[᭒᭗ 27B]
᭒᭗᭟
ᬍᬩᬂ᭞ᬲᬗ᭄ᬕᬫᬮᬦ᭄ᬧᬗᬦ᭄ᬓᬶᬦᬸᬫ᭄᭞ᬳᬶᬧᬸᬦ᭄ᬲᬓ᭄ᬱᬢ᭄ᬯᬯᬮᬸᬗᬦ᭄᭟᭐᭟ᬫᬸᬗ᭄ᬕ᭄ᬯᬶᬂᬚᬦ᭄ᬫᬦᬾᬭᬶᬂᬪᬹᬫᬶ᭞ᬓᬧᬢᬹᬫᬥᬦᬧᬸᬡ᭄ᬬ᭞ᬫᬵᬚᭂᬂᬭᬶᬂᬫᬳᬵᬧᬡ᭄ᬟᬶᬢ᭞ᬫᬭᬶᬂᬢᬫ᭄ᬬᬸᬫᬓᬵᬤᬶᬦ᭄ᬜ᭞ᬕᭀᬭᬯᬜᬧ
ᬜᬫ᭄ᬩ᭄ᬭᬫ᭞ᬧᬗᬮᬦᬾᬲᬦᬾᬢᬸᬚᬸ᭞ᬲᬓᬲᬶᬤ᭄ᬟᬦ᭄ᬮᬓ᭄ᬱᬡᬬᬂ᭟᭐᭟ᬳᬸᬢᬗᬾᬭᬶᬂᬩᬧᬫᬮᬶᬄ᭞ᬫᬚᭂᬂᬭᬶᬂᬤᬾᬯᬪᬝᬵᬭ᭞ᬭᬶᬂᬮᬮᬸᬳᬸᬃᬫᬓᬤᬶᬦ᭄ᬜ᭞ᬓᬧᬢᬹᬢ᭄ᬢᬯᬸᬃᬲᬭᬵᬢᬂ᭞ᬭᬾᬄᬓᬬᭀᬕ᭄ᬬᬦᬶᬲᬦ᭄ᬢ
ᬦ᭞ᬗᬸᬦ᭄ᬢᬲᬂᬧᬭᬮᬮᬸᬳᬸᬃ᭞ᬲᬓᬶᬂᬚᬕᬢ᭄ᬲᬂᬳ᭄ᬬᬂᬬᬫ᭟᭐᭟ᬉᬧᬓᬭᬦᬾᬓᬃᬤ᭄ᬟᬶᬦᬶᬦ᭄᭞ᬲᬚ᭄ᬭᭀᬦᬶᬂᬫᬧᬜ᭄ᬘᬬᬚ᭄ᬜ᭞ᬧᬸᬦᬶᬓᬗ᭄ᬕᬾᬦ᭄ᬦᬯᬸᬃᬳᬸᬢᬂ᭞ᬳᬸᬢᬗᬾᬭᬶᬂᬲᬂᬳ᭄ᬬᬂᬢᬶᬢᬄ᭞ᬳᬸᬢᬗᬾᬭᬶᬂᬧᬭᬤᬾᬯ
᭞ᬕᬸᬭᬸᬬᬕᬳᬗ᭄ᬕᬾᬦ᭄ᬦᬯᬸᬃ᭞ᬳᬦᬹᬢᬂᬧᬦᬯᬸᬭᬦ᭄ᬜ᭟᭐᭟ᬳᬸᬢᬗᬾᬭᬶᬂᬫᬳᬵᬋᬱᬶ᭞ᬩᬩᬯᭀᬦᬾᬦᬸᬤᬸᬢ᭄ᬫᬦᬄ᭞ᬦᬾᬗᬢᭂᬍᬩ᭄ᬦᭂᬄᬓᬂᬢ᭄ᬯᬲ᭄᭞ᬧᬸᬦᬶᬓᬳᬗ᭄ᬕᬾᬦ᭄ᬜᬫ᭄ᬩ᭄ᬭᬫ᭞ᬫᬋᬧ᭄ᬭᬶᬂᬢᬫ᭄ᬬᬸᬧᬢᬹᬢ᭄ᬜ᭞ᬧ᭠
[᭒᭘ 28A]
ᬜᬫ᭄ᬩ᭄ᬭᬫᬲᬦᬾᬮᬸᬯᬸᬂ᭞ᬤᬸᬤᬸᬮᬸᬭᬶᬦ᭄ᬩᬦ᭄ᬧᬲᬸᬕᬸᬳᬦ᭄᭟᭐᭟ᬓᬤᬶᬲᬧᬸᬦᬶᬓᬯ᭄ᬬᬓ᭄ᬢᬶ᭞ᬧᬭᬓ᭄ᬭᬫᬦᬾᬭᬶᬂᬚᬕᬢ᭄᭞ᬲᬚ᭄ᬭᭀᬦᬶᬂᬤᬤᬶᬫᬵᬦᬸᬱ᭞ᬢᬦ᭄ᬲᬦ᭄ᬤᬂᬳᬶᬫᬳᬶᬫᬬᬂ᭞ᬲᬫᬮᬶᬄᬳᬦᬹᬢᬂ
ᬧᬶᬲᬦ᭄᭞ᬭᬶᬂᬓᬧᬢᬹᬢᬦ᭄ᬲᬲᬥᬸ᭞ᬲᬶᬦᬄᬳᬤᬸᬂᬭᬶᬂᬆᬕᬫ᭟᭐᭟ᬲ᭄ᬯᬥᬃᬫ᭄ᬫᬦᬶᬂᬫᬳᬸᬭᬶᬧ᭄᭞ᬢᬦ᭄ᬮ᭄ᬬᬦ᭄ᬓᬾᬃᬢ᭄ᬢᬶᬬᬱᬦᬾ᭞ᬬᭀᬕ᭄ᬬᬳᬗ᭄ᬕᬾᬦ᭄ᬯᬯᬭᬶᬲᬦ᭄᭞ᬤ᭄ᬯᬦᬶᬂᬓᬃᬤ᭄ᬟᬶᬦᬶᬦ᭄ᬮᬯᬸᬢᬂ᭞ᬲᬵᬫ᭄ᬧᬸᬦᬂᬤᬾᬯ
ᬲᬗ᭄ᬓᬾᬯᬦ᭄᭞ᬕ᭄ᬮᬶᬲᬂᬧᬸᬦᬶᬓᬓᬢᬸᬚᬸ᭞ᬫᬗ᭄ᬤᬲᬵᬫ᭄ᬧᬸᬦᬂᬓᬲᬾᬧᬦ᭄᭟᭐᭟ᬗᬃᬬ᭄ᬬᬦᬶᬦ᭄ᬢᬮᬕᬳᬲᬶᬓᬶ᭞ᬲᬢ᭄ᬲᬾᬫᬾᬃᬲᬢᬸᬲ᭄ᬓᬃᬬ᭄ᬬ᭞ᬢᬮᬕᬦᬾᬲᬢᬸᬲ᭄ᬓᬃᬤ᭄ᬬᬂ᭞ᬓᬾᬗᬶᬦᬦ᭄ᬧᬢᭂᬄᬨᬮᬦ᭄ᬜ᭞ᬭᬶᬂᬧᬸᬢ᭄ᬭᬧ᭄ᬭᬚ᭄ᬜᬵ
ᬦ᭄ᬲᬦᬸᬗ᭄ᬕᬮ᭄᭞ᬫᬓᬧᬶᬭᬦ᭄ᬢᬶᬓᬯᬸᬯᬸᬲ᭄᭞ᬫᬶᬓᭀᬮᬶᬳᬂᬲ᭄ᬯᬃᬕ᭄ᬕᬮᭀᬓ᭟᭐᭟ᬧᬸᬧᬸᬄᬯᬲᬶ᭟᭐᭟ᬫᬸᬗ᭄ᬕ᭄ᬯᬶᬂᬲᬩᬘᬓᬦᬶᬧᬸᬦ᭄᭞ᬲᬦᬾᬧᬢᬹᬢ᭄ᬓᬪᬓ᭄ᬢᬶᬦᬶᬦ᭄᭞ᬳᭀᬮᬶᬄᬚᬕᬢᬾᬯ᭄ᬬᬓ᭄ᬢ᭄ᬬᬦ᭄ᬜ᭞ᬲᬦ᭄ᬤᬂᬯᬱ᭄ᬧ
Kaca:Bali-lontar-gaguritan-nitisara-300ppi.pdf/28
Kaca puniki sampun kauji-wacén
