Kaca:Bali-lontar-gaguritan-nitisara-300ppi.pdf/15

[᭑᭔ 14B]
᭑᭔᭟
ᬓᬚᬦ᭄ᬫᬦᬾ᭞ᬲᬦᬾᬫᬗᬓᬸᬳᬓ᭄ᬯᬶᬦ᭄᭞ᬤ᭄ᬯᬦᬶᬂᬢᬦ᭄ᬧᬶᬲᬦ᭄ᬓᬢᬶᬭᬸ᭞ᬳᭀᬮᬶᬄᬲᬂᬲᬸᬚᬦᬮ᭄ᬯᬶᬄ᭞ᬲᬧᬸᬦᬶᬓᬲᬦᬾᬫᬸᬗ᭄ᬕᬄ᭞ᬫᬦᬹᬢ᭄ᬭᬶᬂᬰᬵᬱᬦᬦ᭄ᬫᬦᬸ᭞ᬦᬾᬲᬦ᭄ᬤᬂᬓᬧᬶᬲᬶᬗ᭄ᬕᬶᬳᬂ᭞ᬳᭀᬮᬶᬄᬳᬶᬤ᭞ᬲᬂᬓᬩᬯᭀᬲ᭄ᬫᬉ
ᬢ᭄ᬢᬫᬶ᭞ᬦᬾᬲᬵᬫ᭄ᬧᬸᬦ᭄ᬫᬗ᭄ᬕᭂᬄᬭᬶᬂᬚᬕᬢ᭄᭟᭐᭟ᬓᭂᬦᬶᬲᬵᬫ᭄ᬧᬸᬦᬶᬤᬤᬦᬾᬲᬫᬶ᭞ᬧᬭᬶᬘᬾᬤ᭞ᬭᬶᬂᬲᬧᬲᬶᬭᬚ᭞ᬤ᭄ᬯᬦᬶᬂᬭᬶᬂᬚᬕᬢᬾᬲᬫᬶ᭞ᬢᬦ᭄ᬯᬾᬦ᭄ᬢᭂᬫ᭄ᬢᬦ᭄ᬘᬘᬤᬶᬧᬸᬦ᭄᭞ᬤ᭄ᬬᬲ᭄ᬢᬸᬪᬝᬵᬭᬧᬶᬢ᭄ᬯᬶ᭞ᬓᬤᬶᬳᬶᬤᬲᬂᬳ᭄ᬬᬂ
ᬇᬦ᭄ᬤ᭄ᬭ᭞ᬦᬾᬗᬶᬦᬦ᭄ᬘᬘᬤ᭄ᬓᬯᬸᬯᬸᬲ᭄᭞ᬓᬢᬄᬧᬜᬶᬗᬓᬦᬶᬤ᭞ᬲᬩᭂᬄᬳᬶᬤ᭞ᬢᬦ᭄ᬦᬭᬫ᭄ᬧᬫᬭᬶᬂᬪᬹᬫᬶ᭞ᬳᬯᬶᬦᬦ᭄ᬲᬵᬫ᭄ᬧᬸᬦᬂᬜᬤ᭄ᬘᬤ᭄᭟᭐᭟ᬲᬂᬳ᭄ᬬᬂᬯᬸᬮᬦᬶᬩᬸᬗ᭄ᬓᬸᬢ᭄ᬜᬘᬶᬭᬾᬦᬶᬦ᭄᭞ᬲᬂᬳ᭄ᬬᬂᬲᬹᬃᬬ᭄ᬬ᭞
ᬧᬦᭂᬄᬲ᭄ᬢᬚᬦᬶᬤ᭞ᬫᬓᬵᬤᬶᬳ᭄ᬬᬂᬚᬕᬢ᭄ᬧᬢᬶ᭞ᬓᬦ᭄ᬢᬦᬾᬫᬓᭂᬢᭂᬮ᭄ᬪᬶᬭᬸ᭞ᬲᬾᬯᭀᬲᬂᬫᬮᬶᬄ᭞ᬓᬤᬶᬳᬶᬤᬲᬂᬓᬺᬱ᭄ᬡ᭞ᬓᬾᬗᬶᬦᬦ᭄ᬘᬘᬤ᭄ᬓᬯᬸᬯᬸᬲ᭄᭞ᬤᬸᬓᬶᬤᬤᬶᬕᭀᬧ᭄ᬭᬚ᭞ᬲᬵᬫ᭄ᬧᬸᬦ᭄ᬓᭂᬢᬄ᭞ᬫᬦᬤᭀ
[᭑᭕ 15A]
ᬲ᭄ᬧᬗᬗᭀᬦ᭄ᬲᬫ᭄ᬧᬶ᭞ᬫᬯᬶᬦᬦ᭄ᬲᬵᬫ᭄ᬧᬸᬦᬂᬜᬘᬤ᭄᭟᭐᭟ᬢᬶᬂᬫ᭄ᬯᬶᬂᬚᬦ᭄ᬫᬮᬘᬸᬃᬫᬓᬤᬶᬦ᭄ᬜᬢᬫ᭄ᬬᬸᬫᬮᬶᬄ᭞ᬲᬦᬾᬲᬦ᭄ᬤᬂ᭞ᬓᬘᬾᬳᬶᬦ᭄ᬧᬥᬦ᭞ᬳᭀᬮᬶᬄᬲᬂᬭᬸᬫᬕᬮ᭄ᬯᬶᬄ᭞ᬦᬾᬓᬗ᭄ᬕᭂᬄᬭᬶᬂᬚᬕᬢ᭄ᬯᬶᬪᬸᬄ
᭞ᬫᬓᬵᬤᬶᬧᬸᬭᬦᬾᬫᬮᬶᬄ᭞ᬲᬦᬾᬢᬦ᭄ᬯᬾᬦ᭄ᬢᭂᬦ᭄ᬗᬮᬶᬗ᭄ᬯᬂ᭞ᬫᬢᭂᬫᬳᬦ᭄ᬭᬸᬲᬓ᭄ᬭᬸᬩᬸᬄ᭞ᬧᬢᬢ᭄ᬯᬗᬸ᭠ᬦᬂᬩᭂᬘᬶᬓᬂ᭞ᬲᬮᬦ᭄ᬢᬸᬃᬜ᭞ᬓᬧᬳᬬᬸᬓᬪᬓ᭄ᬢᬶᬦᬶᬦ᭄᭞ᬳᭀᬮᬶᬄᬲᬂᬯᬶᬪᬸᬄᬭᬶᬂᬚᬕᬢ᭄᭟᭐᭟ᬧᬶᬢ
ᬭᬦᬾᬲᬦᬾᬓᬲᬗ᭄ᬲᬭᬦ᭄ᬓᬭᬶ᭞ᬳᬶᬦᬸᬧᬓᬵᬭ᭞ᬧᬶᬦᬺᬲ᭄ᬢᬾᬓᬲᬫ᭄ᬬᬦ᭄᭞ᬧᬢᬹᬢ᭄ᬭᬸᬯᬢᬂᬤᬶᬕᭂᬮᬶᬲ᭄᭞ᬭᬯᬸᬄᬭᬶᬂᬲᬾᬢ᭄ᬭᬳᬶᬦᬬᬸ᭞ᬚᬦ᭄ᬢᭂᬦ᭄ᬧᬶᬓᭀᬮᬶᬄᬜᬭᬭᬶᬲ᭄᭞ᬓᬤᬶᬲᬂᬗ᭄ᬮᬭᬂᬬᬚ᭄ᬜᬵ᭞ᬅᬰ᭄ᬯᬫᬾᬤᬦᬾᬧᬸᬦᬶᬓᬸ᭞
ᬫᭀᬮᬶᬄᬲ᭄ᬯᬃᬕ᭄ᬕᬫᬉᬢ᭄ᬢᬫ᭞ᬓᬶᬦᬪᬓ᭄ᬬᬦ᭄᭞ᬯᬶᬤ᭄ᬬᬥᬭᬯᬶᬥ᭄ᬬᬥᬭᬷ᭞ᬲᬫ᭄ᬬᬦ᭄ᬧᬥᬜᬾᬯᬓ᭟᭐᭟ᬓᬯ᭄ᬬᬓ᭄ᬢ᭄ᬬᬦ᭄ᬜᬭᬶᬫᬲᬦᬶᬂᬭᬯᬸᬄᬓᬮᬶ᭞ᬧᬫᬸᬧᬸᬢ᭄ᬜ᭞ᬲᬂᬮ᭄ᬯᬶᬄᬳᬃᬣᬩ᭄ᬭᬡ᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬗ