Kaca:Bali-lontar-gaguritan-nitisara-300ppi.pdf/20

Kaca puniki sampun kauji-wacén

[᭑᭙ 19B]
᭑᭙᭟
ᬧᬦᬤᭀᬲᬦ᭄ᬜᬭᬭᬶᬲ᭄᭞ᬧᬘᬂᬲᬗ᭄ᬓᬮᬦᬾᬧᬗ᭄ᬕᬶᬄ᭞ᬬᬦ᭄ᬧ᭄ᬭᬤᬾᬭᬭᬶᬲ᭄ᬫᬶᬢᬸᬭᬸᬢ᭄᭞ᬧᬓᬾᬥᭂᬧᬦᬦᬓᬶᬲ᭄ᬢ᭄ᬭᬷᬬ᭞ᬧᬦᬤᭀᬲᬦᬾᬗᭂᬫᬲᬶᬦ᭄᭞ᬩᬶᬮᬶᬄᬮᬯᬸᬢ᭄᭞ᬯᭂᬓᬲᬦ᭄ᬫᬦᬦ᭄ᬤᬂᬚᭂᬗᬄ᭟᭐᭟ᬬ
ᬦ᭄ᬗᬦᬹᬢ᭄ᬓᬬᬸᬦ᭄ᬗᬭᬵᬕ᭞ᬦᬾᬲᬵᬫ᭄ᬧᬸᬦ᭄ᬲᭂᬓᭂᬦ᭄ᬓᬬᬸᬦᬶᬦ᭄᭞ᬲᬶᬦᬄᬲᬸᬓᬧᬦᬤᭀᬲ᭄ᬜ᭞ᬬᬦᬶᬤᬾᬯᬫᬳᬶᬲᬶᬗ᭄ᬕᬶᬄ᭞ᬧᬯᬭᬄᬦᬪᬾᬧᬶᬢ᭄ᬯᬶ᭞ᬲᬶᬦᬄᬳᬶᬤᬾᬯᬫᬫᬗ᭄ᬕᬸᬄ᭞ᬓᬍᬯᬶᬳᬦ᭄ᬫᬉᬢ᭄ᬢᬫ᭞ᬭᬾᬄᬯᬭᬄ
ᬲᬂᬕᬸᬭᬸᬚᬵᬢᬶ᭞ᬧᬢᬹᬢ᭄ᬲᬸᬂᬲᬸᬂ᭞ᬧᬶᬲᬶᬗ᭄ᬕᬶᬄᬢᬸᬃᬮᬓ᭄ᬱᬡᬬᬂ᭟᭐᭟ᬩᬘᬓᬦ᭄ᬲᬦᬾᬗᬯᬶᬦᬂ᭞ᬧᬸᬜᬄᬜᬳᬶᬧᬭᬚᬦ᭄ᬫᬶ᭞ᬮ᭄ᬯᬶᬄᬳᬶᬧᬸᬦ᭄ᬓᬩᬕᬸᬲᬦ᭄᭞ᬓᬲᬸᬕᬶᬳᬦ᭄ᬫᬶᬦᬓᬵᬤᬶ᭞ᬓᬍᬯᬶᬳᬦ᭄ᬯᬗ᭄ᬰᬫᬮᬶᬄ᭞ᬓᬵ
ᬦᭀᬫᬦ᭄ᬫᬶᬯᬄᬓᬯ᭄ᬭᬸᬄ᭞ᬢ᭄ᬯᬓ᭄ᬯᬬᬄᬮᬦ᭄ᬓᬯᬦᬾᬦᬦ᭄᭞ᬲᭀᬭᭀᬳᬦ᭄ᬧᬸᬦᬶᬓᬲᬫᬶ᭞ᬗᬯᬾᬩᬶᬗᬸᬂ᭞ᬳᬶᬥᭂᬧᬶᬧᬸᬦᬶᬫᬦᬸᬱ᭟᭐᭟ᬧ᭄ᬭᬤᬾᬬᬾᬦᬶᬂᬯᬾᬦ᭄ᬢᭂᬦᬦᬓ᭄᭞ᬯᬶᬪᬶᬳᬶᬂᬅᬃᬣᬩ᭄ᬭᬡᬾᬓᬶ᭞ᬩᬕᬸᬲ᭄ᬩᬚᬂᬍ
[᭒᭐ 20A]
ᬯᬶᬳᬶᬂᬯᬗ᭄ᬰ᭞ᬧ᭄ᬭᬚ᭄ᬜᬵᬦ᭄ᬫᬯᬶᬪᬯᬫᬮᬶᬄ᭞ᬬᬦ᭄ᬢᬦ᭄ᬓᭀᬗ᭄ᬕ᭄ᬯᬦ᭄ᬧᬸᬜᬧᬮᬶᬂ᭞ᬚᬦ᭄ᬫᬧᬸᬦᬶᬓᬓᬯᬸᬯᬸ᭠ᬲ᭄᭞ᬚᬵᬢᬶᬍᬯᬶᬄᬫᬉᬢ᭄ᬢᬫ᭞ᬢᬸᬳᬸᬧ᭄ᬭᬕᬬᬦ᭄ᬰᬸᬘᬶ᭞ᬫᬗ᭄ᬕᭂᬄᬧᬸᬢᬸᬲ᭄᭞ᬫᬦᬹᬢ᭄ᬩᬯᭀᬲ᭄ᬲᬂᬧᬡ᭄ᬟᬶᬢ
᭟᭐᭟ᬬᬦ᭄ᬫᬭᬶᬂᬧᬸᬢ᭄ᬭᬲᬵᬲᬦ᭞ᬦᬾᬚᬢᬶᬫᬦᬹᬢᬶᬂᬇᬡ᭄ᬟᬶᬓ᭄᭞ᬲᬧᬸᬦᬶᬓᬶᬧᬶᬤᬩ᭄ᬤᬩ᭄ᬜ᭞ᬭᬶᬂᬫᬬᬸᬱᬮᬶᬬᬂᬯᬃᬱᬶ᭞ᬓᬤᬶᬫᬗᬬᬳᬶᬦ᭄ᬕᬸᬲ᭄ᬢᬶ᭞ᬬᬦ᭄ᬫᬬᬸᬱᬧᬶᬢᬸᬂᬢᬳᬸᬦ᭄᭞ᬮ᭄ᬯᬶᬃᬲᬬᬗᬾᬭᬶᬂᬧᬋᬓᬦ᭄᭞
ᬭᬶᬂᬳᬤᬰᬢᬳᬸᬦ᭄ᬭᬭᬶᬲ᭄᭞ᬧᬢᬹᬢᬸᬭᬸᬓ᭄᭞ᬳᬦ᭄ᬢᬸᬓ᭄ᬰᬵᬲ᭄ᬢ᭄ᬭᬫᬓᬵᬤᬶᬦ᭄ᬜ᭟᭐᭟ᬬᬦ᭄ᬲᬵᬫ᭄ᬧᬸᬦ᭄ᬦᭂᬫ᭄ᬩᭂᬮᬲ᭄ᬢᬶᬩᬦ᭄᭞ᬳᬗ᭄ᬕᭂᬳᬂᬲᬯᬶᬢ᭄ᬭᬩᭂᬘᬶᬓ᭄᭞ᬲᬦ᭄ᬤᬂᬭᬭᬶᬗᬳᬶᬦ᭄ᬧᬶᬲᬦ᭄᭞ᬧᬶᬤᬩ᭄ᬤᬩᬾᬗᬮᬾ
ᬫᬾᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬲᬦ᭄ᬢᬦᬭᬭᬶᬲ᭄᭞ᬧᬢᬹᬢ᭄ᬯᬲ᭄ᬧᬤᬬᬂᬤᬶᬢᬸ᭞ᬲᬍᬯᬶᬭᬶᬂᬮᬓ᭄ᬱᬡᬦ᭄ᬜ᭞ᬯᬶᬯᬾᬓᬳᬗ᭄ᬕᬾᬦ᭄ᬗᬚᬳᬶᬦ᭄᭞ᬫᬮᬶᬄᬳᬶᬧᬸᬦ᭄᭞ᬯᬸᬭᬸᬓᬦ᭄ᬢᬸᬓ᭄ᬯᬯᬗ᭄ᬲᬶᬢᬦ᭄᭟᭐᭟ᬫᬓᬵᬤᬶ