[᭙ 9B]
᭙᭟
ᬤ᭄ᬘᬦ᭄ᬲᬂᬳ᭄ᬬᬂᬆᬕᬫ᭞ᬲᬶᬦᬄᬓᬦᬭᬓᬦ᭄ᬪᬸᬓ᭄ᬢᬶ᭟᭐᭟ᬬᬦᬶᬤᬾᬯᬫᬭᬶᬘᬾᬤᬬᬦ᭄᭞ᬘᭂᬦ᭄ᬤᭂᬓ᭄ᬢᬸᬯᬸᬄᬧᬘᬂᬧᬗ᭄ᬕᬶᬄ᭞ᬯᬾᬦ᭄ᬢᭂᬦ᭄ᬧᬗᬸᬧᬫᬶᬦᬶᬧᬸᬦ᭄᭞ᬇᬡ᭄ᬟᬶᬓᬾᬧᬸᬦᬶᬓᬲᬫ᭄ᬬᬦ᭄᭞ᬯᬮᬸᬬᬦ᭄ᬜ
᭞ᬧᬶᬭᬶᬂᬲᬸᬢ᭄ᬭᬦᭂᬧᬾᬦ᭄ᬩᬢᬸ᭞ᬫᬯᬲ᭄ᬢᬸᬋᬫᬸᬓ᭄ᬤᭂᬓ᭄ᬤᭂᬓ᭄ᬩᭂᬜᬄ᭞ᬢᬦ᭄ᬲᬶᬤ᭄ᬟᬢᬸᬧ᭄ᬢᬸᬧᬂᬫᬮᬶᬄ᭟᭐᭟ᬢᭂᬕᬮ᭄ᬢᬦ᭄ᬢᬸᬫ᭄ᬩᬸᬳᬶᬦ᭄ᬧᬥᬂ᭞ᬚᬦ᭄ᬢᭂᬦ᭄ᬧᬶᬲᬦ᭄᭞ᬯᬯᬮᬸᬗᬦᬾᬦᬶᬗ᭄ᬕᬮᬶᬦ᭄᭞ᬫᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬦᬾᬭᬯᬸᬄ᭞
ᬢᬸᬓᬤᬾᬜᬢ᭄ᬢᬦ᭄ᬧᬢᭀᬬ᭞ᬓᬢᬶᬗ᭄ᬕᬮᬶᬦ᭄᭞ᬩᬳᬦ᭄ᬬᬳᬶᬧᬓ᭄ᬱᬶᬓᬸᬦ᭄ᬢᬸᬮ᭄᭞ᬫᬯᬵᬲ᭄ᬢᬸᬫᬫᬸᬂᬲᭂᬧᬶᬰᬹᬦ᭄ᬬ᭞ᬢᬦ᭄ᬧᬶᬲᬦ᭄ᬧᬶᬓᬦ᭄ᬢᭂᬦᬲ᭄ᬭᬶ᭟᭐᭟ᬉᬕᬶᬲᬂᬮᬦᬂᬧᬸᬦᬶᬓ᭞ᬲᬦᬾᬯᬗ᭄ᬤᬸ᭞ᬓᬲᬗ᭄ᬲᬭᬦ᭄ᬮᬘᬸᬃᬫᬶᬲ᭄ᬓᬶ᭠
ᬦ᭄᭞ᬧᬭᬳᬶᬲ᭄ᬢ᭄ᬭᬶᬦᬾᬗᭂᬚᭀᬄᬮᬯᬸᬢ᭄᭞ᬢᬍᬃᬲᬂᬚᬸᬫᭂᬦᭂᬂᬦᬵᬣ᭞ᬦᬾᬤ᭄ᬭᭀᬧᭀᬦᬦ᭄᭞ᬢᬦ᭄ᬓᭀᬗ᭄ᬕ᭄ᬯᬦᬦ᭄ᬓᬯᭂᬮᬲ᭄ᬳ᭄ᬬᬸᬦ᭄᭞ᬉᬕᬶᬲᬶᬦᬄᬧᬜ᭄ᬚᬓᬶᬤ᭞ᬧᬥᬗᭂᬚᭀᬫᬘᬶᬗ᭄ᬕᬮᬶᬦ᭄᭟᭐᭟ᬅᬃᬣᬩ᭄ᬭᬡᬦᬾᬓᭂ
[᭑᭐ 10A]
ᬘᬕ᭄᭞ᬓᬩᬯᭀᬲᬂ᭞ᬦᬾᬯᬾᬦ᭄ᬢᭂᬦ᭄ᬭᬶᬂᬚ᭄ᬭᭀᬧᬸᬭᬷ᭞ᬭᬾᬄᬢᬦ᭄ᬧᬶᬲᬦ᭄ᬲᬋᬂᬦᬸᬢᬸᬕ᭄᭞ᬓᬵᬮ᭠ᬲᬂᬤᬺᬯᬾᬦᬂᬲᬾᬥ᭞ᬲᬧᬸᬦᬶᬓ᭞ᬢᬍᬃᬧᬓᬥᬗᬦᬶᬧᬸᬦ᭄᭞ᬦᬾᬭᬯᬸᬄᬦᬸᬢᬸᬕ᭄ᬓᬲᬾᬢ᭄ᬭ᭞ᬧᬥᬫᬯ
ᬮᬶᬬᬲᭂᬥᬶᬄ᭟᭐᭟ᬧᬓᬃᬤ᭄ᬟᬶᬦᬾᬚᭂᬮᬾᬫᭂᬮᬄ᭞ᬦᬦ᭄ᬤᬦ᭄ᬗᬢᭂᬄ᭞ᬫᬢᬸᬚᬸᬳᬶᬦ᭄ᬤᬦᬾᬉᬗ᭄ᬲᬶ᭞ᬭᬯᬸᬄᬕᭂᬦᬳᬾᬢᬸᬚᬸ᭞ᬓᬲᬶᬦᬳᬦ᭄ᬜᬧᬫᭂᬓᬲ᭄᭞ᬳᬶᬫᬦᬸᬱ᭞ᬭᬶᬓᬵᬮᬦᬶᬂᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬬᭀᬕ᭄ᬬ
ᬫ᭄ᬭᬶᬳᬂᬥᬃᬫ᭄ᬫᬲᬸᬰᬶᬮ᭞ᬳᬗ᭄ᬕᬾᬦ᭄ᬩᭂᬓᭂᬮ᭄ᬭᬶᬂᬓᬯᬶᬗ᭄ᬓᬶᬂ᭟᭐᭟ᬉᬭᬶᬧᬾᬢᬦ᭄ᬧᬶᬲᬦ᭄ᬮᬦ᭞ᬢᬸᬯᬸᬄᬩ᭠ᬚᬂ᭞ᬮᬦ᭄ᬓᬲᬸᬕ᭄ᬬᬦᬾᬲᬫᬶ᭞ᬢᬦ᭄ᬧᬕᭂᬄᬓᬯ᭄ᬬᬓ᭄ᬢ᭄ᬬᬦᬶᬧᬸᬦ᭄᭞ᬮᬦ᭄ᬯᭀᬦᭂᬗᬾᬫᬲᬗ᭄ᬕᬫ᭞ᬲ᭄ᬯᬢᬳᬂ᭞ᬳᬶ
ᬦᬩ᭄ᬲᬶᬤ᭄ᬟᬧᬘᬂᬓᬸᬓᬸᬄ᭞ᬉᬕᬶᬳᭀᬩᬄᬧᬦᬤᭀᬲ᭄ᬜ᭞ᬭᬾᬄᬫᬸᬮᬧᬯᬓᬦ᭄ᬕᬜ᭄ᬚᬶᬄ᭟᭐᭟ᬓᬘᭀᬭᬳᬦ᭄ᬓᬲᬸᬰᬶᬮᬦ᭄᭞ᬓᬧ᭄ᬭᬚ᭄ᬜᬵᬦᬦ᭄᭞ᬮᬦ᭄ᬓᬢᬫ᭄ᬩᭂᬢᬦᬾᬫᬮᬶᬄ᭞ᬢᬓᬸᬢ᭄ᬮᬦ᭄ᬯᬦᬾᬦ᭄ᬧᬸᬦᬶᬓ᭞
Kaca:Bali-lontar-gaguritan-nitisara-300ppi.pdf/10
Kaca puniki sampun kauji-wacén
