Kaca:Bali-lontar-gaguritan-nitisara-300ppi.pdf/34

Kaca puniki sampun kauji-wacén

[᭓᭓ 33B]
᭓᭓᭟
ᬤᭀᬲ᭄ᬧᬗᬮᬗᬮᬂ᭞ᬦᬾᬗᬯᬶᬦᬂᬢᬫ᭄ᬩᭂᬢ᭄ᬭᬭᬶᬲ᭄᭞ᬧᬢᬹᬢ᭄ᬯᬱ᭄ᬧᬤᬬᬂᬮᬶᬂᬮᬶᬂ᭞ᬧᬓᬶᬲᬶᬓ᭄ᬧᬓᬶᬢᬸᬓᬶᬧᬸᬦ᭄᭞ᬭᬾᬄᬚᬸᬭᬸᬗᬯᬾᬲᬗ᭄ᬓᬵᬮ᭞ᬗᬶᬘᬮᬂᬧᬕᭂᬳᬶᬂᬩᬸᬤ᭄ᬟᬶ᭞ᬧᭂᬦᭂᬓᬶᬧᬸᬦ᭄᭞ᬫᬗ᭄ᬤᬲᬵᬫ᭄ᬧᬸ
ᬦ᭄ᬓᬓ᭄ᬯᬰᬬᬂ᭟᭐᭟ᬯᬾᬦ᭄ᬢᭂᬦ᭄ᬧᬳᬶᬦ᭄ᬤᬶᬓᬦ᭄ᬧᬢ᭄ᬧᬢ᭄᭞ᬗᬶᬘᬮᬂᬧᬕᭂᬳᬶᬂᬩᬸᬤ᭄ᬟᬶ᭞ᬮᬦ᭄ᬓᬮᬦ᭄ᬤᬸᬳᬦ᭄ᬫᬦᬄ᭞ᬭᬵᬕᬰᬭᬷᬭᬫᬓᬵᬤᬶ᭞ᬓᬵᬦᭀᬫᬦᬾᬲᬵᬫ᭄ᬧᬸᬦ᭄ᬮᬶᬲᬶᬓ᭄᭞ᬢᬦ᭄ᬓᭀᬗ᭄ᬕ᭄ᬯᬦᬦᬾᬭᬂᬓᬬᬸᬦ᭄᭞ᬲ
ᬚ᭄ᬭᭀᬦᬶᬂᬫᬧᬸᬭᬸᬓᬦ᭄᭞ᬓᬦ᭄ᬫᬢᬶᬯᬲ᭄ᬫᬋᬩᬸᬢ᭄ᬪᬸᬓ᭄ᬢᬶ᭞ᬫᬮᬶᬄᬳᬶᬧᬸᬦ᭄ᬫᬫᭀᬢᭀᬄᬢᬸᬃᬯᬯᬤᭀᬦᬦ᭄᭟᭐᭟ᬬᬦ᭄ᬚᬦ᭄ᬫᬫᬸᬂᬧᬂᬮᬓ᭄ᬱᬡ᭞ᬲᬲᬸᬗ᭄ᬓᭂᬫᬦ᭄ᬓᬧᬺᬩᬸᬢᬶᬦ᭄᭞ᬢᬦ᭄ᬫᬭᬶᬓᬮᬄᬫᭂᬦᬂ᭞ᬫᬮᬶᬄᬢ
ᬦ᭄ᬓ᭄ᬭᬲᬬᬂᬭᬭᬶᬲ᭄᭞ᬲᬦᬾᬲᬦ᭄ᬤᬂᬓᬤᬶᬫᬸᬤᬶᬦ᭄᭞ᬲᬮ᭄ᬯᬶᬃᬫᬶᬢᬸᬭᬸᬢᬶᬦᬶᬧᬸᬦ᭄᭞ᬧᬢᬸᬭᬸᬩᭂᬗ᭄ᬓᬸᬂᬓᬮᬶᬯᬢ᭄᭞ᬢᭂᬳᭂᬃᬲᬧᬸᬦᬶᬓᬭᬭᬶᬲ᭄᭞ᬳᬕᭀᬮᬶᬧᬸᬦ᭄᭞ᬫᬦᬹᬢᬸᬘᬧᬶᬂᬆᬕᬫ᭟᭐᭟ᬧᬸᬧᬸᬄ
[᭓᭔ 34A]
ᬤᬸᬃᬫ᭄ᬫ᭟᭐᭟ᬧᬶᬤᬩ᭄ᬤᬩᬾᬲᬦᬾᬤᬤᭀᬲ᭄ᬓᬯᭂᬦᬗᬦ᭄᭞ᬪᬕᬯᬵᬦ᭄ᬢᬲᬂᬪᬹᬧᬢᬶ᭞ᬫᬸᬗ᭄ᬕ᭄ᬯᬶᬂᬯᬶᬮᬗᬦ᭄ᬜ᭞ᬲᬂᬧ᭄ᬭᬚ᭄ᬜᬵᬦ᭄ᬭᬶᬂᬰᬵᬲ᭄ᬢ᭄ᬭᬆᬕᬫ᭞ᬧᬰ᭄ᬘᬢ᭄ᬭᬶᬂᬓᬓᬯ᭄ᬬᬦ᭄ᬫᬮᬶᬄ᭞ᬉᬫᬦ᭄ᬤᭂᬮ᭄ᬗᬫᭀᬂ᭞ᬤᬕᬶᬂᬓ
ᬯ᭄ᬭᬸᬳᬾᬲᬫᬶ᭟᭐᭟ᬲᬫᬮᬶᬳᬦ᭄ᬢᭂᬍᬩ᭄ᬫᬭᬶᬂᬰᬶᬯᬵᬲ᭄ᬢᬯ᭞ᬧᬕᭂᬄᬭᬶᬂᬆᬕᬫᬫᬮᬶᬄ᭞ᬧ᭄ᬭᬚ᭄ᬜᬾᬂᬯᬭᬯᬭᬄ᭞ᬯᬵᬲ᭄ᬢ᭄ᬭᬤᭂᬲ᭄ᬢᬃᬫᬓᬵᬤᬶᬦ᭄ᬜ᭞ᬫᬗ᭄ᬕᭂᬄᬘᬘᬶᬭᬾᬦᬾᬰᬸᬘᬶ᭞ᬫᬮᬶᬄᬲᬵᬫ᭄ᬧᬸᬃᬡ᭄ᬦ᭞ᬭᬶᬂᬬᬚ᭄ᬜᬵ
ᬫᬶᬯᬄᬲᬫᬵᬤᬶ᭟᭐᭟ᬇᬗ᭄ᬕ᭄ᬬᬦ᭄ᬫᬮᬶᬄᬲᬶᬓ᭄ᬱᬲᬚ᭄ᬭᭀᬦᬶᬂᬯᬶᬯᬾᬓ᭞ᬤᬤᭀᬲ᭄ᬧᬗᭂᬫ᭄ᬩᬦ᭄ᬪᬸᬧᬢᬶ᭞ᬲᬦᬾᬲᬧᬸᬦᬶᬓ᭞ᬪᬕᬯᬵᬦ᭄ᬢᬫᬉᬢ᭄ᬢᬫ᭞ᬫᬗ᭄ᬕᭂᬄᬭᬶᬂᬚᬕᬢᬾᬲᬫᬶ᭞ᬓᬲᬶᬦᬳᬦ᭄ᬜ᭞ᬬᭀᬕ᭄ᬬᬧᬲᬶ
ᬗ᭄ᬕᬶᬄᬪᬓ᭄ᬢᬶᬦᬶᬦ᭄᭟᭐᭟ᬫᬓᬲᬶᬦ᭄ᬜᬧᬶᬤᬩ᭄ᬤᬩ᭄ᬲᬂᬫᬯᬭᬵᬢ᭄᭟ᬗᬸᬭᬸᬓ᭄ᬗᬚᬄᬯᬤ᭄ᬯᬲᬫᬶ᭞ᬇᬗ᭄ᬕ᭄ᬬᬦ᭄ᬚᬧᬸᬦᬶᬓ᭞ᬲᬦᬾᬍᬯᬶᬄᬫᬉᬢ᭄ᬢᬫ᭞ᬲᬦᬾᬫᬥ᭄ᬬᬦᬶᬱ᭄ᬝᬫᬮᬶᬄ᭞ᬓᬧᬢᭂᬳᬂ᭞ᬲᬫ᭄ᬬᬦ᭄ᬧᬥᬓ