[᭓᭒ 32B]
᭓᭒᭟
᭞ᬲᬚ᭄ᬭᭀᬦᬶᬂᬧᬲᬗ᭄ᬕᬫᬦ᭄᭞ᬦᬾᬭᬶᬂᬭᬩᬶ᭞ᬳᬢᬸᬍᬯᬶᬧᬢᬶᬩ᭄ᬭᬢ᭟᭐᭟ᬤᬸᬓ᭄ᬯᬶᬪᬸᬳᬶᬂᬅᬃᬣᬩ᭄ᬭᬡ᭞ᬧᬯᬾᬯᬾᬄᬬᭀᬕ᭄ᬬᬓᬃᬤ᭄ᬟᬶᬦᬶᬦ᭄᭞ᬤ᭄ᬯᬦᬶᬂᬧᬸᬦᬶᬓᬓᬉᬘᬧ᭄᭞ᬲᬓᬶᬂᬧᬓᬾᬃᬣᬶᬦᬾᬤᬗᬹ᭞
ᬨᬧᬮ᭄ᬧᬕᭂᬳᬾᬭᬶᬂᬩ᭄ᬭᬢ᭞ᬤ᭄ᬯᬦᬶᬂᬫᬗ᭄ᬓᬶᬦ᭄᭞ᬯᬶᬪᬸᬄᬭᬶᬂᬅᬃᬣᬩ᭄ᬭᬡ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬲᬦᬾᬧᬢᬹᬢ᭄ᬮᬓ᭄ᬱᬡᬬᬂ᭞ᬭᬶᬂᬧ᭄ᬬᬦᬓᬾᬓᬭᬶᬳᬭᬶᬸᬂᬮᬶᬢ᭄᭞ᬯᬸᬭᬸᬓᬶᬧᬸᬗ᭄ᬯᬢᬂᬧᬶᬲᬦ᭄᭞ᬫᬗ᭄ᬤᬾᬜᬓ᭄ᬲᭂ
ᬓᭂᬦ᭄ᬗᬦᬹᬢᬶᬦ᭄᭞ᬜᬮᬸᬳᬂᬦᬾᬓᬧ᭄ᬮᬚᬳᬶᬦ᭄᭞ᬭᬾᬄᬳᬦᬓᬾᬩᬚᬂᬘᬯᬸᬄ᭞ᬕᬸᬮ᭄ᬕᬸᬮ᭄ᬓ᭄ᬭᬶᬬᬦᬶᬂᬇᬦ᭄ᬤ᭄ᬭᬬᬂ᭞ᬫᬮᬶᬳᬬᬦ᭄ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬧᬢᬹᬢᬶᬧᬸᬦ᭄᭞ᬗᬮᬓ᭄ᬱᬡᬬᬂᬓᬧᬡ᭄ᬟᬶᬢᬦ᭄᭟᭐᭟
ᬭᬶᬂᬦᬗ᭄ᬓᭂᬦ᭄ᬲᬾᬤᬧᬸᬦᬶᬓ᭞ᬫᬗ᭄ᬤᬧᬓᬬᬸᬦᬾᬗᬶᬮᬶᬲ᭄᭞ᬚᬕ᭄ᬭᬫᬾᬗᭂᬢᬾᬧᬶᬸᬂᬦᬶᬸᬂᬓᬶᬸᬂᬬᭀᬭᬶᬂᬬᭀᬕ᭞ᬲᬤᬸᬓ᭄ᬳ᭄ᬬᬂᬉᬭᬶᬧ᭄ᬦᬶᬗ᭄ᬕᬮᬶᬦ᭄᭞ᬧᬸᬦᬶᬓᬓᬶᬦ᭄ᬓᬶᬦᬂᬤᬶᬕ᭄ᬮᬶᬲ᭄᭞ᬧᬶᬭᬦ᭄ᬢᬶᬦᬶᬤᬲᬂᬲᬥᬸ᭞ᬭᬶᬂᬧᬫᬸᬧᬸ᭠
[᭓᭓ 33A]
ᬢ᭄ᬜᬦᬾᬧᬶᬲᬦ᭄᭞ᬓᬲᬸᬦ᭄ᬬᬢᬦᬾᬧᬶᬦ᭄ᬭᬶᬄ᭞ᬫᬗ᭄ᬤᬦᬸᬫᬸᬲ᭄᭞ᬧᬗᬸᬗ᭄ᬲᬶᬦᬾᬭᬶᬂᬓᬫᭀᬓ᭄ᬱᬦ᭄᭟᭐᭟ᬦᭂᬫ᭄ᬦᭂᬫ᭄ᬓᬢᬄᬯᬶᬮᬗᬦ᭄ᬜ᭞ᬲᬦᬾᬢᬦ᭄ᬫᬭᬶᬜᬢ᭄ᬭᬸᬦᬶᬦ᭄᭞ᬚᬦ᭄ᬫᬦᬾᬫ᭄ᬭᬶᬳᬂᬓᬯ᭄ᬭᬸᬳᬦ᭄᭞ᬫ᭠
ᬬᬸᬲ᭄ᬫᬮᬚᬄᬢᬶᬸᬂᬧᬶᬂᬲᬶᬓᬶ᭞ᬘᬮᬸᬄᬜᭀᬭᬳᬾᬧᬶᬂᬓᬮᬶᬄ᭞ᬳᬦᭀᬫ᭄ᬓᬲ᭄ᬫᬭᬦ᭄ᬧᬶᬂᬢᭂᬮᬸ᭞ᬓᬧᬶᬂᬳᭂᬫ᭄ᬧᬢ᭄ᬓᬲᬓᬶᬢᬦ᭄᭞ᬧᬶᬂᬮᬶᬫᬦᬾᬢᬶᬯᬲ᭄ᬗᬮᬶᬤᬶᬕ᭄᭞ᬧᬶᬂᬦᭂᬫᬶᬧᬸᬦ᭄᭞ᬫᬫᭀᬢᭀᬄᬤᭂᬫᭂᬦ᭄ᬫ
ᬫᬶᬢ᭄ᬭ᭟᭐᭟ᬲᬂᬗᬫ᭄ᬩᭂᬓᬕ᭄ᬓᬫᭀᬫᭀᬳᬦ᭄᭞ᬧᬓᬾᬯᭂᬳᬾᬦ᭄ᬦᬶᬂᬢ᭄ᬭᬂᬦᬶᬩᬾᬦᬶᬦ᭄᭞ᬭᬾᬄᬫᭂᬍᬤ᭄ᬜᬗ᭄ᬓᬮᬾᬦᬦᬓ᭄᭞ᬤᬳᬢ᭄ᬓᬤ᭄ᬭᭀᬧᭀᬦᬦ᭄ᬤᬤᬶ᭞ᬫᬯᬵᬲ᭄ᬢᬸᬢᬦ᭄ᬗᬾᬃᬢ᭄ᬬᬂᬤᬶᬭᬶ᭞ᬦᬾᬧᬢᬸᬢ᭄ᬲᬬ
ᬗᬂᬳᬶᬧᬸᬦ᭄᭞ᬓᬤᬶᬓᬩᭂᬘᬶᬓᬦ᭄ᬲᭂᬓᬃ᭞ᬦᬾᬧᬢᬹᬢ᭄ᬓᬫᭀᬂᬓᬧᬓᬶᬦ᭄᭞ᬢᬦ᭄ᬓᬮᬶᬗᬸ᭞ᬭᬾᬄᬮᭀᬪᬅᬗ᭄ᬓᬭᬗᭀᬤᬕ᭄᭟᭐᭟ᬲᬚ᭄ᬭᭀᬦᬶᬂᬰᬵᬲ᭄ᬢ᭄ᬭᬆᬕᬫ᭞ᬫᬸᬲᬸᬳᬾᬦᭂᬫ᭄ᬦᭂᬫ᭄ᬢᬦ᭄ᬫᬭᬶᬂ᭞ᬫᬦ᭠
Kaca:Bali-lontar-gaguritan-nitisara-300ppi.pdf/33
Kaca puniki sampun kauji-wacén
