[᭒᭑ 21B]
᭒᭑᭟
᭞ᬢᬦ᭄ᬲᬄᬳᬶᬤᬗᬮᬭᬧᬂ᭞ᬳᬶᬢᬯᬲᬵᬦᬦᬾᬍᬯᬶᬄ᭞ᬫᬮᬶᬄᬳᬶᬧᬸᬦ᭄᭞ᬧᬕᭂᬄᬗᬫᭀᬂᬓᬲᬸᬰᬶ᭠ᬮᬦ᭄᭟᭐᭟ᬬᬦ᭄ᬧ᭄ᬭᬤᬾᬓᬳᬦᬦᬶᬭᬂ᭞ᬳᬦᬓᬾᬳᬶᬲ᭄ᬢ᭄ᬭᬷᬦᬾᬚᬮᬶᬃ᭞ᬚᬦ᭄ᬢᭂᬦ᭄ᬧᬶᬲᬦ᭄ᬯᬶᬮᬗᬦ᭄ᬜ᭞ᬲ
ᬬᬦ᭄ᬲᬬᬦ᭄ᬢᬸᬦᬭᬭᬶᬲ᭄᭞ᬩᬶᬮᬶᬄᬲᬶᬤ᭄ᬟᬫᬗᬯᬶᬦᬶᬦ᭄᭞ᬳᬶᬘᬮ᭄ᬓᬚᬮᬶᬭᬦᬶᬧᬸᬦ᭄᭞ᬫᬮᬶᬄᬳᬶᬲ᭄ᬢ᭄ᬭᬷᬦᬾᬉᬢ᭄ᬢᬫ᭞ᬬᬦᬦ᭄ᬓᬦᬸᬦ᭄ᬓᭀᬗ᭄ᬕ᭄ᬯᬦ᭄ᬳ᭄ᬭᬶᬄ᭞ᬫᬯᬵᬲ᭄ᬢᬸᬮᬯᬸᬢ᭄᭞ᬯᬸᬲᬦ᭄ᬓᬩᬯᭀᬲᬸᬢ᭄ᬢᬫ᭟᭐᭟ᬬᬦ᭄ᬢ
ᬦ᭄ᬓᬳᬦᬓ᭄ᬲᬵᬫ᭄ᬧᬸᬭ᭞ᬳᬶᬤᬲᬂᬧᬡ᭄ᬟᬶᬢᬍᬯᬶᬄ᭞ᬫᬯᬵᬲ᭄ᬢᬸᬭᬸᬲᬓ᭄ᬧᬦᬤᭀᬲ᭄ᬜ᭞ᬓᬦᬶᬱ᭄ᬝᬬᬂᬓᬳᬾᬘᭂᬫᬶᬦ᭄᭞ᬳᭀᬮᬶᬄᬚᬕᬢᬾᬯᬶᬢ᭄ᬯᬶ᭞ᬢᬍᬃᬳᬶᬤᬲᬂᬧ᭄ᬭᬪᬸ᭞ᬬᬦ᭄ᬢᬦ᭄ᬓᭀᬗ᭄ᬕ᭄ᬯᬦ᭄ᬓᬲᬵᬫ᭄ᬧᬸᬭᬦ᭄
᭞ᬢᭂᬮᬲ᭄ᬯᬯᭂᬗ᭄ᬓᭀᬦᬾᬓᬵᬫ᭄ᬩᬶᬮ᭄᭞ᬩᬦᬶᬰᬢ᭄ᬭᬹ᭞ᬓᬭᬸᬦ᭄ᬤᬳᬶᬦ᭄ᬢᬸᬃᬓᬚᬚᬶᬸᬂᬭᬄ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟᭐᭟ᬲ᭄ᬯᬥᬃᬫ᭄ᬫᬦᬶᬂᬲᬂᬤᬤᭀᬲ᭄ᬰᬶᬱ᭄ᬬᬲᬸᬚᬵᬢᬶ᭞ᬧᬢᬹᬢ᭄ᬗᬸᬢ᭄ᬲᬳᬬᬂ᭞ᬫᬸᬭᬸᬓᬶᬦ᭄ᬓᬯ᭄ᬭᬸᬳ᭞
[᭒᭒ 22A]
ᬦ᭄ᬚᬵᬢᬶ᭞ᬲᬦᬾᬓᬶᬦᬸᬘᬧᬸᬢ᭄ᬢᬫ᭟᭐᭟ᬬᬾᬦᬶᬂᬲᬵᬫ᭄ᬧᬸᬦ᭄ᬤ᭄ᬯᬂᬤᬰᬢᬳᬸᬦ᭄᭞ᬬᬸᬱᬾᬓᬶ᭞ᬧᬢᬹᬢ᭄ᬫᬭᬩ᭄ᬬᬦ᭄᭞ᬬᬾᬦᬶᬂᬦᭂᬗᬄᬢᬸᬯᬸᬄᬭᬭᬶᬲ᭄᭞ᬬᭀᬕ᭄ᬬᬗᭂᬕ᭄ᬯᬦᬶᬦ᭄ᬧᬯᬭᬄ᭟᭐᭟ᬬᬾᬦᬶᬂᬇ
ᬡ᭄ᬟᬶᬓ᭄ᬧᬢᬶᬗ᭄ᬕᬮ᭄ᬳ᭄ᬬᬂᬅᬢ᭄ᬫᬭᬭᬶᬲ᭄᭞ᬲᬓᬶᬂᬳᬶᬰᬭᬷᬭ᭞ᬲᬵᬫ᭄ᬧᬸᬦᬂᬕᬕᬩᬄᬘᭂᬦᬶᬂ᭞ᬧᬢᬹᬢ᭄ᬧᬕᬸᬭ᭄ᬯᬂᬧᬶᬲᬦ᭄᭟᭐᭟ᬓᬾᬗᬶᬦᬦ᭄ᬜᬫᬭᬹᬧᬓᬲᬸᬕ᭄ᬬᬦ᭄ᬭᬭᬶᬲ᭄᭞ᬫᭂᬦᭂᬗᬾᬧᬸᬦᬶᬓ᭞ᬲᬦᬾᬢᬦ᭄ᬯᭀ
ᬦᬶᬂᬢᬦᬚᬶᬦ᭄᭞ᬫᬫᬯᭀᬲᬂᬳᬦᬓ᭄ᬮ᭄ᬬᬦ᭄᭟᭐᭟ᬬᬦ᭄ᬧᬸᬦᬶᬓᬳᬦᬓᬾᬩᬗ᭄ᬕ᭄ᬭᬲ᭄ᬫᬫᬸᬜᬶ᭞ᬲᬶᬦ᭄ᬢᭂᬤ᭄ᬚᬤᬶᬕ᭄ᬚᭂᬗᬢ᭄᭞ᬚ᭄ᬭᭀᬦᬶᬂᬩᬩᬯᭀᬲ᭄ᬜᬲ᭄ᬭᬶᬂ᭞ᬲᬶᬦᬄᬫᬗ᭄ᬕᬸᬳᬂᬲᬗ᭄ᬓᬵᬮ᭟᭐᭟ᬬᬦᬦ
ᬓᬾᬦᬾᬫᬫᭀᬦᬳᬶᬧᬸᬦ᭄ᬲ᭄ᬭᬶᬂ᭞ᬢᬦ᭄ᬲᬳᬶᬩᬶᬸᬂᬫᬩᬯᭀᬲ᭄᭞ᬚᬦ᭄ᬫᬧᬸᬦᬶᬓᬓᬯᬵᬱ᭄ᬝᬦᬶᬦ᭄᭞ᬏᬩᭂᬓᬶᬂᬅᬃᬣᬩ᭄ᬭᬡ᭟᭐᭟ᬲᬂᬜᬶᬤᬬᬂᬫᬶᬢᭂᬢᬶᬦ᭄ᬩᬩᬯᭀᬲ᭄ᬦᬾᬓᬶ᭞ᬧᬸᬦᬶᬓᬯᬮᬸᬬ᭞ᬧᬯᬓᬦ᭄ᬲᬸᬮᬸᬄ᭠
Kaca:Bali-lontar-gaguritan-nitisara-300ppi.pdf/22
Kaca puniki sampun kauji-wacén
