[᭑ 1B]
᭑᭟
᭚ᬑᬁᬅᬯᬶᬖ᭄ᬦᬫᬲ᭄ᬢᬸᬦᬫᬲᬶᬥ᭄ᬟᬀ᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬲᭂᬫ᭄ᬩᬄᬓᬶᬗ᭄ᬯᬂᬇᬚᭂᬂᬳ᭄ᬬᬂᬳᬭᬶᬦᬶᬢ᭄ᬬᬲ᭞ᬲᬂᬭᬸᬫᬕᬫᬳᬵᬚ᭄ᬜᬵᬦᬶ᭞ᬚᬷᬯᬦᬶᬂᬲᬳᬦ᭞ᬉᬭᬶᬧᬶᬂᬪᬸᬃᬪ᭄ᬯᬲ᭄ᬯᬄ᭞ᬲᬂᬦᬶᬢ᭄ᬬᬾᬂᬳᬺᬤᬬᬰᬸᬘᬶ᭞ᬭᬘᬦᬦᬶᬂ
ᬳ᭄ᬬᬂ᭞ᬫᬗ᭄ᬕᭂᬄᬲᬢᬢᬮᬶᬦᬸᬯᬶᬄ᭟᭜᭟ᬭᬶᬂᬲᬓᬮᬲ᭄ᬢᬸᬢᬶᬲᭂᬫ᭄ᬩᬄᬦᬶᬗ᭄ᬯᬂ᭞ᬭᬶᬂᬚᭂᬂᬳ᭄ᬬᬂᬲᬹᬃᬬ᭄ᬬᬲ᭄ᬢᬶᬢᬶ᭞ᬫᬸᬕᬶᬲᬶᬤ᭄ᬟᬦᬶᬂᬤᭀᬦ᭄᭞ᬧ᭄ᬭᬓᬺᬢᬦᬶᬂᬦᬶᬢᬶᬲᬭ᭞ᬳᬶᬦᬶᬓᭂᬢ᭄ᬧᬮᬫ᭄ᬩᬂᬫᬫᬶ᭞ᬤᬤ᭄ᬬᬤᬃᬱᬡ᭞ᬭᬶᬦᭂᬫ᭄ᬩ
ᬦᬶᬂᬯ᭄ᬯᬂᬲᬪᬹᬫᬶ᭟᭐᭟ᬲᬂᬢᬦ᭄ᬯᭂᬭᬸᬄᬭᬶᬪᬵᬱᬪᬱᬶᬢᬓ᭄ᬭᬫ᭞ᬢᬦ᭄ᬯᭂᬭᬶᬂᬱᬤ᭄ᬭᬲᬫᬮᬶᬄ᭞ᬫ᭄ᬯᬂᬢᬦ᭄ᬯ᭄ᬭᬸᬄᬳ᭞ᬭᬶᬂᬭᬲᬦᬶᬂᬲᭂᬥᬄᬧᬸᬘᬂ᭞ᬫᬗᭂᬤᭀᬄᬲᬶᬤ᭄ᬟᬫᬗᬯ᭄ᬭᬸᬳᬶ᭞ᬭᬲᬦ᭄ᬭᬲᬘᬶᬓᬦ᭄᭞ᬲᬗᬦᬦᬾᬧᬶᬢ᭄ᬯᬶ᭟᭐᭟
ᬇᬗ᭄ᬕᬶᬳᬦ᭄ᬭᬭᬶᬲ᭄ᬯᬾᬦ᭄ᬢᭂᬦ᭄ᬫᬯᭀᬲᬂᬅᬓ᭄ᬱᬭ᭞ᬫᬓᬤᬶᬢᬢ᭄ᬯᬦᬾᬍᬯᬶᬄ᭞ᬢ᭄ᬭᬂᬳᬶᬧᬸᬦ᭄ᬢᬦᬺᬗᭃ᭞ᬮ᭄ᬯᬶᬃᬯ᭄ᬯᬂᬫᭀᬦᬩ᭄ᬭᬢ᭞ᬫ᭄ᬯᬂᬧᬗᬸᬧᬫᬾᬂᬭᬳᬶ᭞ᬮ᭄ᬯᬶᬃᬕᬸᬳ᭞ᬢᬦ᭄ᬧᬗᬸᬘᬧᬲᬓᭂᬦᬶᬓ᭄᭟᭐᭟ᬓᬯ᭄ᬭᬸᬳᬾᬘᭂᬢᬶᬓ᭄ᬭ
[᭒ 2A]
ᬘᬸᬦ᭄ᬯᬮᬸᬬᬦ᭄ᬜ᭞ᬫᬋᬧ᭄ᬭᬶᬂᬯ᭄ᬯᬂᬢᬦ᭄ᬧᬗᬚᬶ᭞ᬧᬸᬦᬶᬓᬗᬯᬶᬦᬂ᭞ᬇᬮᬦ᭄ᬲᬂᬫᬬᬸᬲ᭄ᬫᬮᬚᬄ᭞ᬮ᭄ᬯᬶᬃᬧᬧᬗᬦᬦ᭄ᬢᬦ᭄ᬤᬕ᭄ᬟᬶ᭞ᬯᬶᬱ᭄ᬬᬯᬮᬸᬬ᭞ᬭᬾᬄᬗᬯᬶᬦᬂᬢᭂᬢᭂᬂᬲᬓᬶᬢ᭄᭟᭐᭟ᬬᬦ᭄ᬭᬶᬂᬯ᭄ᬯᬂᬥᬭᬶᬥ᭄ᬭᬢᬦ᭄ᬧᬳᬃᬣᬦ᭄ᬭᬡ
᭞ᬓᬜ᭄ᬘᬦ᭄ᬩᬩᬯᭀᬲ᭄ᬜᬲᬫᬶ᭞ᬮᬦ᭄ᬧᬜᬗ᭄ᬕ᭄ᬭᬦ᭄ᬜ᭞ᬫᬵᬯᬓ᭄ᬯᬶᬱ᭄ᬬᬯᬮᬸᬬᬦ᭄ᬜ᭞ᬮ᭄ᬯᬶᬃᬯ᭄ᬯᬂᬳᬬᬸᬳᬦᭀᬫ᭄ᬫᬮᬶᬄ᭞ᬯᬮᬸᬬᬯᬶᬱ᭄ᬬ᭞ᬫᬋᬧ᭄ᬯ᭄ᬯᬂᬢᬺᬥᬮᬸᬄᬬᬾᬓᬶ᭟᭐᭟ᬲᬧᬸᬦᬶᬓᬯ᭄ᬯᬂᬮᬓᬶᬯᬸᬲ᭄ᬯᬺᬥ᭞ᬯᬮᬸᬬᬭᬘᬸᬦ᭄ᬤᬶ
ᬦᬮᬶᬄ᭞ᬭᬶᬂᬯ᭄ᬯᬂᬳᬬᬸᬳᬦᭀ᭞ᬲᬧᬸᬦᬶᬓᬲᬲᬫᬾᬦ᭄ᬜ᭞ᬧᬥᬧᬥᬢᬦ᭄ᬗᬾᬦᬓᬶᬦ᭄᭞ᬯᬲᬦᬦ᭄ᬜ᭞ᬲᬥᬥᬫᬗ᭄ᬕᬸᬄ᭞ᬲᬓᬶᬢ᭄ᬳᬢᬶ᭟᭐᭟ᬳᬶᬥᬤᬦᬾᬲᬂᬫᬗ᭄ᬕᭂᬄᬤᬤᬶᬫᬗ᭄ᬕᬮ᭞ᬉᬣᬯᬶᬫᬗ᭄ᬕᭂᬄᬧᬗ᭄ᬮᬶᬗ᭄ᬲᬶᬃ᭞ᬧᬗᭀᬋᬳ
ᬗᭂᬫ᭄ᬩᬦ᭄᭞ᬓᬧᬢᬹᬢ᭄ᬜᬓᬦᬶᬦ᭄ᬧᬜ᭄ᬚᬓ᭄᭞ᬦᬸᬤᬸᬢ᭄ᬫᬦᬄᬗᬯᬾᬢᬺᬧ᭄ᬢᬶ᭞ᬗᬯᬾᬕᬶᬭᬂ᭞ᬗᬯᬾᬓᬭᬳ᭄ᬯᬦᬶᬂᬪᬹᬫᬶ᭟᭐᭟ᬭᬶᬂᬲᬚ᭄ᬭᭀᬦᬶᬂᬳᬦᬓᬶᬲ᭄ᬢ᭄ᬭᬶᬳᬬᬸᬳᬦᭀᬫ᭄᭞ᬲᬗ᭄ᬭᬸᬫ᭄ᬭᬸᬫᬾᬳᬭᬸᬫ᭄ᬫᬦᬶᬲ᭄᭞ᬧᬫᬸᬚᬶ᭠
Kaca:Bali-lontar-gaguritan-nitisara-300ppi.pdf/2
Kaca puniki sampun kauji-wacén
