Kaca:Bali-lontar-gaguritan-nitisara-300ppi.pdf/16

Kaca puniki sampun kauji-wacén

[᭑᭕ 15B]
᭑᭕᭟
ᬮᬗ᭄ᬓᬸᬗᬶᬦ᭄᭞ᬤ᭄ᬯᬦᬶᬂᬢᬦ᭄ᬲᬦ᭄ᬤᬂᬮᬯᬸᬢ᭄᭞ᬫᬯᭀᬲᬂᬲᬂᬲᬥᬸᬩᬸᬤ᭄ᬟᬶ᭞ᬮᬦ᭄ᬲᬂᬮ᭄ᬯᬶᬳᬶᬂᬓᬕᬸᬡᬦ᭄᭞ᬲᬂᬧ᭄ᬭᬤ᭄ᬜᬵᬦ᭄ᬧᬸᬭᬸᬱᬳᬶᬓᬸ᭞ᬲᬫ᭄ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬗᬮᬶᬗ᭄ᬯᬂ᭞ᬓᬾᬗᬶᬦᬦ᭄ᬜ᭞ᬲᬫ᭄ᬬᬦ᭄ᬧᬥᬤᬸᬪᬓ᭄ᬢᬶ᭞ᬭᬶᬂᬲᬂ
ᬲᬸᬕᬶᬄᬳᬃᬣᬪᬡ᭟᭐᭟ᬲᬓᬢᬳᬶᬂᬲᬦᬾᬓᬧᬶᬗᬶᬢᬂᬲᬫᬶ᭞ᬳᭀᬮᬶᬄᬳᬶᬤ᭞ᬲᬂᬫᬭᬵᬕᬲᬸ᭠ᬚᬦ᭞ᬫᬯᬵᬲ᭄ᬢᬸᬳᬶᬘᬮ᭄ᬫᬓᬲᬫᬶ᭞ᬓᬮᬶᬄᬢᭀᬲ᭄ᬦᬶᬂᬧᬭᬭᬢᬸ᭞ᬓᬲᬗ᭄ᬲᬭᬦ᭄ᬦᬶᬱ᭄ᬝᬤᬤᬶ᭞ᬳᬶᬧ᭄ᬬᬦᬓ᭄ᬢᬸᬗ᭄ᬓᬲ᭄ᬭᬶᬂᬳᬶ
ᬩᬧ᭞ᬳᬶᬰᬸᬦ᭄ᬭᬫᬦᬤᬶᬳᬕᬸᬂ᭞ᬜᬸᬤᬕᬭᬶᬦ᭄ᬫᬤᬕᬗᬦ᭄᭞ᬢᬸᬃᬓᭀᬗ᭄ᬕ᭄ᬯᬦᬦ᭄᭞ᬓᬯᬶᬰᬾᬱᬦ᭄ᬲᬦᬾᬮ᭄ᬯᬶᬄ᭞ᬫᬮᬶᬄᬤᬤᭀᬲᬦᬓ᭄ᬧ᭄ᬭᬚ᭄ᬜᬵᬦ᭄᭟᭐᭟ᬧᬸᬦᬂᬚᬕᬢ᭄ᬤᬭᭀᬳᬭᬤᬤᬶ᭞ᬓᬧᭂᬢᭂᬗᬦ᭄᭞ᬲᬂᬭᬢᬸᬓᬦᬶᬱ᭄ᬝ
ᬦ᭄᭞ᬢᬦ᭄ᬓᬬᬸᬦ᭄ᬫᬥᬦᬫᬮᬶᬄ᭞ᬩᬶᬮᬶᬄᬓᬥᬦᬳᬶᬦ᭄ᬮᬯᬸᬢ᭄᭞ᬳᭀᬮᬶᬄᬲᬂᬲᬸᬕᬶᬄᬧᬶᬢ᭄ᬯᬶ᭞ᬳᬧ᭄ᬭᬕᬶᬡᬜᬸᬲᬸᬧᬮᬲ᭄᭞ᬲᬳᬵᬗᭂᬮᬭᬂᬫᬸᬤ᭄ᬭᬤᬶᬢᬸ᭞ᬢᬶᬓᬲᬶᬂᬧᬢᬢᬗᬦᬦ᭄᭞ᬲᬓᬾᬯᬮ᭞ᬕᬕ᭄ᬮᬭᬦ᭄ᬜᬫᬗ
[᭑᭖ 16A]
ᬦᬹᬢᬶᬦ᭄᭞ᬧᬫᬃᬕ᭄ᬕᬶᬦᬶᬂᬓᬮᬶᬬᬸᬕ᭟᭐᭟ᬲᬫᬮᬶᬳᬲᬂᬫᬤᬾᬯᬾᬓ᭄ᬰᬸᬤ᭄ᬭᬭᬭᬶᬲ᭄᭞ᬗᬦᬶᬱ᭄ᬝᬬᬂ᭞ᬲᬂᬫᬭᬵᬕᬯᬾᬱ᭄ᬬᬮᬗ᭄ᬕᬧ᭄ᬢᬦ᭄ᬫᬭᬶ᭞ᬫᬫᬭᬶᬘᬾᬤᬲᬂᬧ᭄ᬭᬪᬸ᭞ᬲᬂᬧ᭄ᬭᬪᬸᬅᬮ᭄ᬧᬓᬉᬕᬶ᭞ᬫᬭᬶᬂᬳᬶᬤ
ᬲᬂᬧᬡ᭄ᬟᬶᬢ᭞ᬲᬂᬫᬭᬵᬕᬧᬡ᭄ᬟᬶᬢᬮᬯᬸᬢ᭄᭞ᬗᭂᬓᭀᬄᬳᬶᬤᬫᬗᬲ᭄ᬢᬯ᭞ᬲᬂᬳ᭄ᬬᬂᬰᬶᬯ᭞ᬢᬦ᭄ᬮᬶᬗᬸᬭᬶᬂᬰᬶᬯᬲ᭄ᬫ᭄ᬭᬢᬶ᭞ᬢᬦ᭄ᬫᬗ᭄ᬕᭂᬄᬭᬶᬂᬲ᭄ᬯᬥᬃᬫ᭄ᬫ᭟᭐᭟ᬢᬦ᭄ᬧᬕᬸᬡᬲᬂᬳ᭄ᬬᬂᬩᬲᬸᬦ᭄ᬟᬭᬶ᭞ᬲᬃᬯ᭄ᬯᬢᬫ᭄ᬩ᭞ᬦᬾᬫᬮᬓᬃᬩᬸᬦ᭄ᬩᬸ
ᬦᬦ᭄᭞ᬲᬃᬯ᭄ᬯᬩᬩᬸᬗ᭄ᬓᬶᬮᬦ᭄ᬫᬮᬶᬄ᭞ᬳᬶᬘᬮ᭄ᬓᬫᬦ᭄ᬤ᭄ᬬᬦᬶᬧᬸᬦ᭄᭞ᬦᬾᬗᬯᬾᬯᬭᬲ᭄ᬤᬸᬓ᭄ᬗᬸᬦᬷ᭞ᬲᬂᬩ᭄ᬭᬵᬳ᭄ᬫᬡᬫ᭄ᬯᬂᬓ᭄ᬱᬢ᭄ᬭᬶᬬ᭞ᬲᬂᬯᬿᬰ᭄ᬬᬮᬦ᭄ᬰᬸᬤ᭄ᬭᬳᬶᬓᬸ᭞ᬫᬯᬵᬲ᭄ᬢᬸᬳᬭᭀᬓ᭄ᬧᬦᬤᬶᬦ᭄ᬜ᭞ᬫᬓᬲᬫ᭄ᬬᬦ᭄᭞ᬧᬢᬸᬭᬸᬗᬮ᭠
ᬓ᭄ᬱᬡᬳᬶᬦ᭄᭞ᬲᬲᬸᬗ᭄ᬓᭂᬫᬦ᭄ᬓᬧᬡ᭄ᬟᬶᬢᬦ᭄᭟᭐᭟ᬲᬲᬵᬫ᭄ᬧᬸᬦᬾᬫᬭᬹᬧᬧᬡ᭄ᬟᬶᬢᬭᬭᬶᬲ᭄᭞ᬧᬗᬗ᭄ᬕᬾᬦᬾ᭞ᬮᬦᬕᭂᬫᬕᭂᬫᬦ᭄᭞ᬫ᭄ᬭᬶᬄᬓᬓ᭄ᬯᬰᬦ᭄ᬓᬰᬓ᭄ᬢᬶᬦ᭄᭞ᬢᬦ᭄ᬧᬶᬲᬦ᭄ᬲᬂᬗ᭄ᬲᬬᬮᬯᬸᬢ᭄᭞ᬫᬭᬶᬘᬾᬤᬲᬵ