[᭑᭑ 11B]
᭑᭑᭟
ᬯᬸᬄ᭞ᬢᬶᬫ᭄ᬧᬮᬶᬧᬸᬦᬾᬫᬗ᭄ᬭᬄ᭞ᬗᬋᬩᬸᬢᬶᬦ᭄᭞ᬫᬯᬢᬸᬳᬶᬧᬸᬦ᭄ᬤᬤᬶᬤᬸᬓ᭟ᬧᬶᬂᬢᬶᬕᬦᬾᬚᬦ᭄ᬫᬏᬕᬃ᭞ᬓᭂᬦ᭄ᬤᭂᬮ᭄ᬕᬶᬭᬂᬜᬢᬦ᭄ᬲᬶᬧᬶ᭞ᬢᬦ᭄ᬯᬗ᭄ᬤᬾᬫᬯᬮᬶᬤᬸᬓ᭞ᬤ᭄ᬯᬦᬶᬂᬲᬮ᭄ᬯᬶᬭᬶᬂᬉᬦ᭄ᬤᬸᬓ᭄᭞ᬫᬕᭂᬦ᭄ᬢᬶᬕᭂᬦ᭄ᬢᬶᬚᬵᬢᬶ
ᬦ᭄ᬜ᭞ᬦᬾᬧᬸᬧᭀᬦᬶᬦ᭄᭞ᬭᬾᬄᬧᬥᬧᬯᬓᬦ᭄ᬳᭀᬜᬄ᭟᭐᭟ᬓᬧᬶᬂᬳᭂᬫ᭄ᬧᬢ᭄ᬜᬧᬸᬦᬶᬓ᭞ᬲᬂᬳᬶᬲ᭄ᬢ᭄ᬭᬶᬤᬸᬓ᭄ᬓᬢᬸᬭᭀᬦᬶᬦ᭄᭞ᬫᭀᬮᬶᬄᬲᬸᬓᬦᬾᬲᬂᬕᬫ᭞ᬫᭀᬩᭀᬢ᭄ᬭᬶᬂᬧᬫᬸᬧᬸᬢᬶᬧᬸᬦ᭄᭞ᬉᬕᬶᬲᬶᬄᬧᬦᬤᭀ
ᬲ᭄ᬜ᭞ᬫᬫᬗ᭄ᬕᬶᬳᬶᬦ᭄᭞ᬓᬤᬸᬄᬓᬶᬢᬦ᭄ᬲᬓ᭄ᬢᬶᬫᬦᬄ᭟᭐᭟ᬇᬡ᭄ᬟᬶᬓᬾᬫᬗᬺᬋᬄᬚᬶᬦᬄ᭞ᬓᬤᬸᬕᬶᬳᬦ᭄ᬫᬓᬵᬤᬶ᭞ᬫᬮᬭᬧᬦ᭄ᬓᬢᬸᬬᬸᬳᬦ᭄᭞ᬲᬓᬤᬶᬳᬶᬤᬕᬂᬢᬸᬬᬸᬄ᭞ᬗᬸᬫ᭄ᬩᬭᬳᬶᬧᬸᬦ᭄ᬲᬢᬢ᭞ᬤᬸᬓ᭄ᬫᬫ᭄ᬭᬶᬄ᭞
ᬫᬶᬓᭀᬮᬶᬳᬂᬗᬭᬂᬗᬭᬂ᭟᭐᭟ᬲᬲᬵᬫ᭄ᬧᬸᬦᬾᬫᭀᬮᬶᬄᬳᬃᬣ᭞ᬓᬾᬯᭂᬄᬜᬭᬵᬓ᭄ᬱᬯᭂᬢᬸᬭᬭᬶᬲ᭄᭞ᬫᬸᬯᬸᬄᬳᬶᬘᭀᬭᬄᬗᭂᬤᭀᬢᬂ᭞ᬧᬾᬢᬶᬘᬮ᭄ᬳᬃᬣᬦᬾᬮᬯᬸᬢ᭄᭞ᬢᬦ᭄ᬓᬤᬶᬓᬤᬶᬲᬗ᭄ᬲᬭ᭞ᬲ
[᭑᭒ 12A]
ᬓᬶᬢ᭄ᬳᬢᬶ᭞ᬓᬤᬸᬄᬓᬶᬢᬦ᭄ᬫᬳᬵᬦᬭ᭟᭐᭟ᬓᬲᬶᬦᬳᬦ᭄ᬧᬸᬦᬶᬓ᭞ᬓᬲᬸᬕ᭄ᬬᬦᬾᬫᬓᬲᬫᬶ᭞ᬫᬯᬓ᭄ᬯᬤᬄᬓᬤᬸᬄᬓᬶᬢᬦ᭄᭞ᬤ᭄ᬯᬦᬶᬂᬲᬂᬲᬸᬚᬦᬳᬶᬓᬸ᭞ᬧᬢᬹᬢ᭄ᬦᬶᬗ᭄ᬕᬮᬶᬦ᭄ᬗᭂᬤᭀᬳᬂ᭞ᬲᬓᬗ᭄ᬓᬵ
ᬦᬶᬂ᭞ᬳᬃᬣᬗ᭄ᬭᬡᬦᬾᬧᬸᬦᬶᬓ᭟᭐᭟ᬓᬩ᭄ᬯᬢᬦᬶᬂᬳᬃᬣᬩ᭄ᬭᬡ᭞ᬓᬧᬢᬹᬢᬗ᭄ᬕᬾᬦ᭄ᬦᬸᬮᬸᬗᬶᬦ᭄᭞ᬚᬦ᭄ᬫᬲᬓᬶᬢ᭄ᬓᬲᬗ᭄ᬲᬭᬦ᭄᭞ᬦᬗ᭄ᬳᬶᬂᬧᬗᬫᭀᬂᬜᬢᬸᬳᬸ᭞ᬯᬦ᭄ᬢᬄᬩᬭᬾᬲᬾᬫᬤᬦ᭞ᬦᭂᬓᬾᬂᬳᬢᬶ᭞ᬧᬕᭂᬳᬦ᭄ᬜ
ᬓᬸᬓᬸᬄᬓᬸᬯᬢ᭄᭟᭐᭟ᬬᬦ᭄ᬦᬸᬕ᭄ᬢᬸᬕᬂᬳᬃᬣᬩ᭄ᬭᬡ᭞ᬲᬢ᭄ᬦᬫ᭄ᬩᭂᬮ᭄ᬢᭀᬬᬉᬧᬫᬶ᭞ᬦᬾᬳᬕᬸᬂᬲᬸᬮᬸ᭠ᬓ᭄ᬫᬮᬸᬦᬦ᭄᭞ᬧᬦᬤᭀᬲᬦ᭄ᬜᬢᬦᬸᬭᬸᬂ᭞ᬳᬜᬸᬤ᭄ᬩᭀᬭᭀᬲ᭄ᬢᬦ᭄ᬧᬰᬾᬱ᭞ᬫᬯᬲ᭄ᬢᬸᬭᬭᬶᬲ᭄᭞ᬭᬯᬸᬄᬧᬜ᭄ᬘᭂᬃ
ᬜᬫᬩᬸᬢᬦ᭄᭟᭐᭟ᬅᬫᬺᬢᬯᬶᬱ᭄ᬬᬧᬸᬦᬶᬓ᭞ᬕᭂᬦᬄᬜᬳᬯᭀᬃᬲᬢᬦ᭄ᬤᬶᬂ᭞ᬗ᭄ᬳᬶᬂᬳᬶᬤᬲᬂᬯᬶᬘᬓ᭄ᬱᬡ᭞ᬯᬦ᭄ᬢᬄᬅᬫᬺᬢᬓᬚᬸᬫ᭄ᬧᬸᬢ᭄᭞ᬧ᭄ᬭᬤᬾᬫᬵᬲ᭄ᬭᬶᬂᬩᬘᬶᬦᬯᭀᬃ᭞ᬫᬵᬲᬾᬓᬵᬫ᭄ᬩᬶᬮ᭄᭞ᬮᬯᬸᬢ᭄ᬓᬩᬺ᭠
Kaca:Bali-lontar-gaguritan-nitisara-300ppi.pdf/12
Kaca puniki sampun kauji-wacén
