[᭒᭖ 26B]
᭒᭖᭟
ᬳᬶᬘᬮ᭄ᬲᬫ᭄ᬬᬦ᭄ᬧᬸᬦᬶᬓᬸ᭞ᬤ᭄ᬯᬦᬶᬂᬧᬓᬬᬸᬦᬾᬍᬢᬸᬄ᭞ᬯᬦ᭄ᬢᬄᬳᬶᬤᬲᬂᬧᬡ᭄ᬟᬶᬢ᭞ᬦᬾᬗᬦᬶᬲ᭄ᬲ᭄ᬭᬶᬂᬲ᭄ᬧᬭᬶᬕ᭄ᬭᬳᬾᬓᬸ᭞ᬲ᭄ᬢ᭄ᬭᬷᬫ᭄ᬯᬂᬅᬃᬣᬩ᭄ᬭᬡ᭞ᬓᬩᬯᭀᬲ᭄ᬘᭂᬍᬩᬸᬗ᭄ᬓᬸᬄᬦᬶᬃᬤᭀᬦ᭄᭟᭐᭟ᬧᬸᬦᬶᬓᬚᬦ᭄ᬫᬦᬾ᭠
ᬫᭀᬫᭀᬚᬭᬸᬄ᭞ᬯᬦ᭄ᬢᬄᬳᬲᭂᬗ᭄ᬓᭂᬭᬦ᭄᭞ᬉᬫᬄᬜᬲᬦᬾᬫᬫᬸᬚᬶ᭞ᬬᬦ᭄ᬯᬢᭂᬓᬶᬂᬧᬭᬭᬢᬸ᭞ᬳᬲᭂᬗ᭄ᬓᭂᬭᬦ᭄ᬧᬸᬭᬷᬜᬸᬫ᭄ᬩᬸᬂ᭞ᬩ᭄ᬯᬢ᭄ᬓᬯᭂᬕᬸᬡᬦ᭄ᬳᬶᬤ᭞ᬬᬦ᭄ᬫᬸᬗ᭄ᬕ᭄ᬯᬶᬂᬳᬶᬤᬲᬂᬧ᭄ᬭᬪᬸ᭞ᬲᬧᬦᬵᬕᬭᬜᬸᬫ᭄ᬩᬸᬗᬂ᭞ᬲᬮᬶᬗ᭄ᬕᬄ
ᬯᬯᭂᬗ᭄ᬓᭀᬦᬶᬤ᭟᭐᭟ᬬᬾᬦᬶᬂᬳᬶᬤᬲᬂᬬᭀᬕᬶᬦᬾᬳᬕᬸᬂ᭞ᬲᬚᬕᬢ᭄ᬫᬸᬚ᭄ᬬᬂ᭞ᬲᬫ᭄ᬬᬦ᭄ᬧᬥᬫᬓ᭄ᬢᬶᬦᬶᬦ᭄᭞ᬓᬦ᭄ᬤᬧ᭄ᬓᬲᭀᬭᬶᬦ᭄ᬮᬯᬸᬢ᭄᭞ᬤ᭄ᬯᬦᬶᬂᬳᬶᬤᬚᬵᬢᬶᬧᬸᬧᬸᬲ᭄᭞ᬫᬗ᭄ᬕᭂᬄᬯᬶᬓᬸᬫᬉᬢ᭄ᬢᬫ᭞ᬲᬶᬤ᭄ᬟᬶᬲᬶ
ᬤ᭄ᬟᬚ᭄ᬜᬵᬦᬢᬸᬳᬸ᭞ᬗᬸᬢ᭄ᬢᬫᬬᬂᬓᬧᬭᬵᬃᬣᬦ᭄᭞ᬫᬢᬢᬸᬓᭀᬦ᭄ᬧᬭᬫᬵᬃᬣ᭟᭐᭟ᬢᬦ᭄ᬓᬧᬢᬹᬢ᭄ᬫᬲᬯᬶᬢ᭄ᬭᬭᬶᬂᬰᬢ᭄ᬭᬸ᭞ᬲᬸᬚᬦᬗ᭄ᬕᬾᬦ᭄ᬫᬶᬢ᭄ᬭ᭞ᬲᬫᬮᬶᬄᬲᬵᬫ᭄ᬧᬸᬦᬂᬭᬭᬶᬲ᭄᭞ᬋᬋᬤ᭄ᬫᬮᬓ᭄ᬱ
[᭒᭗ 27A]
ᬡᬳᬬᬸ᭞ᬯᭂᬮᬲᬲᬶᬄᬫᬧᬶᬢᬸᬮᬸᬂ᭞ᬧᬸᬦᬶᬓᬤᬾᬯᬢ᭄ᬭᬧᬂ᭞ᬮᬓ᭄ᬱᬡᬬᬂᬲ᭄ᬬᬂᬤᬮᬸ᭞ᬲᬵᬫ᭄ᬧᬸᬦᬂᬓᬤᬢ᭄ᬫᬮᬓ᭄ᬱᬡ᭞ᬫᬗ᭄ᬤᬢᬦ᭄ᬓᬲᬾᬧᬦ᭄ᬢᬾᬫ᭄ᬧᭀ᭟᭐᭟ᬩᬗᭂᬢ᭄ᬲᬸᬮᬶᬢ᭄ᬧᬳᬶᬡ᭄ᬟᬶᬓᬦᬶᬧᬸᬦ᭄᭞
ᬫᬲ᭄ᬢ᭄ᬬᬂᬲᬾᬤᬦᬾ᭞ᬉᬭᬶᬧ᭄ᬓᬲᬸᬕ᭄ᬬᬦᬾᬕᬜ᭄ᬚᬶᬄ᭞ᬇᬗ᭄ᬕ᭄ᬬᬦ᭄ᬓᬲᬸᬓᬦᬾᬳᬶᬤᬸᬧ᭄᭞ᬲᬫ᭄ᬬᬦ᭄ᬢᬦ᭄ᬮᬗ᭄ᬕᭂᬂᬓᬯᬸᬯᬸᬲ᭄᭞ᬤ᭄ᬯᬦᬶᬂᬧᬮᬧᬦᬶᬦ᭄ᬤᬾᬯ᭞ᬫᭂᬓᬸᬮ᭄ᬲᬂᬧᬡ᭄ᬟᬶᬢᬳᬕᬸᬂ᭞ᬲᭂᬧᬢ᭄ᬲᬶᬓᬸᬲᬶᬓᬸᬩ᭄ᬯᬢᬂ᭞ᬢᬸ᭠
ᬚ᭄ᬯᬦᬸᬭᬶᬧᬾᬢᬸᬦᬲᬂ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬟᬦ᭟᭐᭟ᬳᬶᬤᬤᬦᬾᬲᬂᬫᬸᬧᭀᬦᬶᬦ᭄᭞ᬲᬸᬓᬦᬶᬂᬓᬯᬶᬪᬯᬦᬾ᭞ᬯᬮᬸᬬᬪᬝᬵᬭᬇᬦ᭄ᬤ᭄ᬭ᭞ᬧᬗᬦ᭄ᬓᬶᬦᬸᬫ᭄ᬓᬏᬩᭂᬓᬦ᭄᭞ᬲᬂᬮ᭄ᬯᬶᬳᬶᬂᬯᬶᬘᬓ᭄ᬱᬡ
᭞ᬧ᭄ᬭᬚ᭄ᬜᬵᬦ᭄ᬏᬩᭂᬓᬶᬂᬓᬯ᭄ᬭᬸᬄ᭞ᬲᬢᬦ᭄ᬤᬶᬂᬭᬶᬂᬲᬂᬳ᭄ᬬᬂᬰᬶᬯ᭟᭐᭟ᬲᬂᬓᬦ᭄ᬢᬸᬦᬦᭀᬫ᭄ᬧᬶᬢ᭄ᬯᬶ᭞ᬦ᭠ᬗ᭄ᬳᬶᬂᬮ᭄ᬯᬶᬳᬶᬂᬓᬥᬃᬫᬦ᭄᭞ᬫᬧᬶᬤᬩ᭄ᬤᬩ᭄ᬲᬵᬫ᭄ᬧᬸᬦ᭄ᬯᬺᬥ᭞ᬲᬂᬳ᭄ᬬᬂᬯᬶᬱ᭄ᬡᬸᬯᬮᬸᬬᬦ᭄ᬜ᭞ᬳᬶᬢᬫ᭄ᬩᭂᬢ᭄ᬲᬦᬾᬦᭂ
Kaca:Bali-lontar-gaguritan-nitisara-300ppi.pdf/27
Kaca puniki sampun kauji-wacén
