Kaca:Bali-lontar-gaguritan-nitisara-300ppi.pdf/29

Kaca puniki sampun kauji-wacén

[᭒᭘ 28B]
᭒᭘᭟
ᬤᬬᬂᬭᬭᬶᬲ᭄᭞ᬭᬶᬂᬲ᭄ᬢ᭄ᬭᬷᬍᬯᬶᬄᬉᬢ᭄ᬢᬫ᭞ᬫᬮᬶᬄᬳᬶᬧᬸᬦ᭄ᬭᬶᬂᬲᬂᬲᬸᬕᬶᬄ᭞ᬦᬾᬓᬧᬹᬚᬶᬮᬦ᭄ᬓᬲᬸᬫ᭄ᬩᬸᬂ᭞ᬫᬮᬶᬄᬘᬵᬭᬦᬾᬗᬪᬓ᭄ᬢᬶ᭟᭐᭟ᬭᬶᬂᬲᬂᬲ᭄ᬯᬫᬶᬫᬭᬶᬂᬚᬕᬸᬢ᭄᭞ᬯᬦᭂᬂᬲᭂᬫ᭄ᬩᬳᬾᬗᬪᬓ᭄ᬢᬶ᭞ᬫᬚᭂᬂᬭᬶᬂᬳᬶ
ᬤᬲᬂᬦᬵᬣ᭞ᬫᬯᬦᭂᬂᬭᬶᬂᬢᬸᬂᬢᬸᬂᬳᬶᬭᬸᬂ᭞ᬢᬶᬓᬲ᭄ᬕᭂᬦᬄᬢᬢᬗᬦ᭄᭞ᬫᬚᭂᬂᬭᬶᬂᬧᬶᬢᬭᬫᬮᬶᬄ᭞ᬲ᭄ᬮᬦᬶᬂᬮᬮᬢᬢᬸᬚᬸ᭞ᬳᬚᬮᬸᬧᬳᬬ᭄ᬯᬮᬮᬶ᭟᭐᭟ᬫᬋᬧ᭄ᬭᬶᬂᬧᬕᬸᬭ᭄ᬯᬦᬕᬸᬂ᭞ᬫᬯᬦᬶᬂᬭᬶᬂᬮᬮᬢᬭ
ᬭᬶᬲ᭄᭞ᬬᬦ᭄ᬫᬚᭂᬂᬭᬶᬂᬧᬦᬪᬾᬬᬦ᭄᭞ᬇᬗ᭄ᬕ᭄ᬬᬦ᭄ᬭᬶᬂᬧᬢᬶᬃᬣᬦᬶᬓᬸ᭞ᬭᬶᬂᬰᬶᬭᬄᬧᬯᬦᭂᬗᬦ᭄ᬜ᭞ᬮᬮᬶᬫᬓ᭄ᬭᬫᬦᬾᬓᬶ᭞ᬳᬗ᭄ᬕᬄᬳᬸᬗ᭄ᬕᬸᬄᬧᬗᬸᬪᬓ᭄ᬢ᭄ᬬᬦ᭄᭞ᬬᭀᬕ᭄ᬬᬳᬶᬤᬾᬯᬗᬦᬹᬢᬶᬦ᭄᭟᭐᭟ᬳᬶᬧᬋ
ᬓᬦ᭄ᬧᬢᬹᬢᬶᬧᬸᬦ᭄᭞ᬓᬢᬸᬭᬾᬓ᭄ᬱᬧᬶᬦᬶᬄᬭᬶᬳᬶᬦ᭄᭞ᬧᬢᬸᬬᬸᬳᬶᬦ᭄ᬢᬸᬃᬳᬦ᭄ᬤᬧᬂ᭞ᬬᬦ᭄ᬫᬗ᭄ᬕᭂᬄᬲᬸᬪᬓ᭄ᬢᬶᬢᬸᬢᬸᬢ᭄᭞ᬮᬯᬸᬢ᭄ᬢᬢᬩᬶᬦ᭄ᬩᬦ᭄ᬚᬶᬦᬄ᭞ᬬᬦ᭄ᬮᬲ᭄ᬬᬫᬗ᭄ᬕᭂᬄ᭞ᬲᬸᬪᬓ᭄ᬢᬶ᭞ᬓᬵᬮᬲᬧᬸᬦᬶᬓᬮᬯᬸᬢ᭄
[᭒᭙ 29A]
ᬳᬸᬚᬶᬳᬦ᭄ᬢᬸᬓᬦᬓᬶᬲ᭄ᬢ᭄ᬭᬷ᭟᭐᭟ᬬᬦ᭄ᬓᬲᬶᬤᬦ᭄ᬧᬕᭂᬄᬳᬶᬧᬸᬦ᭄᭞ᬮᬯᬸᬢᬂᬳᬶᬧᬸᬦ᭄ᬢᬭᬶᬦᬶᬦ᭄᭞ᬳᬤᭀᬓᬂᬳᬶᬧᬸᬦ᭄ᬫᬲ᭄ᬬᬢ᭄᭞ᬧ᭄ᬭᬤᬾᬢᬦ᭄ᬓᬶᬭᬶᬕᬦ᭄ᬭᬭᬶᬲ᭄᭞ᬚᬵᬢᬶᬓᬯᬸᬮᬉᬢ᭄ᬢᬫ᭞ᬫᬯᬓ᭄ᬧᬸᬭᬸ
ᬱᬲᬸᬚᬵᬢᬶ᭞ᬮ᭄ᬯᬶᬄᬓᬕᬸᬡᬦᬶᬧᬸᬦ᭄᭞ᬲᬦ᭄ᬤᬂᬫᬦ᭄ᬢᬸᬃᬲ᭄ᬯᬾᬘᬦᬶᬦ᭄᭟᭐᭟ᬧᬸᬧᬸᬄᬤᭂᬫᬸᬂᬓᬸᬮᬂᬓᬮᬶᬂ᭟᭐᭟ᬳᬚᭂᬗᬚᭂᬗᬦᬾᬯ᭄ᬬᬓ᭄ᬢᬶᬓᬕᬸᬡᬦ᭄ᬜ᭞ᬓᬢᬶᬓᭂᬮᬶᬦ᭄ᬧᬶᬂᬓᬸᬢᬸᬲ᭄᭞ᬳᬦ᭄ᬢᬸᬓᬶᬢᬶᬸᬂᬢᭂᬧᬸᬂ
᭞ᬇᬡ᭄ᬟᬶᬓᬗᬯᬾᬓᬓ᭄ᬯᬢᬦ᭄᭞ᬗ᭄ᬳᬶᬂᬓᬓ᭄ᬯᬢᬦᬶᬢᭂᬧᬸᬂ᭞ᬧᬢᭂᬄᬳᬸᬕᬶᬳᬲᬧᬸᬦᬶᬓ᭞ᬳᬶᬧᬸᬦ᭄ᬓᬓᬸᬢᬸᬲ᭄ᬩᬕᬶᬘᬶᬦ᭄᭞ᬳᬦ᭄ᬢᬸᬓᬶᬧᬸᬦᬶᬳᭂᬧᭂᬳᬦ᭄᭞ᬲᬦ᭄ᬤᬂᬲᬢᬢᬓᬢᬬᬸᬩ᭄᭟᭐᭟ᬓᬦ᭄ᬤᬸᬕᬶᬲᬸᬲᬸᬦᬾᬭᬭᬶ
ᬲ᭄ᬲᬧᬸᬦᬶᬓ᭞ᬓᬓᬸᬢᬸᬲ᭄ᬩᬕᬶᬦᬶᬦᬶᬧᬸᬦ᭄᭞ᬳᬦ᭄ᬢᬸᬓᬶᬫᬦ᭄ᬢᬾᬕᬯ᭄ᬬᬓ᭄ᬢᬶ᭞ᬧᬢᬹᬢ᭄ᬜᬩ᭄ᬭᬦ᭄ᬓᬳᬚᭂᬗᬂ᭞ᬓᬓ᭄ᬯᬢᬦᬶᬫᬶᬜᬓ᭄ᬲᬸᬲᬸ᭞ᬉᬕᬶᬧᬢᭂᬄᬳᬲᬧᬸᬦᬶᬓ᭞ᬤ᭄ᬯᬦᬶᬂᬓᬓᬸᬢᬸᬲ᭄ᬩᬕᬶᬦᬶᬦ᭄᭞ᬳᬦ᭄ᬢᬸᬓ᭄ᬤᬕᬶᬗᬾᬉ᭠