭄ᬧᬓᭀᬫᬮ᭞ᬳ᭄ᬬᬂᬯᬿᬭᭀᬘᬡᬓᬲ᭄ᬢᬸᬢᬶ᭞ᬫᭂᬤᬮ᭄ᬢᬶᬃᬣᬵᬫᬺᬢ᭄ᬢ᭞ᬰᬯᬦᬾ
ᬯᬸᬲ᭄ᬓᬢᬶᬩᬓᬶᬦ᭄᭟᭜᭟ᬫᬗ᭄ᬓᬶᬦ᭄ᬚᭂᬦᭂᬂᬲᬂᬲᬾᬤᬢᭂᬗᬳᬶᬂᬭᬡ᭞ᬲᬫᬶᬯᬸᬲ᭄ᬫᬗᬪᬓ᭄ᬢᬶ᭞ᬭᬶᬂᬲᬂᬦᬶᬮᬘᬦ᭄ᬤ᭄ᬭ᭞ᬳᬧᬦ᭄ᬤᬸᬭᬸᬂᬧᬦᬫᬬ᭞ᬧᬘᬂᬫᬗᭂᬫᬲᬶᬦ᭄ᬫᬢᬶ᭞ᬫᬦ᭄ᬢ᭄ᬭᬶᬫ᭄ᬯᬂᬯᬤ᭄ᬯ᭞ᬲᬫᬶᬲᬵ
ᬫ᭄ᬧᬸᬦ᭄ᬫᬳᬸᬭᬶᬧ᭄᭟᭜᭟ᬲᬧᬸᬦᬶᬓᬢᬍᬃᬲᬂᬥᬃᬫ᭄ᬫᬢᬦᬬ᭞ᬧᬸᬱ᭄ᬧᬯᬶᬚᬬᬓᬲ᭄ᬢᬸᬢᬶ᭞ᬢᬶᬦᬶᬩᬓᭂᬦ᭄ᬰᬯ᭞ᬯᬢᭂᬓ᭄ᬬᬤᬸᬦᬾᬲᬫ᭄ᬬᬦ᭄᭞ᬲᬫ᭄ᬧᬸᬦ᭄ᬲᬫᬶᬧᬥᬳᬸᬭᬶᬧ᭄᭞ᬫ᭄ᬯᬂᬘᬢᬸᬃᬧ