Kaca:Bali-lontar-gaguritan-nitisara-300ppi.pdf/35

Kaca puniki sampun kauji-wacén

[᭓᭔ 34B]
᭓᭔᭟ᬳᬚᬳᬶᬦ᭄᭟᭐᭟ᬫᬓᬵᬤᬶᬦ᭄ᬜᬓᬧᬶᬢᬸᬢᬸᬭᬶᬦ᭄ᬲᬶᬦᬫ᭄ᬬᬦ᭄᭞ᬧᬳᬶᬦ᭄ᬤᬶᬓᬦ᭄ᬧᬓᬃᬤ᭄ᬟᬩᭂᬘᬶᬓ᭄᭞ᬦᬾᬓᬵᬗ᭄ᬕᬾᬦ᭄ᬚᬮᬭᬦ᭄᭞ᬤᬕᬶᬂᬤᬕᬶᬗᬶᬂᬓᬸᬝᬵᬭ᭞ᬓᬲᬄᬲᬳᬂᬫᬓᬲᬫᬶ᭞ᬳᭀᬭᬶᬸᬂᬮᬶᬄ
ᬲᬂᬦᬵᬣ᭞ᬫᬗ᭄ᬤᬲᬫ᭄ᬬᬦ᭄ᬧᬥᬳᬸᬦᬶᬂ᭟᭐᭟ᬯᬤ᭄ᬯᬲᬦᬾᬢᬦ᭄ᬲᬬᬂᬭᬶᬂᬧᬦᬕᬭ᭞ᬓᭂᬤᭀᬳᬂᬧᬸᬦᬶᬓᬲᬫᬶ᭞ᬲᬩᬘᬓᬦ᭄ᬘᭀᬭᬄ᭞ᬫᭂᬍᬤ᭄ᬗᬸᬮᬸᬭᬶᬦᬶᬦ᭄ᬤ᭄ᬭᬶᬬ᭞ᬚᬦ᭄ᬫᬦᬾᬕᭂᬤᬾᬦᬦ᭄ᬫᬸᬜᬶ᭞ᬜ
ᬲᬃᬮᬓ᭄ᬱᬡ᭞ᬚᬦ᭄ᬫᬫᬬᬸᬲ᭄ᬫᬓᬵᬤᬶᬦ᭄ᬜ᭟᭐᭟ᬚᬦ᭄ᬫᬲᬦᬾᬢᬦ᭄ᬫᬤ᭄ᬯᬾᬓᬵᬮᬸᬲᬦ᭄ᬫᬦᬄ᭞ᬜᬧᬓᬤ᭄ᬬᬓᬸᬚᭂᬤᬶᬕ᭄᭞ᬫᭀᬫᭀᬩ᭄ᬭᬗᬲᬦ᭄᭞ᬢᬦ᭄ᬫᬤ᭄ᬯᬾᬓᬲᬫ᭄ᬧᬸᬭᬦ᭄᭞ᬢᬦ᭄ᬗᬲᭀᬃᬪᬓ᭄ᬢᬶᬭᬶᬂ
ᬕᬸᬲ᭄ᬢᬶ᭞ᬚᬦ᭄ᬫᬤᭂᬕᬕ᭄᭞ᬦᬾᬗᬦᬾᬶᬸᬂᬯᬲᭂᬩᭂᬢ᭄ᬢᬦ᭄ᬫᬭᬶ᭟᭐᭟ᬫᬮᬶᬄᬚᬦ᭄ᬫᬲᬦᬾᬭᬸᬦ᭄ᬢᬶᬓ᭄ᬩᬺᬕᭂᬤᭂᬕᬦ᭄᭞ᬚᬦ᭄ᬫᬦᬾᬮᬗ᭄ᬕᬧ᭄ᬢᬦ᭄ᬫᬭᬶ᭞ᬚᬦ᭄ᬫᬩ᭄ᬭᬶᬗᬸᬢᬦ᭄᭞ᬦᬾᬓᬸᬫᭀᬦ᭄ᬫᬮ᭄ᬬᬂᬮ᭄ᬬᬂ᭞ᬲᬦᬾᬢᭂᬍᬩ᭄ᬭᬶᬂᬫᬵ
[᭓᭕ 35A]
ᬲ᭄ᬧᬶᬲᬦ᭄᭞ᬦᬾᬲᬢᬢ᭞ᬗᬘᭂᬧᬂᬤᬾᬯᬾᬓ᭄ᬧᬂᬲᬸᬕᬶᬄ᭟᭐᭟ᬮ᭄ᬬᬦ᭄ᬫᬮᬶᬄᬚᬦ᭄ᬫᬦᬾᬗᭀᬧᭂᬢ᭄ᬕᬸᬲ᭄ᬢᬶᬦ᭄ᬜ᭞ᬚᬦ᭄ᬫᬚᬸᬫ᭄ᬩᬸᬄᬘᭀᬭᬄᬍᬗᬶᬢ᭄᭞ᬦᬾᬤᬳᬢ᭄ᬯᬶᬭᭀᬲ᭞ᬢᬦ᭄ᬫᬭᬶᬚᬮᬩᬯᭀᬲ᭄ᬜ
᭞ᬲᭀᬭᭀᬳᬦ᭄ᬧᬸᬦᬶᬓᬲᬫᬶ᭞ᬢᬦ᭄ᬓᬯᭂᬦᬗᬦ᭄᭞ᬤᬤᭀᬲ᭄ᬧᬗᬸᬋᬕ᭄ᬧ᭄ᬭᬚᬸᬭᬶᬢ᭄᭟᭐᭟ᬩᬘᬓᬦᬾᬤᬤᭀᬲ᭄ᬓᬯᭂᬦᬗᬂ᭞ᬫᬗᭀᬋᬕᬂᬳᬶᬧ᭄ᬭᬚᬸᬭᬶᬢ᭄᭞ᬧᬢ᭄ᬧᬢ᭄ᬯᬶᬮᬗᬦ᭄ᬜ᭞
ᬬᭀᬕ᭄ᬬᬳᬸᬦᬶᬗᬶᬦ᭄ᬲᬶᬦᬫ᭄ᬬᬦ᭄᭞ᬧᬶᬋᬗᬂᬤᬾᬯᬦᬾᬫᬗ᭄ᬓᬶᬦ᭄᭞ᬓᬧ᭄ᬭᬢᬫ᭞ᬧᬸᬭᬸᬱᬯᬶᬭᭀᬲᬾᬂᬚᬸᬭᬶᬢ᭄᭟᭐᭟ᬧᬶᬂᬭᭀᬯᬦ᭄ᬜᬧᬕᭂᬄᬳᬮᭀᬢ᭄ᬚ᭄ᬭᭀᬦᬶᬂᬪᬬ᭞ᬦᬾᬓᬧᬶᬂᬢᬶ
ᬕᬫᬮᬶᬄ᭞ᬢᬦ᭄ᬧᬗᬾᬢᬂᬯᬗ᭄ᬰ᭞ᬫᬳᬬᬸᬮᬦ᭄ᬫᬫᬶᬥᬦ᭞ᬓᬧᬶᬂᬳᭂᬫ᭄ᬧᬢ᭄ᬧᬕᭂᬄ᭞ᬜᬬᬸᬩᬶᬦ᭄᭞ᬧᬭᬢᬧ᭞ᬫᬗ᭄ᬕᭂᬄᬫᬗ᭄ᬕᬮᬦᬶᬂᬚᬸᬭᬶᬢ᭄᭟᭐᭟ᬢᬗ᭄ᬕᭂᬦᬾᬭᬶᬂᬓᬲᬗ᭄ᬲ