Kaca:Bali-lontar-gaguritan-nitisara-300ppi.pdf/26

Kaca puniki sampun kauji-wacén

[᭒᭕ 25B]
᭒᭕᭟
ᬫᬯᬵᬲ᭄ᬢᬸᬓᬤᬶᬩᭀᬃᬩᭀᬃᬪᬲ᭄ᬫᬶ᭞ᬧᬭᬭᬳᬶᬦᬾ᭞ᬬᬦ᭄ᬧ᭄ᬭᬤᬾᬳᬶᬤᬾᬯᬳᬶᬓᬸ᭞ᬢᬦ᭄ᬗᬚᭂᬗᬂᬲᭂᬥᬄᬮᬯᬸᬢ᭄᭞ᬓᬮᬭᬶᬂᬧᬸᬲᬾᬪᬦ᭄ᬫᬮᬶᬗ᭄ᬕᬶᬄ᭞ᬢᬍᬃᬓᬤᬶᬩᭀᬃᬩᭀᬃᬕᭂᬲᭂᬂ᭞ᬧᬭᬭᬳᬶᬦᬾᬧᬸᬦᬶᬓᬸ
᭞ᬬᬦ᭄ᬧ᭄ᬭᬤᬾᬗᬭᬵᬕ᭞ᬗᬚᭂᬗᬂᬲᭂᬥᬄᬯ᭄ᬬᬓ᭄ᬢᬶ᭞ᬭᬶᬓᬵᬮᬭᬶᬂᬧᬲᬫᬸᬳᬦ᭄᭞ᬤ᭄ᬯᬦᬶᬂᬓᭀᬗ᭄ᬕ᭄ᬯᬦ᭄ᬏᬭᬂᬓᬬᬸᬦ᭄᭟᭐᭟ᬲᬓᬵᬤᬶᬩᭀᬃᬩᭀᬃᬯ᭄ᬬᬓ᭄ᬢᬶ᭞ᬧᬭᬭᬳᬶᬦ᭄ᬜ᭞ᬳᬦᬓᬾᬦᬾᬚᬤᬧᬶᬓᬸᬦ᭄᭞ᬬᬾ
ᬦᬶᬂᬦᬤᬓ᭄ᬢᬶᬯᬲ᭄ᬮᬘᬸᬃ᭞ᬫᬦᬤᭀᬲ᭄ᬤᬭᬶᬤ᭄ᬭᬫᬶᬲ᭄ᬓᬶᬦ᭄᭞ᬲᬓᬵᬤᬶᬩᭀᬃᬩᭀᬃᬧᬸᬦᬶᬓ᭞ᬧᬭᬭᬳᬶᬦ᭄ᬜᬓᬤᬸᬮᬸ᭞ᬳᬦᬓᬾᬦᬾᬯᬺᬥᬮᬸᬄᬬ᭞ᬬᬾᬦᬶᬂᬦᬤᬓᬕᭂᬢ᭄ᬲᬸᬕᬶᬄ᭞ᬯᬶᬪᬶᬳᬶᬂᬅᬃᬣᬩ᭄ᬭᬡ᭞ᬭᬾᬄ
ᬓᭂᬜ᭄ᬚᭂᬓᬦ᭄ᬢ᭄ᬯᬕᬸᬤ᭄ᬕᬸᬤ᭄᭟᭐᭟ᬮᬮᬶᬫᬲᬦᬾᬓᬯᬵᬱ᭄ᬝᬦᬶᬦ᭄᭞ᬓᬵᬗ᭄ᬕᭂᬄᬩᬧ᭞ᬭᬶᬂᬚᬕᬢ᭄ᬫᬓᬵᬤᬶᬦᬶᬧᬸᬦ᭄᭞ᬯᬶᬮᬗᬦ᭄ᬜᬫᬗ᭄ᬓᬶᬦ᭄ᬳᬶᬢᬸᬂ᭞ᬲᬂᬫᬦᬸᬮᬸᬫᬯᬾᬄᬉᬭᬶᬧ᭄᭞ᬓᬵᬮᬦᬶᬂᬪᬬᬦ᭄ᬢᬓ᭞
[᭒᭖ 26A]
ᬳᬦᬓᬾᬦᬾᬗᬸᬬᬸᬳᬸᬬᬸ᭞ᬫᬯᬾᬄᬉᬧᬤᬶᬢ᭞ᬦᬾᬢᬦ᭄ᬫ᭄ᬭᬶᬄᬧᬗ᭄ᬯᬍᬲ᭄ᬦᬾᬓᬶ᭞ᬲᬓᬢᬄᬉᬧᬚᬷᬯᬦ᭄ᬜ᭞ᬲᬦᬾᬓᬧᬯᬾᬳᬂᬳᬶᬧᬸᬦ᭄᭟᭐᭟ᬇᬗ᭄ᬕ᭄ᬬᬦ᭄ᬧᬕᬸᬭ᭄ᬯᬦᬾᬉᬕᬶ᭞ᬓᬵᬗ᭄ᬕᭂᬄᬩᬧ᭞ᬲᬂᬫᬯᬾᬄ
ᬧᬤᬶᬓ᭄ᬱᬦᬶᬓᬸ᭞ᬢᬍᬃᬓᬵᬗ᭄ᬕᭂᬄᬩᬧᬢᬸᬳᬸ᭞ᬢᬦ᭄ᬲᬦ᭄ᬤᬂᬩᬯᭀᬲᬂᬫᬮᬶᬄ᭞ᬲᬦᬾᬗᬭᬸᬧᬓᬳᬶᬤᬾᬯ᭞ᬮᬮᬶᬫᬲᬫ᭄ᬬᬦ᭄ᬧᬸᬦᬶᬓ᭞ᬓᬲᬶᬦᬳᬦ᭄ᬜ᭞ᬧᬸᬦᬶᬓᬧᬢᬹᬢᬸᬦᬶᬗᬶᬦ᭄᭞ᬓᬵᬤᬶᬳᬶᬤᬤᬦᬾ
ᬲᬫ᭄ᬬᬦ᭄᭞ᬫᬗ᭄ᬕᭂᬳᬂᬪᬓ᭄ᬢᬶᬦᬶᬦ᭄ᬮᬯᬸᬢ᭄᭟᭐᭟ᬧᬸᬧᬸᬄᬅᬤ᭄ᬭᬶ᭟᭐᭟ᬅᬃᬣᬩ᭄ᬭᬡᬳᬦᬓᬶᬲ᭄ᬢ᭄ᬭᬷᬳᬶᬓᬸ᭞ᬲᬦᬾᬗᬯᬗᬸᬦᬂ᭞ᬧᬳᬶᬬᭂᬕ᭄ᬭᬶᬩᬸᬢ᭄ᬩ᭄ᬭᬗ᭄ᬢᬶ᭞ᬫᬓᬵᬤᬶᬦ᭄ᬜᬭᬶᬂᬲᬂᬲᬥᬸ᭞ᬗᬯᬶᬦᬂᬓᬬᬸᬦᬼᬢᬸᬄ᭞ᬦ
ᬧᬶᬫᬮᬶᬄᬬᬦ᭄ᬓᬬᬸᬦᬾ᭞ᬢᬦ᭄ᬤᬤᭀᬲ᭄ᬢᬸᬦᬬᬦ᭄ᬮᬯᬸᬢ᭄᭞ᬭᬶᬂᬓᬓᬮᬶᬳᬾᬧᬸᬦᬶᬓ᭞ᬗᬃᬤ᭄ᬟᬶᬧᬕᬸᬍᬢ᭄ᬯᬶᬭᭀᬲ᭟᭐᭟ᬫᬮᬶᬄᬲᬬᬗᬾᬫᬲᬯᬶᬢ᭄ᬭᬳᬶᬓᬸ᭞ᬮᬦ᭄ᬫᬜᬫᬩ᭄ᬭᬬ᭞ᬫᬬᬦᬓ᭄ᬫᬕᬸᬭᬸᬳᬚᬷ᭞