Kaca:Bali-lontar-gaguritan-nitisara-300ppi.pdf/11

Kaca puniki sampun kauji-wacén

[᭑᭐ 10B]
᭑᭐᭟
ᬓᬸᬓᬸᬄᬫᬘᭂᬧᬸᬓ᭄ᬭᬶᬂᬳᬯᬓ᭄᭞ᬢᬫ᭄ᬩ᭄ᬭᬸᬄᬳᬶᬧᬸᬦ᭄᭞ᬓᬵᬮᬦᬶᬂᬲᬾᬤᬫᬦᬸᬢᬸᬕ᭄᭞ᬭᬯᬸᬄᬲᬋᬕ᭄ᬭᬶᬂᬓᬤᬶᬢ᭄ᬯᬦ᭄᭞ᬢᬦ᭄ᬧᬶᬲᬦᬶᬧᬸᬦ᭄ᬫᬮᬲᬶᬦ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬲᬚ᭄ᬭᭀᬦᬶᬂᬤᬤᬶᬫᬦᬸᬱ᭞ᬩᬕᬸ
ᬲ᭄ᬚᭂᬕᬾᬕᬾᬫᬓᬵᬤᬶ᭞ᬩᬩᬸᬗᬳᬾᬭᬶᬂᬧᬲᬾᬪᬦ᭄᭞ᬬᬾᬦᬶᬂᬓᬯᬗ᭄ᬰᬦᬾᬮᬸᬳᬸᬃ᭞ᬫ᭄ᬯᬄᬯᬃᬡ᭄ᬦᬶᬲᬦᬾᬩᬸᬗ᭄ᬳᬄ᭞ᬩᬦ᭄ᬢᬲ᭄ᬤᬥᬶ᭞ᬓᬯᬶᬥᬶᬫᭂᬤᭂᬓ᭄ᬲᬂᬦᬵᬣ᭟᭐᭟ᬬᬾᬦᬶᬂᬓᬯᬗ᭄ᬰᬦ᭄ᬧᬸᬦᬶᬓ᭞ᬩᬦ᭄ᬢᬲ᭄ᬪᬸᬱᬡᬗᬲ᭄ᬭᬾᬦᬶᬦ᭄᭞ᬬᬭ
ᬯᬸᬄᬫᬭᬶᬂᬧᬲᬾᬪᬦ᭄᭞ᬓᬾᬗᬶᬦᬦ᭄ᬓᬵᬗ᭄ᬕᬾᬦ᭄ᬧᬫᬸᬘᬸᬓ᭄᭞ᬭᬶᬂᬢᭂᬗᬳᬶᬂᬧᬲᬫᬸᬳᬦ᭄᭞ᬓᬦ᭄ᬢᭂᬦᬲ᭄ᬭᬶᬂ᭞ᬳᬦ᭄ᬢᬸᬓ᭄ᬩᬸᬗᬳᬶᬂᬪᬸᬱᬡ᭟᭐᭟ᬗ᭄ᬳᬶᬂᬬᬦ᭄ᬓᬯ᭄ᬭᬸᬳᬾᬉᬢ᭄ᬢᬫ᭞ᬳᬗ᭄ᬕᬾᬪᬸᬱᬡᬦᬶᬂᬤᬶᬭᬶ᭞ᬲᬶᬦᬄᬲᬶᬤ᭄ᬟᬗᬯᭂᬢ᭄ᬯᬂ᭞ᬓᬲ
ᬫ᭄ᬧᬸᬭᬦᬾᬭᬶᬂᬓᬬᬸᬦ᭄᭞ᬢᬸᬃᬲᬶᬦᬄᬲᬶᬤ᭄ᬟᬗᬯᬶᬦᬂ᭞ᬫᬗ᭄ᬮᬾᬤᬗᬶᬦ᭄᭞ᬧᬓᬬᬸᬦ᭄ᬲᬂᬯᬶᬘᬓ᭄ᬱᬡ᭟᭐᭟ᬧᭂᬢᬂᬧᬯᭀᬲᬦ᭄ᬧᬇᬡ᭄ᬟᬶᬓᬦ᭄᭞ᬦᬾᬳᬗ᭄ᬕᬾᬦ᭄ᬫᬭᬶᬢᭂᬢᭂᬲᬶᬦ᭄᭞ᬫᬸᬗ᭄ᬕ᭄ᬯᬶᬂᬓᬯᬦᬶᬦᬦᬦᬓ᭄᭞ᬧ
[᭑᭑ 11A]
ᬫᭂᬓᬲ᭄ᬕᭂᬦᬄᬜᬳᬶᬓᬸ᭞ᬓᬯᬗ᭄ᬰᬦ᭄ᬮᬦ᭄ᬓᬯ᭄ᬭᬸᬳᬦ᭄ᬜ᭞ᬫᬶᬦᬓᬵᬤᬶ᭞ᬓᬃᬬ᭄ᬬᬦ᭄ᬜᬦᬾᬯᬵᬱ᭄ᬧᬤᬬᬂ᭟᭐᭟ᬬᬦ᭄ᬧᬇᬡ᭄ᬟᬶᬓᬦ᭄ᬗᬚᬶᬫᬵᬲ᭄᭞ᬓᭀᬲᭀᬢᬶᬧᬸᬦ᭄ᬭᬶᬂᬧᬗᬯᬶᬢ᭄᭞ᬮᬯᬸᬢ᭄ᬢᭂᬓ᭄ᬢᭂᬓ᭄ᬩᭀᬃ
ᬩᭀᬃᬲᬶᬩᬓ᭄᭞ᬬᬦ᭄ᬧᬇᬡ᭄ᬟᬶᬓᬲᬂᬧ᭄ᬭᬪᬸ᭞ᬧᬘᬂᬫᬜᬶᬲᬶᬧᬂᬧᬜ᭄ᬚᬓ᭄᭞ᬧᭂᬢᬂᬇᬡ᭄ᬟᬶᬓ᭄᭞ᬲᬦᬾᬲᬦ᭄ᬤᬂᬓᬢ᭄ᬭᬧᬂ᭟᭐᭟ᬧᬶᬢᬸᬢᬸᬭᬶᬦ᭄ᬓᬧ᭄ᬭᬢᬫ᭞ᬧᬶᬂᬭᭀᬯᬦ᭄ᬜᬓᬩᬗ᭄ᬕ᭄ᬭᬲᬶᬦ᭄᭞ᬉᬕᬶᬢᬦ᭄ᬫᬲᬮᬶᬦ᭄ᬓᬶᬗ᭄ᬓᬄ᭞
ᬤᬦ᭄ᬟᬦᬶᬂᬳᬃᬣᬧᬶᬂᬢᭂᬮᬸ᭞ᬢᬍᬃᬢᬦ᭄ᬓᬮᬶᬗ᭄ᬯᬂ᭞ᬧ᭄ᬭᬶᬄᬧᬢᬶ᭞ᬭᬶᬂᬧᬫᬸᬧᬸᬢ᭄ᬜᬧᬶᬂᬳᭂᬫ᭄ᬧᬢ᭄᭟᭐᭟ᬧᭂᬢᬂᬧᬯᭀᬲ᭄ᬯᬶᬮᬗᬦ᭄ᬜ᭞ᬦᬾᬫᬵᬯᬯᬓ᭄ᬲᬸᬓᬧᬗᬯᬶᬢ᭄᭞ᬗ᭄ᬳᬶᬂᬢᬦ᭄ᬯᬗ᭄ᬤᬾᬤᬤᬶᬤᬸᬓ᭞ᬩᬘᬓᬦ᭄ᬜᬗᬶᬭᬶᬂ
ᬳᬶᬢᬸᬂ᭞ᬓᬧ᭄ᬭᬢᬫᬜᭂᬮᬂᬚᬶᬦᬄ᭞ᬲᬸᬓᬧᭀᬮᬶᬄ᭞ᬤᬸᬓ᭄ᬗᬯᬮ᭄ᬬᬂᬤᬸᬓᬶᬢ᭟᭐᭟ᬓᬧᬸᬂ᭠ᬭᭀᬯᬦ᭄ᬜᬧᬸᬦᬶᬓ᭞ᬳᬲᬸᬦᬾᬲᬦᬾᬫᬲᬭᬶ᭞ᬍᬕᬳᬶᬧᬸᬦ᭄ᬫᬕᬾᬢᬾᬢᬦ᭄᭞ᬢᬦᬲ᭄ᬯᬾᬭᬭᬶᬲ᭄ᬭ