Kaca:Bali-lontar-gaguritan-nitisara-300ppi.pdf/31

Kaca puniki sampun kauji-wacén

[᭓᭐ 30B]
᭓᭐᭟
᭞ᬮᬦ᭄ᬭᬶᬂᬲᬂᬗᬯᭂᬗ᭄ᬓᬸᬚᬕᬢ᭄᭞ᬓᬵᬤᬶᬳᬦᬓᬾᬦᬾᬧᬸᬭᬸᬦ᭄᭞ᬗᬮᬶᬦ᭄ᬢᬗᬶᬦ᭄ᬲᬵᬕᬭᬫᭀᬫ᭄ᬩᬓ᭄᭞ᬳᬕᬸᬂᬭᬸᬲᬶᬢ᭄᭞ᬤᬢᬢ᭄ᬗᬋᬲ᭄ᬋᬱᬶᬦ᭄ᬧᬶᬲᬦ᭄᭟᭐᭟ᬫᬮᬶᬄᬬᬦᬶᬧᬸᬦ᭄ᬲᬯᬗᬂ᭞ᬓᬵᬤᬶᬳᬦᬓᬾ
ᬜᬶᬮᬧᬶᬦ᭄᭞ᬓ᭄ᬭᬶᬲ᭄ᬲᬦᬾᬮᬗ᭄ᬓᬸᬂᬜᬜᬧ᭄᭞ᬘᬶᬫᬦ᭄ᬮᬮᬶᬧᬶᬦᬾᬳᬕᬸᬂ᭞ᬲᬦᬾᬫ᭄ᬭᬦᬾᬦᬸᬧᬲ᭄ᬜ᭞ᬲᬓ᭄ᬱᬢ᭄ᬫᬮᬶᬄ᭞ᬳᬦᬓ᭄ᬫᬍᬓᭀᬃᬫᬘᬦ᭄ᬕᬮᬓ᭄᭟᭐᭟ᬫᬸᬗ᭄ᬕ᭄ᬯᬶᬂᬓᬯᬾᬦ᭄ᬢᭂᬦᬦ᭄ᬤᬾᬰ᭞ᬦᬾᬢᬦ᭄ᬯᬾᬦ᭄ᬢᭂᬦ᭄ᬗ᭠
ᬫᬭᬦᬶᬦ᭄᭞ᬮᬸᬗ᭄ᬳᬭᬯᬸᬄᬫᬲᬲᬜ᭄ᬚᬦ᭄᭞ᬦᬾᬧᬘᬂᬫᬮᬶᬗ᭄ᬕᬶᬄᬤᬶᬢᬸ᭞ᬓᬸᬮᬯᬃᬕ᭄ᬕᬲᬫᭂᬢᭀᬦᬦ᭄᭞ᬲᬓ᭄ᬱᬢ᭄ᬫᬮᬶᬄ᭞ᬳᬦᬓ᭄ᬫᬍᬓᭀᬃᬫᬘᬦ᭄ᬕᬮᬓ᭄᭟᭐᭟ᬫᬸᬗ᭄ᬕ᭄ᬯᬶᬂᬓᬯᬾᬦ᭄ᬢᭂᬦᬦ᭄ᬤᬾᬰ᭞ᬦᬾᬢᬦ᭄ᬯᬾᬦ᭄ᬢᭂᬦ᭄ᬗ᭠
ᬳᬚᬷ᭞ᬉᬕᬶᬢᬦ᭄ᬯᬾᬦ᭄ᬢᭂᬦᬶᬭᬶᬓ᭞ᬕᭂᬦᬄᬲᬦᬾᬦᬶᬱ᭄ᬝᬲᬫᬸᬦ᭄᭞ᬢᬦ᭄ᬧᬶᬲᬦ᭄ᬲᬦ᭄ᬤᬂᬓᬳᭂᬦ᭄ᬢᬧ᭄᭞ᬜᬸᬫᭂᬮᬗᬶᬦ᭄᭞ᬳᬦᬓᬾᬭᬯᬸᬄᬳᬶᬭᬶᬓ᭟᭐᭟ᬯᬤ᭄ᬯᬲᬦᬾᬍᬯᬶᬄᬉᬢ᭄ᬢᬫ᭞ᬲᬚ᭄ᬭᭀᬦᬶᬂᬓᬸᬮᬯᬃᬕ᭄ᬕ᭞ᬲ
[᭓᭑ 31A]
ᬢᬶᬦᬹᬢ᭄ᬫᬭᬶᬂᬕᬸᬲ᭄ᬢᬶᬦ᭄ᬜ᭞ᬧᬢᬹᬢ᭄ᬓᬳᬸᬦᬶᬗᬶᬦ᭄ᬮᬯᬸᬢ᭄᭞ᬳᭀᬮᬶᬄᬕᬸᬲ᭄ᬢᬶᬦ᭄ᬜᬧᬸᬦᬶᬓ᭞ᬓᬾᬫᬦ᭄ᬭᬭᬶᬲ᭄᭞ᬫᬗ᭄ᬤᬳᬶᬧᬸᬦ᭄ᬢᬦ᭄ᬫᬢᬶᬗ᭄ᬕᬮ᭄᭟᭐᭟ᬢᬍᬃᬳᬶᬧᬸᬦᬶᬲᬯᬶᬢ᭄ᬭ᭞ᬫᬸᬂᬧᬸᬂᬓᬤᬸᬄᬓᬶᬢᬦ᭄ᬲᭂᬤᬶᬄ᭞ᬧᬢᬹᬢ᭄ᬩᭂᬘᬶᬓᬂ
ᬭᬸᬗ᭄ᬯᬂ᭞ᬫᬮᬶᬄᬬᬦ᭄ᬭᬩᬶᬦᬾᬳᬶᬓᬸ᭞ᬲᭂᬤᭂᬓ᭄ᬓᬓᬶᬭᬗᬦ᭄ᬚᬶᬦᬄ᭞ᬧᬢᬹᬢ᭄ᬤᬶᬕ᭄ᬮᬶᬲ᭄᭞ᬮᬦᬗᬾᬭᬯᬸᬄᬜᬬᬗᬂ᭟᭐᭟ᬧᬸᬦᬶᬓᬓᬾᬳᬯᬶᬦᬦ᭄ᬜ᭞ᬲᬂᬮᬦᬂᬦᬾᬧ᭄ᬭᬚ᭄ᬜᬾᬂᬩᬸᬤ᭄ᬟᬶ᭞ᬗᬫ᭄ᬩᬶᬮ᭄ᬲ᭄ᬢ᭄ᬭᬷᬫᬉᬢ᭄ᬢᬫ᭞ᬓᭀᬘᬶᬯ᭠
ᬦ᭄ᬯᬃᬡ᭄ᬦᬶᬦᬾᬤ᭄ᬬᬲ᭄ᬢᬸ᭞ᬦᬗ᭄ᬳᬶᬂᬍᬯᬶᬳᬶᬂᬧ᭄ᬭᬚ᭄ᬜᬵᬦ᭄᭞ᬢᬸᬃᬢᭀᬲ᭄ᬰᬸᬘᬶ᭞ᬲᬦ᭄ᬤᬂᬓᬵᬫ᭄ᬩᬶᬮ᭄ᬓᬲᬬᬗᬂ᭟᭐᭟ᬲ᭄ᬢ᭄ᬭᬷᬦᬾᬓᬶᬭᬂᬓᬯ᭄ᬭᬸᬳᬦ᭄᭞ᬳᬬᬸᬦᬸᬮᬸᬲ᭄ᬧᬸᬦᬂᬯᬃᬡ᭄ᬦᬶ᭞ᬧᬗᬸᬲ᭄ᬘᬾᬗᭂᬄᬭᬶᬂᬳᬶᬗ᭄ᬕᬶᬢ᭞ᬢᬍᬃᬲᬦ᭄ᬤᬂᬧᬶᬲᬦ᭄ᬧᬸ
ᬧᬸ᭞ᬲᬵᬫ᭄ᬧᬸᬦᬂᬫᬮᬶᬄᬫᬯᭀᬲᬂ᭞ᬦᬾᬍᬯᬶᬄᬯᬃᬡ᭄ᬦᬶ᭞ᬫᬮᬶᬄᬧ᭄ᬭᬚ᭄ᬜᬵᬦ᭄ᬢᭀᬲᬸᬢ᭄ᬢᬫ᭟᭐᭟ᬢᬍᬃᬅᬫᬺᬢᬧᬸᬦᬶᬓ᭞ᬤ᭄ᬬᬲ᭄ᬢᬸᬲᬓᬾᬂᬭᬘᬸᬦ᭄ᬫᬶᬚᬶᬮ᭄᭞ᬧᬢᬹᬢᬫ᭄ᬩᬶᬮ᭄ᬧᬶᬕᬸᬡᬬᬂ᭞ᬤ᭄ᬬᬲ᭄ᬢᬸᬫᬵᬲᬾᬧᬸᬦᬶᬓᬸ᭞