Kaca:Bali-lontar-gaguritan-nitisara-300ppi.pdf/24

Kaca puniki sampun kauji-wacén

[᭒᭓ 23B]
᭒᭓᭟
ᬲᬫᬶ᭞ᬲᬵᬫ᭄ᬧᬸᬦᬂᬤᬾᬯᬫᬦᬸᬮᬤ᭄᭞ᬭᬾᬄᬢᬦ᭄ᬧᬶᬲᬦ᭄ᬫᬦᬹᬢᬶᬦ᭄ᬟᬶᬓ᭄᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟᭐᭟ᬩᭀᬬᬯᬾᬦ᭄ᬢᭂᬦ᭄ᬧ᭄ᬭᬲᬶᬤᬲᬦᬾᬗᬮᬗ᭄ᬓᬸᬗᬶᬦ᭄᭞ᬓᭀᬢ᭄ᬢᬫᬦᬶᬂᬥᬃᬫ᭄ᬫ᭞ᬦᬾᬫᬯᬵᬱ᭄ᬝᬲᬢ᭄ᬬᬲᬸᬚᬵ
ᬢᬶ᭞ᬚᬦ᭄ᬫᬦᬾᬬᭀᬕ᭄ᬬᬜᬭᬢᬂ᭟᭐᭟ᬩᭀᬬᬯᬾᬦ᭄ᬢᭂᬦ᭄ᬲᬦᬾᬧ᭄ᬭᬲᬶᬤᬗᬮᬗ᭄ᬓᬸᬗᬶᬦ᭄᭞ᬓᬓᬭᬓᬦ᭄ᬧᬸᬦᬶᬓ᭞ᬦᬾᬫᬯᬶᬢ᭄ᬲᬓᬾᬂᬗᬮᬶᬜᭀᬓᬶᬦ᭄᭞ᬬᭀᬕ᭄ᬬᬢᬶᬗ᭄ᬕᬮᬂᬲᬫ᭄ᬬᬦ᭄᭟᭐᭟ᬲᬂᬳ᭄ᬬᬂᬲᬹᬃᬬ᭄ᬬᬯᬸ
ᬮ᭄‌ᬬᬫᬩᬳᬸᬅᬕ᭄ᬦᬶ᭞ᬦᬾᬲᬢ᭄ᬬᬲᬢᬢ᭞ᬤ᭄ᬯᬦᬶᬂᬓᬫᬗ᭄ᬕᭂᬳᬂᬲᬓ᭄ᬱᬶ᭞ᬳᭀᬮᬶᬄᬚᬕᬢᬾᬲᬫ᭄ᬬᬦ᭄᭟᭐᭟ᬫᬗ᭄ᬤᬾᬦ᭄ᬓᬤᬶᬳ᭄ᬬᬂᬰᬶᬯᬓᬪᬓ᭄ᬢᬶᬦᬶᬦ᭄᭞ᬳᭀᬮᬶᬳᬶᬂᬲᬚᬕᬢ᭄᭞ᬲᬸᬓᬦᬾᬗᭂᬫᬲᬶᬦ᭄ᬫᬢᬶ᭞ᬫᬦᬸᬯᭀ
ᬦᬶᬦ᭄ᬩᬩᬯᭀᬲᬦ᭄᭟᭐᭟ᬬᬦᬶᬤᬾᬯᬮᬶᬜᭀᬓ᭄ᬭᬶᬂᬩᬸᬭᭀᬦ᭄᭞ᬬᬤ᭄ᬬᬧᬶ᭞ᬫᬯᬵᬲ᭄ᬢᬸᬤᬰᬢᬶᬩᬦ᭄᭞ᬓᬦᬭᬓᬦᬾᬢᬦ᭄ᬤᬗᬶᬦ᭄᭞ᬫᬦᬹᬢ᭄ᬓᭂᬘᬧᬶᬂᬆᬕᬫ᭟᭐᭟ᬬᬦ᭄ᬭᬶᬂᬲᬲᬫᬾᬦ᭄ᬫᬵᬦᬸᬱᬓᬮᬶᬜᭀᬓᬶ
[᭒᭔ 24A]
ᬦ᭄᭞ᬫᬯᬵᬲ᭄ᬢᬸᬲᬢᬸᬲ᭄ᬢᬶᬩᬦ᭄᭞ᬓᬦᬭᬓᬦᬾᬧᬸᬧᭀᬦᬶᬦ᭄᭞ᬤ᭄ᬯᬦᬶᬂᬲᬵᬫ᭄ᬧᬸᬦᬂᬗᬮᬶᬜᭀᬓ᭄᭟᭐᭟ᬬᬦ᭄ᬭᬶᬂᬤᬾᬯᬳᬶᬗ᭄ᬕ᭄ᬬᬦ᭄ᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬫᬯᬵᬲ᭄ᬢᬸᬤ᭄ᬬᬸᬢᬶᬩᬦ᭄᭞ᬲ᭄ᬯᬾᬦ᭄ᬓᬦᬭᬓᬦᬾᬧ
ᬗ᭄ᬕᬶᬄ᭞ᬲᬦᬾᬧᬘᬂᬓᬧᬸᬧᬸᬳᬂ᭟᭐᭟ᬬᬦ᭄ᬧᬕᬸᬭ᭄ᬯᬦ᭄ᬲᬦᬾᬓᬩᭀᬩᬩ᭄ᬩᭀᬩᬩᬶᬦ᭄᭞ᬢᬦ᭄ᬧᬯᬢᭂᬲ᭄ᬢᬳᬸᬦ᭄ᬜ᭞ᬓᬦᬭᬓᬦᬾᬧᬸᬧᭀᬦᬶᬦ᭄᭞ᬳᬚᬗᬮᬶᬜᭀᬓᬬ᭄ᬯᬫᭀᬩᬩ᭄᭟᭐᭟
ᬧᬸᬧᬸᬄᬕᬶᬦᬦ᭄ᬢᬶ᭟᭐᭟ᬓᬾᬗᬶᬦᬦ᭄ᬮᬮᬶᬫᬳᬶᬓᬸ᭞ᬩᬘᬓᬦ᭄ᬮᬶᬜᭀᬓᬾᬘᭂᬦᬶᬂ᭞ᬲᬦᬾᬤᬤᭀᬲ᭄ᬮᬓ᭄ᬱᬡ᭞ᬤ᭄ᬯᬦᬶᬂᬢᬦ᭄ᬤᬤᭀᬲ᭄ᬗᬯᬶᬦᬶᬦ᭄᭞ᬧᬘᬂᬫᬗ᭄ᬕᬸᬳᬂᬦᬭᬓ᭞ᬯᬶᬮᬗᬦ᭄ᬜᬲᬧᬸᬦᬶᬓᬶ
᭟᭐᭟ᬓᬵᬮᬭᬶᬂᬧᬧᬾᬲ᭄ᬢᬦ᭄ᬦᬸᬚᬸ᭞ᬫᬶᬯᬄᬭᬶᬂᬧᬗᬾᬦ᭄ᬢᬾᬦ᭄ᬫᬮᬶᬄ᭞ᬤᬸᬓ᭄ᬗᭂᬫᬶᬢᬃᬣᬩ᭄ᬭᬡ᭞ᬫᬮᬶᬄᬤᬸᬓ᭄ᬗᭂᬫ᭄ᬩᭂᬦᬂᬉᬭᬶᬧ᭄᭞ᬫᬘᬦ᭄ᬤᬫᬕᬸᬬᭀᬦᬦ᭄᭞ᬧᬸᬦᬶᬓᬮᬮᬶᬫᬲᬫᬶ᭟᭐᭟ᬲ᭠