[᭑᭓ 13B]
᭑᭓᭟
ᬦ᭄ᬓᬶᬦᬸᬫ᭄᭞ᬮᬦ᭄ᬬᬱᬓᬲᬸᬭᬦ᭄ᬓᭂᬦᬶ᭞ᬬᬾᬦᬶᬂᬳᬶᬤᬲᬂᬧᬸᬭᬸᬱ᭞ᬲᬾᬤᬭᬶᬂᬢᭂᬗᬳᬶᬂᬳᬬᬸᬦ᭄᭞ᬜᬸᬚᬸᬃᬗᬸᬗ᭄ᬲᬶᬲᬸᬭᬮᭀᬓ᭞ᬓᬶᬦᬋᬫ᭄ᬩᬦ᭄᭞ᬯᬶᬥ᭄ᬬᬥᬭᬷᬫᬗᬬᬳᬶᬦ᭄᭞ᬫᭀᬮᬶᬄᬲᬸᬓᬓᬩ᭄ᬬ
ᬤᬬᬦ᭄᭟᭐᭟ᬬᬾᬦᬶᬕ᭄ᬕᭂᬢᬧᬶᬧ᭄ᬭᬚᬸᬭᬶᬢ᭄ᬦᬶᬗ᭄ᬕᬮᬶᬦ᭄᭞ᬧᬧ᭄ᬭᬗᬦ᭄᭞ᬭᬶᬓᬵᬮᬦᬶᬂᬧᭂᬚᬄ᭞ᬧᬜ᭄ᬚᬓ᭄ᬳ᭄ᬬᬂᬬᬫᬜᬓᬶᬢᬶᬦ᭄᭞ᬓᬧᬸᬗ᭄ᬲᬂᬧᬗ᭄ᬲᬶᬂᬓᬘᭂᬓᬸᬓ᭄᭞ᬦᬗ᭄ᬳᬶᬂᬬᬦ᭄ᬓᬦ᭄ᬢᬸᬦ᭄ᬫᬉᬭᬶᬧ᭄᭞ᬓ᭠
ᬳᬸᬧᭂᬢᬶᬧᬸᬦ᭄ᬓᬘᬾᬤ᭞ᬓᬚᭂᬗᬄᬚᭂᬗᬳᬶᬦ᭄ᬮᬯᬸᬢ᭄᭞ᬓᬢᬯᬦ᭄ᬢᬸᬃᬓᬦᬶᬲ᭄ᬢᬬᬂ᭞ᬫᬮᬭᬧᬦ᭄᭞ᬦᬶᬗ᭄ᬕᬮᬶᬦ᭄ᬧᬧ᭄ᬭᬗᬦ᭄ᬚ᭄ᬭᬶᬄ᭞ᬢᬦ᭄ᬗᬫ᭄ᬩᭂᬓᬂᬓᬧᬸᬭᬸᬱᬦ᭄᭟᭐᭟ᬳᬯᬶᬦᬦ᭄ᬜᬲᬵᬫ᭄ᬧᬸᬦᬂᬕᬕᬶᬲᭀᬦ᭄ᬭ
ᬭᬶᬲ᭄᭞ᬗᬓᬸᬲᬸᬭ᭞ᬗᬓᬸᬧ᭄ᬭᬚ᭄ᬜᬵᬦ᭄ᬯᬶᬓᬦ᭄᭞ᬭᬶᬂᬳᬚᭂᬂᬲᬂᬫᬉᬢ᭄ᬢᬫᬶ᭞ᬦᬗ᭄ᬳᬶᬂᬬᬦ᭄ᬜᬶᬤᬬᬂᬢᬸᬳᬸ᭞ᬳᬶᬤᬤᬦᬾᬗᬤᬸᬚᬸᬭᬶᬢ᭄᭞ᬲᬢᬸᬲ᭄ᬗᬲᭀᬭᬂᬧ᭄ᬭᬯᬶᬭ᭞ᬦᬾᬲᬸᬩᬯᬕᭂᬤ᭄ᬭᬶᬂᬳᬬᬸᬦ᭄᭞ᬩᬯᬸ
[᭑᭔ 14A]
ᬬᭀᬕ᭄ᬬᬓᬩᬯᭀᬲᬂ᭞ᬓᬤᬶᬳᬶᬤ᭞ᬢᭀᬲ᭄ᬧᬸᬭᬸᬱᬚᬵᬢᬶᬮ᭄ᬯᬶᬄ᭞ᬢᬸᬳᬸᬢᬸᬳᬸᬲᬸᬭᬤᬷᬭ᭟᭐᭟ᬫᬮᬶᬄᬳᬶᬤᬲᬂᬧ᭄ᬭᬚ᭄ᬜᬾᬂᬩᬸᬤ᭄ᬟᬶ᭞ᬯᬶᬘᬓ᭄ᬱᬡ᭞ᬓᬸᬫ᭄ᬧᬸᬮᬂᬧᬸᬦᬶᬓ᭞ᬫᬓᬢᬄᬳᬲ᭄ᬬᬸᬤᬶᬭᬶ᭞
ᬲᬶᬤ᭄ᬟᬓᬓᬲᭀᬭᬂᬮᬯᬸᬢ᭄᭞ᬳᬦ᭄ᬢᬸᬓᬶᬤᬫᬓᬲᬫᬶ᭞ᬚᬵᬢᬶᬳᬶᬤᬫᬯᬵᬱ᭄ᬝᬧ᭄ᬭᬜᬶᬸᬚ᭄ᬜᬵᬦ᭄᭞ᬲᬦ᭄ᬤᬂᬤᬤᬶᬫᬳᬵᬕᬸᬭᬸ᭞ᬕᬸᬭᬸᬦᬶᬂᬚᬕᬢ᭄ᬲᬫ᭄ᬬᬦ᭄᭞ᬳᬶᬤᬓᬵᬗ᭄ᬕᭂᬄ᭞ᬚᬵᬢᬶᬢᬸᬭᬸᬦᬦᬸᬢ᭄ᬢᬫᬶ᭞ᬮ᭄ᬯᬶᬄᬧᬸᬢᬸᬲᬶᬂ
ᬓᬧᬡ᭄ᬟᬶᬢᬦ᭄᭟᭐᭟ᬇᬗ᭄ᬕ᭄ᬯᬦ᭄ᬫᬮᬶᬄᬓᬸᬫ᭄ᬧᬸᬮᬂᬳᬤᬰᬢᬮᬶ᭞ᬲᬩᬘᬓᬦ᭄᭞ᬚᬦ᭄ᬫᬲᬦᬾᬧ᭄ᬭᬚ᭄ᬜᬵᬦ᭄᭞ᬬᬦ᭄ᬲᬶᬤ᭄ᬟᬓᬲᭀᬭᬂᬲᬫᬶ᭞ᬲᬚ᭄ᬭᭀᬦᬶᬂᬗᭂᬫ᭄ᬩᬦ᭄ᬫᬦᬸᬦ᭄ᬢᬸᬦ᭄᭞ᬲᬂᬗᬲᭀᬭᬂᬦᬶᬓᬲᬫᬶ᭞ᬭᬸ
ᬫᬕᬯᬕ᭄ᬫᬶᬓᬶᬦᬸᬘᬧ᭄᭞ᬧᬰ᭄ᬘᬢ᭄ᬭᬶᬂᬩᬩᬯᭀᬲ᭄ᬢᬸᬳᬸ᭞ᬯᬶᬓᬦ᭄ᬭᬶᬂᬦᬬᬯᬶᬦᬱ᭞ᬳᬢᬶᬲ᭄ᬲᬓ᭄ᬱᬢ᭄᭞ᬭᬶᬂᬪᬕᬯᬦ᭄ᬯᬺᬳᬲ᭄ᬧᬢᬶ᭞ᬚᬵᬢᬶᬲᬢᬦ᭄ᬤᬶᬂᬲᬳᬶᬫ᭄ᬩᬂ᭟᭐᭟ᬓᬲᬶᬦᬳᬦ᭄ᬜᬯ᭄ᬬᬓ᭄ᬢᬶᬲᬶᬦᬶᬄᬦᬶᬱ᭄ᬝ᭞ᬧᬸᬦᬶ
Kaca:Bali-lontar-gaguritan-nitisara-300ppi.pdf/14
Kaca puniki sampun kauji-wacén
