Kaca:Bali-lontar-gaguritan-nitisara-300ppi.pdf/7

Kaca puniki sampun kauji-wacén

[᭖ 6B]
᭖᭟
᭞ᬉᬢ᭄ᬢᬫᬦᬶᬂᬫᬉᬢ᭄ᬢᬫ᭞ᬲᬧᬸᬦᬶᬓᬓᬯᬱ᭄ᬝᬦᬶᬦ᭄᭞ᬤᬕᬶᬂᬳᬶᬧᬸᬦ᭄᭞ᬗᬦᬹᬢᬶᬦᬸᬢ᭄ᬲᬳᬓᬃᬬ᭄ᬬ᭟᭐᭟ᬲᬚ᭄ᬭᭀᬦᬶᬂᬓᬬᬦᬾᬧᬢ᭄ᬧᬢ᭄᭞ᬩᬘᬓᬦ᭄ᬜᬲᬶᬓᬶᬲᬶᬓᬶ᭞ᬲᬫᬪᬾᬤᬥᬦᬤᬦ᭄ᬟ᭞ᬚ᭄ᬭᭀᬦᬶᬂᬫᬕ᭄ᬮᬭ
ᬦ᭄ᬲᬫᬶ᭞ᬦᬬᬥᬦᬧᬶᬦᬶᬄᬍᬯᬶᬄ᭞ᬭᬾᬄᬲᬫᬪᬾᬤᬤᬦ᭄ᬟᬾᬓᬸ᭞ᬓᬾᬗᬶᬦᬦ᭄ᬜᬢᬦ᭄ᬧᬕᬸᬡ᭞ᬬᬦ᭄ᬢᬦ᭄ᬟᬦᬦᬾᬗᬗ᭄ᬓᭂᬧᬶᬦ᭄᭞ᬤᬕᬶᬂᬳᬶᬧᬸᬦ᭄᭞ᬦᬬᬥᬦᬦᬾᬧᬫᭂᬓᬲ᭄᭟᭐᭟ᬲᬂᬗᬸᬗ᭄ᬲᬾᬂᬰᬢ᭄ᬭᬸᬧᬢ᭠
ᬢ᭄ᬜ᭞ᬦᬬᬦᬾᬧᬢ᭄ᬧᬢ᭄ᬓ᭄ᬯᬫᭀᬗᬶᬦ᭄᭞ᬫᬋᬧ᭄ᬭᬶᬂᬰᬢ᭄ᬭᬸᬧᬲᬗᬂ᭞ᬚᬦ᭄ᬢᭂᬦ᭄ᬰᬢ᭄ᬭᬸᬦᬾᬬᬮᬶᬮᬶᬄ᭞ᬓᬾᬗᬶᬦᬦ᭄ᬫᬮᬶᬄᬯᭂᬯᭂᬳᬶᬦ᭄᭞ᬧ᭄ᬭᬚᬸᬭᬶᬢᬶᬤᬾᬯᬳᬶᬓᬸ᭞ᬫᬗ᭄ᬤᬲᬫ᭄ᬬᬦ᭄ᬯᬶᬭᭀᬲ᭞ᬭᬶᬂᬧᬬᬸᬤᬦ᭄ᬗᬤᬸᬚᬸᬭᬶᬢ᭄᭞
ᬲᬶᬦᬄᬮᬯᬸᬢ᭄᭞ᬧ᭄ᬭᬲᬶᬤ᭄ᬟᬰᬢ᭄ᬭᬸᬦᬾᬓᬮᬄ᭟᭐᭟ᬤᬜᬶᬦᬳᬂᬭᬶᬂᬯᭀᬮ᭄ᬬᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬲᬦᬾᬓᬚ᭄ᬭᬶᬳᬶᬦ᭄᭞ᬫᭂᬦᭂᬂᬧ᭄ᬭᬶᬄᬲᬭᬢᬂᬧᬶᬲᬦ᭄᭞ᬓᬯᬶᬭᭀᬲᬦᬧ᭄ᬭᬚᬸᬭᬶᬢ᭄᭞ᬫᬗᬤᬸᬮᬕᬢᬦ᭄ᬕᬶᬗ᭄ᬲᬶᬃ
[᭗ 7A]
ᬭᬶᬂᬰᬢ᭄ᬭᬸᬲᬵᬫ᭄ᬧᬸᬦᬂᬩᭂᬕᬸᬕ᭄᭞ᬭᬾᬄᬗᬯᭂᬯᭂᬳᬶᬦ᭄ᬓᬤᬶᬭᬦ᭄᭞ᬓᬧᬶᬭᬓᭀᬰᬦᬶᬂᬳᬭᬶ᭞ᬫᭂᬦᭂᬂᬭᬢᬸ᭞ᬫᬗ᭄ᬤᬮ᭄ᬯᬶᬃᬕᭂᬦᬶᬫᬦᬶᬮᬧ᭄᭟᭐᭟ᬩᭀᬬᬯᬾᬦ᭄ᬢᭂᬦ᭄ᬧ᭄ᬭᬓᬦ᭄ᬢ᭄ᬬᬦ᭄᭞ᬲᬦᬾᬧ᭄ᬤᬲᬶᬦ᭄ᬟ
ᬗᬮᬗ᭄ᬓᬸᬗᬶᬦ᭄᭞ᬓᬧ᭄ᬭᬚ᭄ᬜᬵᬦᬦᬾᬧᬸᬦᬶᬓ᭞ᬢᬦ᭄ᬯᬾᬦ᭄ᬢᭂᬦ᭄ᬫᬸᬲᬸᬄᬧᬶᬢ᭄ᬯᬶ᭞ᬲᬦᬾᬧ᭄ᬭᬲᬶᬤ᭄ᬟᬗᬮᬗ᭄ᬓᬸᬗᬶᬦ᭄᭞ᬫᬗ᭄ᬕ᭄ᬯᬶᬂᬓ᭄ᬭᭀᬤᬦᬾᬭᬶᬂᬓᬬᬸᬦ᭄᭞ᬩᭀᬬᬯᬾᬦ᭄ᬢᭂᬦ᭄ᬓᬲᬬᬗᬦ᭄᭞ᬲᬦᬾᬧ᭄ᬭᬲᬶᬤ᭄ᬟᬗᬮᬗ᭄ᬓᬸᬗᬶᬦ᭄᭞
ᬫᬋᬧᬶᬧᬸᬦ᭄᭞ᬓᬲᬬᬗᬦᬾᬭᬶᬂᬧ᭄ᬬᬦᬓ᭄᭟᭐᭟ᬢᬦ᭄ᬯᬾᬦ᭄ᬢᭂᬦ᭄ᬰᬓ᭄ᬢᬶᬓᬶᬦᬸᬘᬧ᭄᭞ᬮ᭄ᬯᬶᬳᬦ᭄ᬭᬶᬂᬢᬶᬢᬄᬯ᭄ᬬᬓ᭄ᬢᬶ᭞ᬤ᭄ᬯᬦᬶᬂᬢᬶᬢᬄᬳᬧᬸᬦᬶᬓ᭞ᬫᬗ᭄ᬕᭂᬄᬚᭀᬢᬶᬍᬯᬶᬄᬰᬓ᭄ᬢᬶ᭞ᬇᬗ᭄ᬕ᭄ᬬᬦ᭄ᬲᬧᬲᬶᬭᬭᬭᬶᬲ᭄᭞ᬩᭀᬬ
ᬫ᭄ᬭᬲᬶᬤᬬᬂᬳᬶᬧᬸᬦ᭄᭞ᬗᬦ᭄ᬤᭂᬕᬂᬢᬶᬢᬄᬧᬸᬦᬶᬓ᭞ᬦᬾᬓᬢᬄᬓᬯᬵᬱ᭄ᬝᬦᬶᬦ᭄ᬦᬲᬶᬩ᭄᭞ᬘᭂᬦ᭄ᬤᭂᬓᬶᬧᬸᬦ᭄᭞ᬢᬶᬢᬳᬾᬧᬮᬶᬂᬓᬯᬰ᭟᭐᭟ᬬᬾᬦᬶᬂᬳᬶᬲᬓ᭄ᬱᬶᬓᭀᬓᬶᬮ᭞ᬓᬋᬫ᭄ᬧᬸᬳᬦ᭄ᬲ᭄ᬯᬳᭂᬳᬦᬾᬓᬶ᭞ᬓ