Kaca:Bali-lontar-gaguritan-nitisara-300ppi.pdf/25

Kaca puniki sampun kauji-wacén

[᭒᭔ 24B]
᭒᭔᭟
ᬦ᭄ᬮ᭄ᬬᬦ᭄ᬭᬶᬂᬧᬸᬦᬶᬓᬸ᭞ᬲᬦᬾᬮᬮᬶᬫ᭄ᬓᬧ᭄ᬬᬸᬦᬶᬂ᭞ᬓᬾᬗᬶᬦᬦ᭄ᬢᬦ᭄ᬓᬤᬤᭀᬲᬂ᭞ᬭᬾᬄᬲᬶᬦᬄᬳᬶᬤᬾᬯᬭᬭᬶᬲ᭄᭞ᬓᬪᬓ᭄ᬢᬓᬦᬭᬓᬮᭀᬓ᭞ᬳᬦ᭄ᬢᬸᬓ᭄ᬓᬸᬤᬏᬦ᭄ᬤᬄᬩᭂᬘᬶᬓ᭄᭟᭐᭟ᬧᬦᬫ᭄ᬧᬾᬦ᭄ᬓᬸ
ᬤᬧᬸᬦᬶᬓᬸ᭞ᬫᬦᬹᬢ᭄ᬢᬶᬢ᭄ᬬᬂᬲᬧᬸᬦᬶᬓᬶ᭞ᬯᬦ᭄ᬢᬄᬓᬩᭂᬘᬢᬦ᭄ᬫᬦᬄ᭞ᬭᬾᬄᬕᬜ᭄ᬘᬗᬾᬓᬳᬾᬢᬗᬶᬦ᭄᭞ᬳᬦ᭄ᬢᬸᬓ᭄ᬧᬯᬶᬮᬗᬦ᭄ᬓᬸᬤ᭞ᬕᬜ᭄ᬘᬂᬫᬦᬄᬰᬶᬖ᭄ᬭᬕᬫᬶ᭟᭐᭟ᬮᬸᬯᬦᬦᬶᬤᬾᬯᬳᬶ
ᬓᬸ᭞ᬓᬮᬦᬶᬂᬲᬶᬋᬧᬾᬬᬗᬶᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬶᬤᬃᬣᬬᬂ᭞ᬗᬦᬹᬢᬶᬦ᭄ᬓᬓᭂᬘᬧᬚᬷ᭞ᬬᭀᬕ᭄ᬬᬧᬶᬲᬶᬗ᭄ᬕᬶᬳᬂᬧᬶᬲᬦ᭄᭞ᬯᬶᬮᬗᬦ᭄ᬜᬲᬧᬸᬦᬶᬓᬶ᭟᭐᭟ᬫᬋᬧ᭄ᬓᬗᬶᬦ᭄ᬧᬸᬦᬂᬳᬸᬮᬸ᭞ᬫᬗ᭄ᬕᬸᬄᬧᬜ᭄ᬚᬂ
ᬬᬸᬱᬘᭂᬦᬶᬂ᭞ᬬᬾᬦᬶᬂᬫᬉᬢ᭄ᬢᬭ᭞ᬅᬃᬣᬩ᭄ᬭᬡᬲᬶᬤ᭄ᬟᬓᭂᬦᬶ᭞ᬦᬗ᭄ᬳᬶᬂᬬᬦᬶᬂᬫᬋᬧ᭄ᬓᬸᬮ᭄ᬯᬦ᭄᭞ᬭᬲᬲᬬᬗᬾᬦᬶᬗ᭄ᬕᬮᬶᬦ᭄᭟᭐᭟ᬬᬦ᭄ᬫᬋᬧ᭄ᬤᬓ᭄ᬱᬶᬡᬮᬯᬸᬢ᭄᭞ᬲᬾᬤᬦᬾᬧᬘᬂᬦᬫ᭄ᬧᭂᬓᬶᬦ᭄᭞
[᭒᭕ 25A]
ᬫᬮᬶᬄᬧᬘᬂᬗᬯᬗᬸᬦᬂ᭞ᬓᬤᬸᬄᬓᬶᬢᬦ᭄ᬲᬓᬶᬢ᭄ᬳᬢᬶ᭞ᬫᬳᬶᬍᬳᬦ᭄ᬓᬲᬗ᭄ᬲᬭᬦ᭄᭞ᬲᭀᬭᭀᬳᬦ᭄ᬧᬸᬦᬶᬓᬧᬗ᭄ᬕᬶᬄ᭟᭐᭟ᬧᬸᬧᬸᬄᬤᭂᬫᬸᬂ᭟᭐᭟ᬢᬾᬚᬦᬶᬤᬲᬂᬳ᭄ᬬᬂᬭᬯᬶ᭞ᬓᬮᬲᭂᬫᭂᬂ᭞ᬫ
ᬗᬯᬶᬦᬂᬭᬵᬕᬮᬸᬗ᭄ᬲᬸᬃ᭞ᬗᬯᬾᬲᬸᬗ᭄ᬓᬦᬶᬮᬦᬶᬧᬸᬦ᭄᭞ᬬᬦ᭄ᬲᭀᬭᬾᬫᬢᬾᬚᬢᬶᬲ᭄᭞ᬲᬢ᭄ᬲᬜ᭄ᬚᬶᬯᬦᬶᬅᬫᬺᬢ᭞ᬗ᭄ᬕᬾᬦ᭄ᬜᬶᬭᬫᬶᬦ᭄ᬭᬵᬕᬍᬲᬸ᭞ᬳᬦ᭄ᬤᬸᬲ᭄ᬕᭂᬦᬶᬦ᭄ᬧᬸᬦᬂᬓᬯ᭞ᬬᬦ᭄ᬗᭂᬦᬶᬦᬶᬦ᭄ᬭᬵᬕᬭᬭᬶ
ᬲ᭄᭞ᬫᬜᬸᬲᬸᬤᬂᬓᬩᬚᬗᬦ᭄᭞ᬳᬶᬦᬩ᭄ᬲᬧᬸᬦᬶᬓᬢᬸᬳᬸ᭟᭐᭟ᬧᬩᬺᬱᬶᬳᬦᬾᬧᬶᬢ᭄ᬯᬶ᭞ᬦᬾᬓᬯᬗᬸᬦᬶᬂ᭞ᬲᬓᬶᬂᬳᭀᬫᬬᬚ᭄ᬜᬵᬳᬶᬓᬸ᭞ᬳᬗ᭄ᬕᬾᬦᬶᬤᬤᬦᬾᬮᬯᬸᬢ᭄᭞ᬗᬶᬘᬮᬂᬫᬮᬦᬶᬂ
ᬤᬶᬭᬶ᭞ᬲᬓᬜ᭄ᬘᬦᬶᬂᬓᬧᬢᬓᬦ᭄᭞ᬳᬶᬗ᭄ᬕ᭄ᬬᬦ᭄ᬓᬦᬭᬓᬦᬶᬓᬸ᭞ᬧᬸᬦᬶᬓᬳᬯᬶᬦᬦ᭄᭞ᬳᭀᬫᬬᬚ᭄ᬜᬵᬦᬾᬓᬃᬤ᭄ᬟᬶᬦᬶᬦ᭄᭞ᬓᬾᬗᬶᬦᬦᬦᬹᬢᬂᬧᬶᬲᬦ᭄᭞ᬫᬭᬶᬂᬓᬯᬾᬦ᭄ᬢᭂᬦᬦᬶᬧᬸᬦ᭄᭟᭐᭟