[᭑᭖ 16B]
᭑᭖᭟
ᬕᬫᬵᬤᬶ᭞ᬚᬧᬲᬵᬫᬤᬶᬫ᭄ᬯᬂᬬᭀᬕ᭞ᬜᬤ᭄ᬘᬤ᭄ᬓᬤ᭄ᬬᬢ᭄ᬫᬶᬓᬦᬶᬓᬸ᭞ᬧᬥᬫᬜᬸᬫ᭄ᬩᬸᬗᬂᬳᬯᬓ᭄᭞ᬲᬧᬸᬦᬶᬓ᭞ᬓᬯᬾᬦ᭄ᬢᭂᬦᬦ᭄ᬜᬦᬾᬭᬭᬶᬲ᭄᭞ᬭᬶᬂᬫᬲᬦᬶᬂᬓᬮᬶᬬᬸᬕ᭟᭐᭟ᬧᬗ᭄ᬭᬸᬪᬾᬤᬦ᭄ᬓᬮᬶ
ᬬᬸᬕᬦᬾᬭᬭᬶᬲ᭄᭞ᬫᬗᬯᬶᬦᬂ᭞ᬳᬶᬫᬦᬸᬱᬫᭀᬫᭀ᭞ᬫᬗ᭄ᬩᭂᬓᬂᬅᬗ᭄ᬓᬭᬩᬸᬤ᭄ᬟᬶᬦᬾ᭞ᬢᬦ᭄ᬫᬭᬶᬫᬶᬬᭂᬕᬦᬶᬧᬸᬦ᭄᭞ᬫᬋᬩᬸᬢᬶᬦ᭄ᬓᬓ᭄ᬯᬰᬦ᭄ᬮ᭄ᬯᬶᬄ᭞ᬢᬦᬸᬦᬶᬂᬭᬶᬂᬧᬚᬕᬢᬦ᭄᭞ᬫᬕᬸᬍᬧᬥᬫᬫᬸᬲᬸᬄ᭞ᬗᬫᬸᬲᬸ
ᬳᬶᬦ᭄ᬓᬸᬮᬯᬃᬕ᭄ᬕ᭞ᬩᬗᭂᬢ᭄ᬢᬸᬕ᭄ᬓᬲ᭄᭞ᬳᬶᬫᬸᬲᬸᬄᬓᬳᬗ᭄ᬕᬾᬦ᭄ᬓᬦ᭄ᬢᬶ᭞ᬗᬭᬸᬲᬓᬂᬧᬓᬤᬗᬦ᭄᭟᭐᭟ᬤᬺᬯᬾᬦ᭄ᬧᬸᬭᬭᬯᬸᬳᬶᬂᬧᬥᬃᬫ᭄ᬫᬦ᭄ᬫᬮᬶᬄ᭞ᬓᬭᬸᬲᬓᬂ᭞ᬫ᭄ᬯᬄᬓᬦ᭄ᬓᬤᬤᭀᬲᬂ᭞ᬫᬢᬸᬭᬦ᭄ᬓᬫ᭄ᬭᬚᬦ᭄ᬧᬦ᭄ᬢᬶ᭞ᬫᬯᬲ᭄ᬢᬸ
ᬭᬭᬶᬲ᭄ᬲᬸᬯᬸᬂᬫᬸᬂᬫᬸᬂ᭞ᬧᬫ᭄ᬭᬚᬮᬦ᭄ᬲᬗ᭄ᬕᬄᬧᬦ᭄ᬢᬶ᭞ᬧᬫᬲ᭄ᬢᬸᬦᬾᬢᬦ᭄ᬢᬸᬫᬫᬄ᭞ᬧ᭄ᬭᬰᬵᬦ᭄ᬢᬶᬦᬾᬍᬯᬶᬄᬍᬩᬸᬃ᭞ᬲᬫ᭄ᬬᬦ᭄ᬧᬥᬓᬭᬸᬲᬓᬂ᭞ᬩᬦᬶᬘᭀᬭᬄ᭞ᬓᬮᬶᬄᬳᬶᬫᭀᬫᭀᬤᬸᬃᬩᬸᬤ᭄ᬟᬶ᭞ᬲᬦᬾᬯᬾᬦ᭄ᬢᭂᬦ᭄ᬫᬭᬶᬂᬚᬕᬢ᭄᭟
[᭑᭗ 17A]ᬓᬵᬤᬶᬳᬶᬤᬲᬗ᭄ᬫ
᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬲᬂᬯᭀᬦᭂᬂᬫᬥᬦᬧᬹᬡ᭄ᬬ᭞ᬫᬢᭂᬫᬳᬦ᭄ᬮᬘᬸᬃᬫᬶᬲ᭄ᬓᬶᬦ᭄᭞ᬳᬶᬤᭂᬫᬶᬢ᭄ᬓᬮᬶᬄᬳᬶᬯᬲ᭄᭞ᬦᬤᬓ᭄ᬤᬤᬶᬳᬦᬓ᭄ᬲᬸᬕᬶᬄ᭞ᬳᬶᬘᭀᬭᬄᬮᬦᬶᬤᬸᬃᬕ᭄ᬕᬢᬶ᭞ᬫᬯᬵᬲ᭄ᬢᬸᬤᬤᬶᬧᬦ᭄ᬚᬵᬂᬉᬫᬸᬃ
᭞ᬦᬗ᭄ᬳᬶᬂᬳᬶᬤᬲᬂᬲᬸᬚᬦ᭞ᬦᬾᬗᬫ᭄ᬩᭂᬓᬂᬲᬤᬸᬩᬸᬤ᭄ᬟᬶ᭞ᬫᬯᬵᬲ᭄ᬢᬸᬮᬘᬸᬃ᭞ᬫᬢᭂᬫᬳᬦ᭄ᬘᭂᬦ᭄ᬤᭂᬓ᭄᭞ᬬᬸᬱ᭟᭐᭟ᬫᬓᬵᬤᬶᬳᬶᬤᬲᬂᬦᬵᬣ᭞ᬲᬢᬶᬦᬹᬢ᭄ᬭᬶᬂᬧᬭᬫᬦ᭄ᬢ᭄ᬭᬶ᭞ᬗᬲᭀᬃᬳᬶᬤᬳᬸᬃᬓᬢᬶᬢᬄ᭞ᬳᭀᬮᬶᬄᬧᬭᬫᬦ᭄ᬢ᭄ᬭᬶᬲᬫᬶ᭞
ᬓᬜ᭄ᬘᬦ᭄ᬧᬗᬫᭀᬗᬾᬫᬮᬶᬄ᭞ᬧᬥᬫᬮᬓ᭄ᬱᬡᬢᬦ᭄ᬧᬢᬹᬢ᭄᭞ᬲᬧᬸᬦᬶᬓᬧᬦᬤᭀᬲ᭄ᬜ᭞ᬓᭂᬜ᭄ᬚᭂᬓᬦ᭄ᬫᬲᬦᬶᬂᬓᬮᬶ᭞ᬧᬥᬗᬸᬯᬸᬢ᭄᭞ᬳᬭᭀᬳᬭᬧᬸᬦᬂᬚᬕᬢ᭄᭟᭐᭟ᬚᬦ᭄ᬫᬦᬾᬫᬮᬓ᭄ᬱᬡᬳᬮ
᭞ᬓᬩᬯᭀᬲ᭄ᬲᬸᬰᬷᬮᬩᬸᬤ᭄ᬟᬶ᭞ᬚᬦ᭄ᬫᬦᬾᬢᬦ᭄ᬧᬯᬶᬯᬾᬓ᭞ᬧ᭄ᬭᬚ᭄ᬜᬾᬂᬦᬬᬓᬯᬵᬱ᭄ᬝᬦᬶᬦ᭄᭞ᬚᬦ᭄ᬫᬲᬦᬾᬦᬶᬱ᭄ᬝᬍᬗᬶᬢ᭄᭞ᬓᬩᬯᭀᬲ᭄ᬲᬸᬚᬦᬳᬶᬧᬸᬦ᭄᭞ᬢᬦ᭄ᬫᬦᬹᬩᬩᬕ᭄ᬬᬦ᭄ᬜ᭞ᬉᬣᬯᬶᬩᬗᭂᬢᬸᬗ᭄ᬓᬮᬶ᭠
Kaca:Bali-lontar-gaguritan-nitisara-300ppi.pdf/17
Kaca puniki sampun kauji-wacén
