Kaca:Bali-lontar-gaguritan-nitisara-300ppi.pdf/21

Kaca puniki sampun kauji-wacén

[᭒᭐ 20B]
᭒᭐᭟
ᬦ᭄ᬜᬲᬂᬲᬸᬚᬦ᭞ᬲᬵᬫ᭄ᬧᬸᬦᬂᬧᬶᬲᬦ᭄ᬗᬸᬮᬸᬭᬶᬦ᭄᭞ᬧᬸᬢ᭄ᬭᬧᬸᬢ᭄ᬭᬷᬦᬾᬧᬸᬦᬶᬓ᭞ᬭᬾᬄᬗᬯᬦᬂᬘᭀᬭᬄᬤᬦᬶᬸᬤᬶ᭞ᬢᬦ᭄ᬯᬗ᭄ᬤᬾᬫᬮᬓ᭄ᬱᬡᬭᬸᬲᬶᬢ᭄᭞ᬭᬾᬄᬢᬦ᭄ᬓᬶᬤᬶᬓᬦ᭄ᬲᬂᬲᬥᬸ᭞ᬫᬦᬶᬗ᭄ᬕᬮᬶᬦ᭄ᬧᬸᬢ᭄ᬭᬦᬶᬤ
᭞ᬦᬶᬗ᭄ᬕᬮᬶᬦ᭄ᬭᬩᬸᬦᬾᬍᬯᬶᬄ᭞ᬮᬸᬗ᭄ᬳᬜᬸᬲᬸᬧ᭄᭞ᬭᬶᬂᬳᬮᬲ᭄ᬗᬯᬗᬸᬦ᭄ᬢᬧ᭟᭐᭟ᬘᬭᬦᬶᬂᬫᬦᬤᭀᬲ᭄ᬰᬶᬱ᭄ᬬ᭞ᬮᬦ᭄ᬧᬫᬶᬥᬦᬧᬜᬶᬲᬶᬧ᭄᭞ᬬᬦ᭄ᬲᬶᬤ᭄ᬟᬳᬦ᭄ᬢᬸᬓ᭄ᬦ᭄ᬭᬧᬂ᭞ᬫᬋᬧ᭄ᬭᬶᬂᬧᬸᬢ᭄ᬭᬦᬾᬭᬭᬶᬲ᭄᭞ᬲᬶᬦᬄᬤ᭄ᬬᬂᬲᭀᬮᬄ
ᬍᬯᬶᬄ᭞ᬧ᭄ᬭᬚ᭄ᬜᬵᬦ᭄ᬓᬾᬩᭂᬓᬦ᭄ᬓᬯ᭄ᬭᬸᬄ᭞ᬢᬦ᭄ᬫᬭᬶᬭᬭᬶᬲ᭄ᬓᬘᭂᬧᬂ᭞ᬳᬦ᭄ᬢᬸᬓ᭄ᬧᬭᬳᬶᬲ᭄ᬢ᭄ᬭᬷᬍᬯᬶᬄ᭞ᬫᬮᬶᬄᬳᬶᬧᬸᬦ᭄᭞ᬲᬂᬲᬸᬚᬦᬫᬜᬸᬫ᭄ᬩᬸᬗᬂ᭟᭐᭟ᬲᬵᬫ᭄ᬧᬸᬦᬂᬫᬯᬾᬄᬓᬯ᭄ᬭᬸᬳᬦ᭄᭞ᬫᬯᬾᬄᬓᬯᬶᬰᬾᬱᬦ᭄ᬫᬮᬶᬄ
᭞ᬭᬶᬂᬚᬦ᭄ᬫᬩᬗ᭄ᬕᬮᬦ᭄ᬘᭀᬭᬄ᭞ᬯᬦ᭄ᬢᬄᬲᬂᬲᬸᬰᬶᬮᬪᬶᬸᬩᬸᬤ᭄ᬟᬶ᭞ᬧᬸᬦᬶᬓᬦᬾᬬᭀᬕ᭄ᬬᬯᬾᬳᬶᬦ᭄᭞ᬘᬶᬗᬓ᭄ᬚᬩᭂᬲᬶᬦᬾᬮᬯᬸᬢ᭄᭞ᬲᬦᬾᬭᬶᬂᬳᬧᬶᬫᬕᭂᬦᬄ᭞ᬧᬦᭂᬲᬧᬶᬦᬾᬜᬸᬲᬸᬧᬶᬦ᭄᭞ᬫᬯᬵᬲ᭄ᬢᬸᬮᬯᬸᬢ᭄᭞
[᭒᭑ 21A]
ᬩᭂᬲᬶᬦᬾᬫᬗᬭᬩᬭᬩ᭄᭟᭐᭟ᬲᬲᬵᬫ᭄ᬧᬸᬦ᭄ᬩᭂᬲᬶᬧᬸᬦᬶᬓ᭞ᬫᬧᬯᬓᬦ᭄ᬓᬤᬶᬳᬧᬶ᭞ᬧᬩᬵᬂᬫᬸᬭᬸᬩ᭄ᬗᬭᬩᬭᬩ᭄᭞ᬗᬲᭀᬭᬂᬧᬦᭂᬲᬶᬕ᭄ᬦᬶ᭞ᬧᬫᬸᬧᬸᬢ᭄ᬩᭂᬲᬶᬦᬾᬭᬭᬶᬲ᭄᭞ᬓᬢᬶᬕ᭄ᬢᬶᬕ᭄ᬓᬘᬓ᭄ᬘᬓᬶ
ᬧᬸᬦ᭄᭞ᬧᬸᬦᬶᬓᬲᬦᬾᬗᬯᬶᬦᬂ᭞ᬲᭂᬧᬶᬳ᭄ᬲᬂᬳ᭄ᬬᬂᬅᬕ᭄ᬦᬶ᭞ᬲᬋᬂᬫᬗ᭄ᬕᬸᬄ᭞ᬓᬤᬸᬄᬓᬶᬢᬦ᭄ᬓᬲᬗ᭄ᬲᬭᬦ᭄᭟᭐᭟ᬯᬮᬸᬬᬢᬭᬸᬘᬦ᭄ᬤᬦ᭞ᬳᬶᬤᬲᬂᬲᬸᬚᬦᬍᬯᬶᬄ᭞ᬳᬶᬮᬮᬶᬧᬶᬫᬮᬶᬗ᭄ᬓᭂᬳᬦ᭄᭞ᬭᬶᬂᬲᭀᬃ
ᬜᬜᬬᬸᬩᬂᬤᬶᬭᬶ᭞ᬭᬶᬂᬘᬫ᭄ᬧᬂᬩᭀᬚᭀᬕ᭄ᬫᬗᭂᬲᬶᬮ᭄᭞ᬓᭂᬤᬶᬲ᭄ᬦᬶᬗ᭄ᬕᬳᬶᬦ᭄ᬭᬶᬂᬫᬸᬜ᭄ᬘᬸᬓ᭄᭞ᬫᬮᬶᬄᬩᬸᬗᬦ᭄ᬜᬧᬸᬦᬶᬓ᭞ᬢᬫ᭄ᬩᬸᬮᬶᬮᬶᬗᬦ᭄ᬗᬋᬩᬸᬢᬶᬦ᭄᭞ᬲᬫ᭄ᬬᬦᬶᬧᬸᬦ᭄᭞ᬧᬥᬲᬭᬵᬢ᭄ᬫᬲᬬᬸᬩ᭠
ᬦ᭄᭟᭐᭟ᬬᬾᬦᬶᬓᬓᬶᬸᬢᬵᬢᭀᬃᬘᬭᬂᬜ᭞ᬮᬦ᭄ᬧᬸᬜᬦ᭄ᬜᬓᬓᬦ᭄ᬤᬶᬓᬶᬦ᭄᭞ᬗᬯᬍᬲᬦ᭄ᬢᬸᬓ᭄ᬓᬫᬶᬓᬦ᭄᭞ᬗᬮᬶᬧᬸᬓ᭄ᬭᬶᬂᬳᬶᬭᬸᬂᬗᬮ᭄ᬬᬗᬶᬦ᭄᭞ᬢᬦ᭄ᬲᬄᬲᬧᬸᬦᬶᬓᬭᬭᬶᬲ᭄᭞ᬧᬶᬤᬩ᭄ᬤᬩᬶᬤᬲᬂᬲᬥᬸ