[᭓᭕ 35B]
᭓᭕᭟
ᬭᬦ᭄ᬧᬶᬓᭀᬮᬶᬄᬜ᭞ᬫᬭᬹᬧᬳᬦ᭄ᬤᬧᬦ᭄ᬭᬭᬶᬲ᭄᭞ᬬᬦ᭄ᬭᬶᬂᬓᬯᬶᬭᭀᬲᬦ᭄᭞ᬇᬡ᭄ᬟᬶᬓᬾᬢᬦ᭄ᬗᬾᬢᬂᬯᬗ᭄ᬰ᭞ᬩᭂᬘᬶᬓᬦ᭄ᬧᬸᬦᬶᬓᬯ᭄ᬬᬓ᭄ᬢᬶ᭞ᬭᬶᬂᬓᬢᬗ᭄ᬕᭂᬦᬦ᭄᭞ᬤᬸᬓ᭄ᬱᬗ᭄ᬲᬭᬪᬬ
ᬧᬢᬶ᭟᭐᭟ᬲᬦᬾᬯᬦ᭄ᬢᭂᬦ᭄ᬬᬦ᭄ᬓ᭄ᬭᬢᬖ᭄ᬦᬧᬸᬦᬶᬓ᭞ᬓᬾᬗᬶᬦᬦ᭄ᬩᭂᬘᬶᬓᬦ᭄ᬭᬭᬶᬲ᭄᭞ᬦᬾᬫᬫᬶᬭᬢ᭄ᬟᬦ᭞ᬲᬧᬸᬦᬶᬓᬧᬶᬤᬩ᭄ᬤᬩ᭄ᬜ᭞ᬲᬦᬾᬬᭀᬕ᭄ᬬᬓᬧᬶᬮᬶᬳᬶᬦ᭄᭞ᬳᭀᬮᬶᬄᬳᬶᬤ᭞ᬲᬂᬤᬤᬶᬧ
ᬗᬫᭀᬂᬕᬸᬫᬶ᭟᭐᭟ᬲᬓᬜ᭄ᬘᬦᬶᬂᬧᬶᬢᬸᬤᬸᬄᬳᬶᬤᬲᬂᬦᬵᬣ᭞ᬫᬗ᭄ᬕᬶᬸᬂᬗ᭄ᬕᭂᬄᬧᬓᬃᬬ᭄ᬬᬦ᭄ᬧᬫᬢᬶᬄ᭞ᬢᬢᬶᬕᬓᬶᬦᬸᬘᬧ᭄᭞ᬯᭀᬄᬜᬧᬘᬂᬓᬧᬸᬧᬸᬳᬂ᭞ᬬᬾᬦᬶᬂᬲᬳᬶᬭᬶᬂᬕᬸᬲ᭄ᬢᬶ᭞ᬯᬶ
ᬮᬗᬦ᭄ᬜ᭞ᬧᬸᬋᬂᬚ᭄ᬯᬲᬶᬓᬶᬲᬶᬓᬶ᭟᭐᭟ᬓᬧ᭄ᬭᬢᬫᬫᭀᬮᬶᬄᬲ᭄ᬯᬃᬕ᭄ᬕᬫᬉᬢ᭄ᬢᬫ᭞ᬅᬃᬣᬩ᭄ᬭᬡᬦᬾᬧᬶᬂᬓᬮᬶᬄ᭞ᬓᬥᬃᬫ᭄ᬫᬦ᭄ᬧᬶᬂᬢᬶᬕ᭞ᬦᬾᬯᬶᬢ᭄ᬓᬶᬸᬂᬯᬶᬸᬂᬢ᭄ᬲᬓᬾᬂᬓᬯᬶᬰᬾᬱᬦ᭄᭞ᬫ
[᭓᭖ 36A]
ᬓᬵᬤᬶᬧᬭᬧᬫᬢᬶᬄ᭞ᬦᬾᬗᬯᬶᬦᬂ᭞ᬲᬶᬤ᭄ᬟᬧᬭᬶᬧᬸᬃᬡ᭄ᬦᬭᬭᬶᬲ᭄᭟᭐᭟ᬫᬓᬵᬤᬶᬦ᭄ᬜᬓᬩᭂᬘᬶᬓᬦ᭄ᬲᬦᬾᬢᬢᬶᬕ᭞ᬬᭀᬕ᭄ᬬᬓᬮᬓ᭄ᬱᬡᬬᬂᬲᬫᬶ᭞ᬳᭀᬮᬶᬄᬧᬭᬫᬦ᭄ᬢ᭄ᬭᬶᬬ᭞ᬦᬾᬫ
ᬗ᭄ᬕᭂᬄᬭᬶᬂᬓᬉᬢ᭄ᬢᬫᬦ᭄᭞ᬓᬢᭂᬕᭂᬧᬦ᭄ᬓᬧᬶᬂᬲᬶᬓᬶ᭞ᬭᬶᬂᬓᬯᬶᬓᬦᬦ᭄᭞ᬚ᭄ᬭᭀᬦᬶᬂᬓᬯᬶᬕᬸᬡᬦ᭄ᬲᬫᬶ᭟᭐᭟ᬓᬧᬶᬂᬭᭀᬯᬧᬳᬶᬡ᭄ᬟᬶᬓᬦ᭄ᬓᬧᬸᬭᬸᬲᬦ᭄᭞ᬢ᭄ᬭᬶᬯᬃᬕ᭄ᬕᬦᬾᬓᬧᬶᬂᬢ᭄ᬭᬶᬦᬶ᭞ᬯᬸᬲ᭄ᬓᬳᬸᬫᬦ᭄ᬤᭂᬮᬂ
᭞ᬢᬸᬃᬧᬕᭂᬄᬚ᭄ᬭᭀᬦᬶᬂᬚ᭄ᬜᬵᬦ᭞ᬬᬦ᭄ᬢᬦ᭄ᬓᭀᬗ᭄ᬕ᭄ᬯᬦ᭄ᬫᬓᬢ᭄ᬭᬶᬦᬶ᭞ᬯᭂᬦᬂᬓᬲᬸᬭᬸᬤᬂ᭞ᬳᭀᬮᬶᬄᬲᬂᬳᬫᬯᬕᬸᬫᬶ᭟᭐᭟ᬲᬓᬜ᭄ᬘᬦᬶᬂᬓᬯᬶᬕᬸᬡᬦ᭄ᬯ᭄ᬬᬓ᭄ᬢᬶᬦ᭄ᬜ᭞ᬫᬯᬶᬢ᭄ᬲᬓᬶᬂᬫᬳᬵᬋᬱᬶ᭞ᬬᬾᬦᬶᬂᬓ
ᬘᭀᬭᬳᬦ᭄᭞ᬓᬚᬭᬸᬳᬦ᭄ᬫᬓᬵᬤᬶᬦ᭄ᬜ᭞ᬯᬶᬢ᭄ᬲᬓᬶᬂᬳᬶᬘᭀᬭᬄᬫᬶᬚᬶᬮ᭄᭞ᬦᬾᬲᬢᬢ᭞ᬮᭀᬪᬫᭀᬳᬫᬗ᭄ᬭᬗ᭄ᬲᬸᬓᬶᬦ᭄᭟᭐᭟ᬲᬚ᭄ᬭᭀᬦᬶᬂᬲᬂᬫᭀᬫᭀᬲ᭄ᬬᬸᬧᬸᬦᬶᬓ᭞ᬬᬦ᭄ᬧ᭄ᬭᬤᬾᬯᬾ
Kaca:Bali-lontar-gaguritan-nitisara-300ppi.pdf/36
Kaca puniki sampun kauji-wacén
