Kaca:Bali-lontar-gaguritan-nitisara-300ppi.pdf/19

Kaca puniki sampun kauji-wacén

[᭑᭘ 18B]
᭑᭘᭟
ᬤᬳᬢ᭄ᬓᬤᬶᬦᬯ᭞ᬢᬦ᭄ᬮ᭄ᬬᬦ᭄ᬤᬾᬯᬶᬚᬦᬦᬓᬷ᭞ᬯᬶᬯᬶᬢᬶᬧᬸᬦ᭄᭞ᬬᬸᬤ᭄ᬟᬦᬾᬭᬶᬂᬍᬗ᭄ᬓᬧᬸᬭ᭟᭐᭟ᬇᬦᬷᬤᬸᬓ᭄ᬤ᭄ᬯᬧᬭᬬᬸᬕ᭞ᬦᬾᬗᬯᬶᬦᬂᬧ᭄ᬭᬂᬲᭂᬗᬶᬢ᭄᭞ᬩ᭄ᬭᬢᬬᬸᬤ᭄ᬟᬓᬩ᭄ᬬᬓ᭄ᬢ᭞ᬢᬦ᭄ᬮ᭄ᬬᬦ᭄ᬤᬾᬯᬶᬤ᭄ᬭᭀᬧᬤᬶ᭞
ᬭᬶᬂᬓᬮᬶᬬᬸᬕᬦᬾᬭᬭᬶᬲ᭄᭞ᬲᬓᬢᬳᬶᬂᬧᬭᬯᬥᬸ᭞ᬲᬳᬶᬧᬥᬫᬓᬩ᭄ᬯᬢᬦ᭄᭞ᬤᬤᬶᬫᬶᬫᬶᬢᬦᬶᬂᬓᬵᬮᬶ᭞ᬤᬤᬶᬩᬸᬯᬸᬢ᭄᭞ᬧ᭄ᬭᬂᬢᬸᬓᬃᬢᭂᬫᬳᬦ᭄ᬜ᭟᭐᭟ᬩᬘᬓᬦᬶᬧᬸᬦ᭄ᬭᬶᬂᬚᬕᬢ᭄᭞ᬢᬢᬶ
ᬕᬩᬶᬮᬸᬓ᭄ᬓᬯᬵᬱ᭄ᬝᬦᬶᬦ᭄᭞ᬲᬦᬾᬢᬦ᭄ᬮᬦᬸᬲᬶᬡ᭄ᬟᬶᬓ᭄ᬜ᭞ᬲᬦ᭄ᬤᬂᬯᬲ᭄ᬧᬤᬬᬂᬲᬫᬶ᭞ᬧᬫᭂᬓᬲ᭄ᬜᬳᬦᬓᬶᬲ᭄ᬢ᭄ᬭᬶ᭞ᬳᬓᬄᬫᬶᬯᬄᬢᬸᬓᬤᬶᬓᬸ᭞ᬓᬶᬮᬓ᭄ᬓᬶᬓᬸᬮ᭄ᬧᬶᬤᬤᬩ᭄ᬜ᭞ᬢᬦ᭄ᬲᬦ᭄ᬤᬂᬚᭂᬕ᭄ᬧᬶᬢᬸᬭᬸᬢᬶᬦ᭄᭞ᬇ
ᬗ᭄ᬕ᭄ᬬᬦ᭄ᬤᬸᬮᬸᬄ᭞ᬲᬦᬾᬢᬢᬶᬕᬓᬶᬦᬸᬘᬧ᭄᭟᭐᭟ᬧ᭄ᬭᬤᬾᬬᬦ᭄ᬯᬾᬦᭂᬦ᭄ᬧᬸᬦᬶᬓ᭞ᬢᬸᬜ᭄ᬚᬸᬂᬭᬶᬂ᭠ᬗᬢᬸᬦᬾᬫᭂᬦ᭄ᬢᬶᬓ᭄᭞ᬤᬸᬓ᭄ᬧᬸᬦᬶᬓᬯᬯᬸᬍᬲᬃ᭞ᬧᬶᬤᬩ᭄ᬤᬩᬦᬓᬾᬳᬶᬲ᭄ᬢ᭄ᬭᬶ᭞ᬤᬕᬶᬂᬳᬢᬸᬃᬢᬶᬢ᭄ᬬᬂᬫᬗ᭄ᬓᬶ
[᭑᭙ 19A]
ᬦ᭄᭞ᬫᬗ᭄ᬤᬲᬶᬓ᭄ᬱᬧᬮᬧᬦ᭄ᬢᬸᬳᬸ᭞ᬳᬶᬤᬤᬦᬾᬲᬂᬲᬸᬚᬦ᭞ᬓᬬᬳᬶᬦ᭄ᬩᬦ᭄ᬧᬭᬳᬶᬲ᭄ᬢ᭄ᬭᬷ᭞ᬫᬮᬶᬄᬳᬶᬧᬸᬦ᭄᭞ᬓᬵᬮᬦᬶᬂᬫᬧᬕᬸᬩᬸᬕᬦ᭄᭟᭐᭟ᬬᬦᬶᬡ᭄ᬟᬶᬓ᭄ᬧ᭄ᬭᬚ᭄ᬜᬵᬦ᭄ᬫᬩᬯᭀᬲ᭄᭞ᬧ᭄ᬭᬚ᭄ᬜᬵᬦ᭄ᬫᬯᬶᬯᬾᬓ᭠
ᬫᬮᬶᬄ᭞ᬓᬢᬶᬓᭂᬮ᭄ᬧᬶᬂᬓᬸᬢᬸᬲ᭄ᬓᭀᬘᬧ᭄᭞ᬧᬸᬦᬶᬓᬳᬦᬓᬾᬳᬶᬲ᭄ᬢ᭄ᬭᬷ᭞ᬳᭀᬮᬶᬄᬲᬂᬲᬸᬚᬦᬮᬓᬶ᭞ᬲᬚ᭄ᬭᭀᬦᬶᬂᬫᬗᬦᬗᬶᬦᬸᬫ᭄᭞ᬳᬦᬓᬾᬳᬶᬲ᭄ᬢ᭄ᬭᬷᬧᬸᬦᬶᬓ᭞ᬢᬍᬃᬓᬓᬸᬢᬸᬲ᭄ᬩᬕᬶᬦᬶᬦ᭄᭞ᬭᬶᬂᬲᬂᬓᬓᬸᬂ᭞ᬲ
ᬧᬸᬦᬶᬓᬩᬦ᭄ᬤᬶᬗᬦ᭄ᬜ᭟᭐᭟ᬬᬦ᭄ᬩᬢᬶᬧᬲᬗ᭄ᬕᬫᬦ᭄᭞ᬲᬶᬦᬄᬓᬓᬸᬢᬸᬲ᭄ᬩᬕᬶᬦᬶᬦ᭄᭞ᬧᬸᬦᬶᬓᬳᬦᬓᬾᬮᬦᬂ᭞ᬳᭀᬮᬶᬄᬳᬦᬓᬾᬦᬾᬳᬶᬲ᭄ᬢ᭄ᬭᬷ᭞ᬲᬫᬮᬶᬄᬳᬦᬓᬾᬳᬶᬲ᭄ᬢ᭄ᬭᬷ᭞ᬢᬦ᭄ᬓᭀᬗ᭄ᬕ᭄ᬯᬦᬦ᭄ᬯᬦᭂᬄᬳᬶᬧᬸᬦ᭄
᭞ᬳᬋᬧᬾᬭᬶᬂᬳᬦᬓ᭄ᬮᬦᬂ᭞ᬩᬩᬯᭀᬲ᭄ᬤᬾᬯᬷᬚᬦᬓᬷ᭞ᬲᬦᬾᬤᬸᬫᬸᬦ᭄᭞ᬳᬶᬤᬲᬦᬾᬫᬶᬤᬃᬣᬬᬂ᭟᭐᭟ᬤ᭄ᬯᬦᬶᬂᬳᬶᬤᬤᬦᬾᬲᬫ᭄ᬬᬦ᭄᭞ᬲᬵᬫ᭄ᬧᬸᬦᬂᬚᬫᬶᬢᬸᬳᬸᬢᬶᬦ᭄᭞ᬧᬓᬾᬤᭂᬧᬦᬦᬓ᭄ᬮ᭄ᬬᬦ᭄᭞ᬭᬾᬄ