Kaca:Bali-lontar-gaguritan-nitisara-300ppi.pdf/23

Kaca puniki sampun kauji-wacén

[᭒᭒ 22B]
᭒᭒᭟
ᬜᬸᬦ᭄ᬤᬭᬶᬦ᭄᭞ᬧ᭄ᬭᬲᬶᬤᬕᬮᬂᬳᬧᬥᬂ᭞᭐᭟ᬲᬳᬦ᭄ᬢᬸᬓᬦ᭄ᬭᬯᭀᬲᬾᬧᬸᬦᬶᬓᬘᭂᬦᬶᬂ᭞ᬦᬾᬤᬤᭀᬲ᭄ᬚᬮᬭᬦ᭄᭞ᬲᬸᬓᬤᬸᬓᬦᬾᬓᬧᬗ᭄ᬕᬶᬄ᭞ᬫᬗ᭄ᬕᬸᬄᬫᬢᬶᬮᬦ᭄ᬲᬯᬶᬢ᭄ᬭ᭟᭐᭟ᬫᬸᬂᬫᬸᬂᬍᬧᬶᬲ᭄ᬮ
ᬫ᭄ᬩᬾᬦᬦᬓᬾᬧᬶᬢ᭄ᬯᬶ᭞ᬲᬦᬾᬢᬦ᭄ᬫᬗᬶᬦᬂ᭞ᬫᬸᬂᬫᬸᬂᬉᬫᬳᬾᬧᬶᬢ᭄ᬯᬶ᭞ᬬᬾᬦᬶᬂᬢᬦ᭄ᬯᬾᬦ᭄ᬢᭂᬦ᭄ᬲᬦ᭄ᬢᬦ᭟᭐᭟ᬫᬸᬂᬫᬸᬂᬲᭂᬧᬶᬧᬸᬦᬶᬓᬤᬾᬰᬦᬾᬭᬭᬶᬲ᭄᭞ᬳᬦ᭄ᬢᬦ᭄ᬧᬫᬗ᭄ᬕᬮ᭞ᬲᭂᬧᬶᬦᬾᬢᬢᬶᬕᬘᭂᬦᬶᬂ᭞ᬓᬸᬫ᭄ᬧᬸᬮ᭄ᬭᬶᬂᬚᬦ᭄ᬫ᭠
ᬦᬾᬢᬶᬯᬲ᭄᭟᭐᭟ᬩᬘᬓᬦ᭄ᬜᬲ᭄ᬢ᭄ᬭᬷᬦᬾᬲᬦ᭄ᬤᬂᬳᭂᬚᭀᬳᬶᬦ᭄᭞ᬳᬶᬗ᭄ᬕ᭄ᬬᬦ᭄ᬧᬸᬦᬶᬓ᭞ᬚᬦ᭄ᬫᬲᬦᬾᬮᬘᬸᬃᬫᬶᬲ᭄ᬓᬶᬦ᭄᭞ᬫᬫ᭄ᬩᬸᬗᬲ᭄ᬧᬤᬾᬯᬾᬓᬦ᭄ᬜ᭟᭐᭟ᬫᬮᬶᬄᬲᬦᬾᬫᬸᬜᬶᬦ᭄ᬜᬦᬾᬕᬭᭀᬕᬧᬶ᭞
ᬫᬮᬶᬄᬩᬾᬲᬾᬄᬮᬭ᭞ᬲᬓᬶᬢ᭄ᬧᬧᬸᬢᬶᬳᬦ᭄ᬫᬮᬶᬄ᭞ᬢᬫ᭄ᬩᭂᬢ᭄ᬩᬗ᭄ᬕ᭄ᬭᬲ᭄ᬢᬦ᭄ᬧᬗ᭄ᬭᬲ᭟᭐᭟ᬩᬘᬓᬦ᭄ᬜᬲ᭄ᬢ᭄ᬭᬷᬦᬾᬲᬦ᭄ᬤᬂᬗ᭄ᬕᬾᬦ᭄ᬭᬩᬶ᭞ᬦᬾᬍᬯᬶᬄᬧ᭄ᬭᬚ᭄ᬜᬵᬦ᭄᭞ᬫᬮᬶᬄᬲᬦᬾᬍᬯᬶᬳᬶᬂᬢᬸᬃᬡ᭄ᬦᬶ᭞ᬫᬮᬶᬄᬢᭀᬲ᭄ᬯᬶᬪᬸᬳᬶᬂ
[᭒᭓ 23A]
ᬅᬃᬣ᭟᭐᭟ᬫᬮᬶᬄᬲᬦᬾᬫᬩᬸᬤ᭄ᬟᬶᬳᬮᬸᬲ᭄ᬯᭂᬮᬲᬲᬶᬄ᭞ᬮ᭄ᬯᬶᬳᬶᬂᬮᬓ᭄ᬱᬡ᭞ᬓᬤᬶᬧᬦᭂᬤᭂᬗᬶᬂᬲᬭᬷ᭞ᬦᬾᬚᬵᬢᬶᬫᬭᬹᬧᬳᬶᬦ᭄ᬤᬄ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟ᬫᬸᬗ᭄ᬕ᭄ᬯᬶᬂᬳᬶᬤᬤᬦᬾᬳᬶᬧᬸᬦ᭄᭞
ᬬᬦ᭄ᬫᬯᬾᬯᬾᬄᬤᬦᬭᬭᬶᬲ᭄᭞ᬭᬶᬂᬲᬂᬲᬸᬕᬶᬄᬅᬃᬣᬩ᭄ᬭᬡ᭞ᬦᬶᬃᬤᭀᬦ᭄ᬢᬦ᭄ᬧᬕᬸᬡᬲᬫᬶ᭞ᬭᬾᬄᬫᬦᬹ᭠ᬢ᭄ᬕᬸᬡᬦᬶᬂᬅᬃᬣ᭞ᬧᬥᬦᬬᬂᬭᬶᬂᬲᬂᬫᬶᬲ᭄ᬓᬶᬦ᭄᭟᭐᭟ᬫᬋᬧ᭄ᬭᬶᬂᬲᬂᬯᬋᬕᬶᬓᬸ᭞ᬬᬦᬚᭂᬗᬦ᭄ᬯᬾᬳᬶᬦ᭄ᬭᬭᬶ᭠
ᬲ᭄᭞ᬮᬗ᭄ᬓᬸᬂᬢᬦ᭄ᬧᬕᬸᬡᬧᬶᬲᬦ᭄᭞ᬭᬾᬄᬧᬗᬦ᭄ᬓᬶᬦᬸᬫᬾᬲᬫᬶ᭞ᬯᬦ᭄ᬢᬄᬓᬧᬢᬹᬢ᭄ᬢᬶᬩᬓᬂ᭞ᬭᬶᬲᬂᬲᭂᬤᬸᬓ᭄ᬩᭂᬥᬓ᭄ᬩᭂᬘᬶᬓ᭄᭟᭐᭟ᬲᬓᬵᬤᬶᬲᬩᭂᬄᬧᬸᬦᬶᬓᬸ᭞ᬲᬦᬾᬳᬸᬮᬸᬂᬜᬭᬶᬂᬧᬲᬶᬄ᭞ᬳᬶᬘᬮ᭄ᬢᭀᬬᬦ᭄ᬜ
ᬧᬸᬦᬶᬓ᭞ᬫᬢᭂᬫᬳᬦ᭄ᬧᬓᭂᬄᬧᬳᬶᬢ᭄᭞ᬲᬧᬸᬦᬶᬓᬲᬲᬫᬾᬦ᭄ᬜ᭞ᬫᬯᬵᬲ᭄ᬢᬸᬢᬦ᭄ᬧᬕᬸᬡᬲᬫᬶ᭟᭐᭟ᬧᬯᬾᬯᬾᬄᬥᬦᬧᬸᬦᬶᬓᬸ᭞ᬫᬓᬢᬢᬶᬕᬯ᭄ᬬᬓ᭄ᬢᬶ᭞ᬢᬦᬤᬸᬂᬓᬯ᭄ᬬᬓ᭄ᬢ᭄ᬬᬦ᭄ᬜ᭞ᬦᬶᬃᬤᭀᬦ᭄ᬢᬦ᭄ᬧᬕᬸᬡ