[᭓᭑ 31B]
᭓᭑᭟
ᬫᬯᬶᬢ᭄ᬲᬓᬶᬂᬚᬦ᭄ᬫᬩᭂᬮᭀᬕ᭄᭞ᬩᭀᬬᬉᬕᬶ᭞ᬓᬓᬧᬸᬢᬦ᭄ᬢᬓ᭄ᬯᬥᬄᬜ᭟᭐᭟ᬫᬮᬶᬄᬰᬵᬲ᭄ᬢ᭄ᬭᬦᬾᬉᬢ᭄ᬢᬫ᭞ᬤ᭄ᬬᬲ᭄ᬢᬸᬲᬓᬾᬂᬢᭀᬲ᭄ᬢᬦᬼᬯᬶᬄ᭞ᬧᬢᬹᬢᬗ᭄ᬕᬾᬦ᭄ᬧᬶᬕᬸᬡᬬᬂ᭞ᬳᬦᬓᬶᬲ᭄ᬢ᭄ᬭᬷᬳᬦᭀᬫ᭄ᬳᬬᬸ
᭞ᬳᭂᬫ᭄ᬩᬲ᭄ᬲᬓᬾᬂᬯᬗ᭄ᬰᬦᬶᬱ᭄ᬝ᭞ᬳᬗ᭄ᬳ᭄ᬬᬸᬳ᭄ᬬᬸᬦᬶᬦ᭄᭞ᬧᬢᬹᬢ᭄ᬧᬸᬧᭀᬦᬶᬦ᭄ᬯ᭄ᬬᬓ᭄ᬢᬶᬦ᭄ᬜ᭟᭐᭟ᬲ᭄ᬢ᭄ᬭᬷᬦᬾᬓᬵᬗ᭄ᬕᭂᬄᬉᬢ᭄ᬢᬫ᭞ᬗᬚᭂᬂᬲᬢᭂᬗᬄᬲᬂᬮᬓᬶ᭞ᬫᬮᬶᬄᬓᬵᬮᬸᬲᬦ᭄ᬫᬦᬄᬜ᭞ᬦᬶᬓᭂᬮ᭄ᬧᬶᬂᬧᬢ᭄ᬭᬶᬂᬲᬶᬂᬓᬓᬸᬂ᭞ᬬᬾᬦᬶᬂ
ᬩ᭄ᬯᬢ᭄ᬓᬯᬶᬭᭀᬲᬦ᭄᭞ᬓᬢᬶᬓᭂᬮᬶᬦ᭄᭞ᬧᬶᬂᬦᭂᬫ᭄ᬧᬸᬦᬶᬓᬯ᭄ᬬᬓ᭄ᬢᬶᬦ᭄ᬜ᭟᭐᭟ᬲᬫᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬜᬧᬓᬤ᭄ᬬᬓᬸᬚᭂᬤᬶᬕ᭄᭞ᬫᬦᬄᬜᬦᬾᬍᬫᭂᬲ᭄ᬧᬶᬲᬦ᭄᭞ᬲᬚ᭄ᬭᭀᬦᬶᬂᬲᬗ᭄ᬕᬫᬮᬯᬸᬢ᭄᭞
ᬓᬓᬸᬢᬸᬲ᭄ᬩᬕᬶᬦᬶᬦ᭄ᬤᬤ᭄ᬬ᭞ᬲᬦᬾᬮᬓᬶ᭞ᬫᬵᬦᬹᬢᬸᬘᬧ᭄ᬲᬂᬳ᭄ᬬᬂᬰᬵᬢ᭄ᬭ᭟᭐᭟ᬲᬚ᭄ᬭᭀᬦᬶᬂᬳᬶᬫᬵᬦᬸᬱ᭞ᬧᬓᬾᬯᭂᬳᬾᬧᬶᬦᬶᬄᬰᬓ᭄ᬢᬶ᭞ᬯᬾᬦ᭄ᬢᭂᬦ᭄ᬭᬶᬂᬧᬤᬾᬯᬾᬓᬦ᭄ᬜ᭞ᬫᬓᬵᬤᬶᬮᭀᬪᬧᬸᬦᬶᬓᬸ᭞ᬫᬧᬸᬦ᭄ᬤᬸᬄ
[᭓᭒ 32A]
ᬭᬶᬂᬓᬯ᭄ᬭᬸᬳᬦ᭄᭞ᬦᬾᬗᬯᬶᬦᬶᬦ᭄᭞ᬳᬘᭂᬧᬦᬾᬢᬦ᭄ᬓᬲᬶᬤ᭄ᬟᬦ᭄᭟᭐᭟ᬢᬦ᭄ᬓᬲᬶᬤ᭄ᬟᬦᬶᬂᬳᬘᭂᬧᬦ᭄᭞ᬗᬯᭂᬢ᭄ᬯᬂᬓ᭄ᬭᭀᬥᬭᬭᬶᬲ᭄᭞ᬓᬯ᭄ᬭᬸᬳᬾᬫᬯᬲ᭄ᬢᬸᬳᬶᬘᬮ᭄᭞ᬲᬦᬾᬓᬤᬺᬯᬾᬬᬂᬤᬸᬫᬸᬦ᭄᭞
ᬲᬫ᭄ᬬᬦ᭄ᬧᬥᬫᬢᬶᬗ᭄ᬕᬮ᭄᭞ᬫᬗᬯᬶᬦᬶᬦ᭄᭞ᬫᬯᬮᬶᬢᬫ᭄ᬩᭂᬢ᭄ᬧᬦᬤᭀᬲ᭄ᬜ᭟᭐᭟ᬚᬦ᭄ᬫᬦᬾᬮᭀᬪᬭᬸᬫᬸᬲ᭞ᬓᬢᬄᬫᬗ᭄ᬕᬸᬳᬂᬧᬶᬓᭀᬮᬶᬄ᭞ᬦᬾᬯᬶᬢ᭄ᬲᬓᬶᬂᬓᬦᭀᬭᬦᬶᬸᬂᬳᬦ᭄᭞ᬓᬲᬶᬤ᭄ᬟᬦ᭄ᬓᬩ᭄ᬯ
ᬢᬶᬧᬸᬦ᭄᭞ᬢᬦᬽᬓ᭄ᬢᬦᬗᭂᬦ᭄ᬫᬦᬄᬜ᭞ᬫᬗᭂᬢᭀᬦᬶᬦ᭄᭞ᬓᬲᬗ᭄ᬲᬭᬦᬦᬓ᭄ᬮ᭄ᬬᬦ᭄᭟᭐᭟ᬮᬦ᭄ᬢᬦ᭄ᬗᬾᬢᬂᬓᬳᬶᬯᬗᬦ᭄᭞ᬦᬾᬓᬮᬗ᭄ᬓᬸᬂᬍᬢᬸᬄᬯᬾᬘᬶ᭞ᬩᬶᬗᬸᬂᬧᬮᬶᬂᬜᬗᬯᬰᬂ᭞ᬦᬗ᭄ᬳᬶᬂᬬᬦᬶᬤᬲᬂᬲ
ᬥᬸ᭞ᬢᬦ᭄ᬫᬭᬶᬳᬶᬤᬗᬦ᭄ᬤᬶᬓ᭞ᬫᬗᭂᬤᭀᬳᬶᬦ᭄᭞ᬮᬓ᭄ᬱᬡᬦᬶᬧᬸᬦᬶᬮᭀᬪ᭟᭐᭟ᬬᬦᬶᬤᬲᬂᬫᬉᬢ᭄ᬢᬫ᭞ᬭᬶᬓᬵᬮᬳᬶᬤᬫᬸᬧᭀᬦᬶᬦ᭄᭞ᬭᬲᬦᬾᬦᭂᬫ᭄ᬦᭂᬫ᭄ᬧᬸᬦᬶᬓ᭞ᬲᬦᬾᬢᬦ᭄ᬫᬤᬕᬶᬂᬍᬢᬸᬄ
Kaca:Bali-lontar-gaguritan-nitisara-300ppi.pdf/32
Kaca puniki sampun kauji-wacén
