[᭗ 7B]
᭗᭟
ᬗ᭄ᬕᭂᬳᬂᬤᬤᭀᬲ᭄ᬩᬩᬸᬗᬄ᭞ᬬᬓᭀᬢ᭄ᬢᬫᬦᬓᬶᬂᬦᬓᬶᬲ᭄ᬢ᭄ᬭᬷ᭞ᬓᬲᬢ᭄ᬬᬦᬾᬭᬶᬂᬲᬂᬮᬓᬶ᭞ᬓᬗ᭄ᬕᭂᬳᬂᬫᬸᬲ᭄ᬢᬶᬓᬦᬶᬧᬸᬦ᭄᭞ᬲᬚ᭄ᬭᭀᬦᬶᬂᬘᬢᬸᬃᬯᬾᬤ᭞ᬰᬵᬲ᭄ᬢ᭄ᬭᬅᬕᬫᬧᬶᬢ᭄ᬯᬶ᭞ᬧᬯᬭᬄᬕᬸᬭᬸ᭞ᬧᬸᬦᬶᬓᬦᬾᬓᭀᬢ᭄ᬢᬫ
ᬬᬂ᭟᭐᭟ᬲᬚ᭄ᬭᭀᬦᬶᬂᬲᬂᬧᬡ᭄ᬟᬶᬢ᭞ᬦᬾᬓᬗ᭄ᬕᭂᬳᬂᬫᬉᬢ᭄ᬢᬫᬶ᭞ᬯᬦ᭄ᬢᬄᬓᬲᬵᬫ᭄ᬧᬸᬭᬦᬶᬤ᭞ᬦᬾᬓᭂᬢᬄᬤᬃᬫ᭄ᬫᬓᬤᬦᬶᬦ᭄᭞ᬭᬾᬄᬥᬃᬫ᭄ᬫᬭᬸᬭᬸᬗᬾᬮ᭄ᬯᬶᬄ᭞ᬤᬤᬶᬧᬗᬩᬶᬄᬧᬦᬸᬦ᭄ᬢᬸᬦ᭄᭞ᬦᬾᬧᬘᬂᬲᬶᬤ᭄ᬟᬗᭀ᭠
ᬚᭀᬕᬂ᭞ᬦᬸᬚᬸᬓᬢᭀᬗᭀᬲᬾᬮ᭄ᬯᬶᬄ᭞ᬲᬶᬤ᭄ᬟᬫᬗ᭄ᬕᬸᬄ᭞ᬲᬸᬓᬩ᭄ᬬᬤᬬᬦᬶᬲ᭄ᬓᬮ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬳᬦᬓᬾᬦᬾᬲᬸᬕᬶᬄᬦᬤᬓ᭄᭞ᬲᬬᬂᬧᬶᬲᬦ᭄᭞ᬦᬾᬢᬦ᭄ᬯ᭄ᬭᬸᬳᬶᬂᬰᬵᬲ᭄ᬢ᭄ᬭᬳᬚᬶ᭞ᬢᬍᬃᬲ
ᬧᬸᬦᬶᬓᬳᬶᬧᬸᬦ᭄᭞ᬢᬭᬸᬡᬦᬾᬩᬕᬸᬲ᭄ᬗᭀᬜᬂ᭞ᬢᬸᬃᬫᬯᬗ᭄ᬰ᭞ᬓᬲᬶᬤ᭄ᬟᬦᬲᬶᬂᬓᬓᬬᬸᬦ᭄᭞ᬢᬦ᭄ᬯ᭄ᬭᬶᬂᬰᬵᬲ᭄ᬢ᭄ᬭᬆᬕᬫ᭞ᬉᬘᭂᬫ᭄ᬢᬦ᭄ᬧᬢᬾᬚᬫᭂᬜᬶ᭟᭐᭟ᬚᬦ᭄ᬫᬲᬦᬾᬧᬸᬦᬶᬓ᭞ᬬᬦᬸᬧ
[᭘ 8A]
ᬫ᭄ᬬᬂ᭞ᬓᬯᬾᬦ᭄ᬢᭂᬦᬦ᭄ᬜᬦᬾᬲᬫᬶ᭞ᬧᬢᬶᬲ᭄ᬓᬤᬶᬩᬸᬗᬦ᭄ᬓᭂᬧᬸᬄ᭞ᬩᬭᬦ᭄ᬤᬶᬮᬄᬗᬭᬩᬭᬩ᭄᭞ᬦᬗ᭄ᬳᬶᬂᬫᬫᬸᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬫᬶᬬᬶᬓᬦᬶᬧᬸᬦ᭄᭞ᬲᬧᬸᬦᬶᬓᬯᬮᬸᬬᬦ᭄ᬜ᭞ᬚᬦ᭄ᬫᬦᬾᬢᬦ᭄ᬯ᭄ᬭᬸᬳᬾᬂᬳᬚᬶ᭟
᭐᭟ᬬᬦ᭄ᬲᬚ᭄ᬭᭀᬦᬸᬂᬓᬯᬗ᭄ᬰᬦ᭄᭞ᬓᬲᬸᬰᬷᬮᬦ᭄᭞ᬳᬗ᭄ᬕᬾᬦ᭄ᬧᬸᬦᬶᬓᬦᭂᬗᭂᬭᬶᬦ᭄᭞ᬢᬍᬯᬶᬳᬦ᭄ᬯᬗ᭄ᬰᬳᬶᬓᬸ᭞ᬬᬦ᭄ᬗᬸᬦᬶᬗᬶᬦᬼᬯᬶᬄᬭᬬᬸᬦᬦ᭄᭞ᬓᬫᭀᬓᭀᬳᬦ᭄᭞ᬫᬶᬯᬄᬓᬍᬫᬸᬢᬦᬶᬧᬸᬦ᭄
᭟ᬧᬸᬦᬶᬓᬳᬗ᭄ᬕᬾᬦ᭄ᬜᬶᬦᬳᬂ᭞ᬦᭂᬗᭂᬭᬶᬦ᭄ᬦᬾᬫᬓᬓᬮᬶᬄ᭟᭐᭟ᬢᬺᬱ᭄ᬡᬳᬲᬶᬳᬶᬂᬲᬯᬶᬢ᭄ᬭ᭞ᬲᬫ᭄ᬩ᭄ᬭᬫᬦ᭄ᬜ᭞ᬦᬾᬗᬢᭂᬍᬩ᭄ᬦᭂᬓᬾᬂᬳᬢᬶ᭞ᬧᬸᬦᬶᬓᬢᭂᬗᭂᬭᬦᬶᬧᬸᬦ᭄᭞ᬲᬚ᭄ᬭᭀᬦᬶᬂᬓᬲᬫ᭄ᬧᬸᬭ
ᬦ᭄᭞ᬓᬤᭂᬕ᭄ᬤᭂᬕᬦ᭄᭞ᬫᬶᬯᬄᬓᬮᬦ᭄ᬤᬳᬦᬶᬓᬸ᭞ᬧᬸᬦᬶᬓᬳᬗ᭄ᬕᬾᬦ᭄ᬗᬯᬲᬂ᭞ᬘᬶᬳ᭄ᬦᬦ᭄ᬲᬂᬧᬸᬢᬸᬲᬶᬂᬳᬚᬷ᭟᭐᭟ᬬᬾᬦᬶᬂᬳᬶᬧᬸᬦᬶᬮᬮᬶᬧᬦ᭄᭞ᬫᬭᬶᬂᬢᭂᬦ᭄ᬤᬲ᭄᭞ᬕᭂᬦᬄᬯᬶᬧ᭄ᬬᬦ᭄ᬜᬦᬾᬗᭂᬲᬶ᭠
Kaca:Bali-lontar-gaguritan-nitisara-300ppi.pdf/8
Kaca puniki sampun kauji-wacén
