Kaca:Bali-lontar-gaguritan-nitisara-300ppi.pdf/9

Kaca puniki sampun kauji-wacén

[᭘ 8B]
᭘᭟
ᬮ᭄᭞ᬳᬢᬼᬤᬸᬭᬶᬂᬭᬸᬜ᭄ᬘᬸᬓᬶᬓᬸᬢ᭄᭞ᬉᬧᬲ᭄ᬜᬦᬾᬓᬲᬶᬗᬶᬤᬂ᭞ᬬᬦᬶᬯᬸᬮ᭞ᬭᬶᬂᬘᬮᬶᬂᬯᬶᬱ᭄ᬬᬦᬶᬂᬳᬸᬦ᭄ᬢᬸ᭞ᬯᬶᬱ᭄ᬬᬦᬶᬂᬘᭀᬭᬄᬭᬶᬂᬳᬯᬓ᭄᭞ᬲᬩᬸᬓᬸᬩᬸᬓᬸᬓᬾᬩᭂᬓᬶᬦ᭄᭟᭐᭟ᬓᬰᬦ᭄ᬢ᭄ᬬᬦ᭄ᬭᬭᬾᬦᬾ
ᬲᬶᬦᬄ᭞ᬤᬸᬓ᭄ᬫᬘᬭ᭞ᬫᬯᬲᬦᬓᬢᬸᬮᬸᬗᬶᬦ᭄᭞ᬓᬾᬫᬦ᭄ᬓᬓᬲᬶᬳᬶᬦ᭄ᬮᬯᬸᬢ᭄᭞ᬦᬗ᭄ᬳᬶᬂᬓᬓ᭄ᬯᬢᬦᬶᬉᬮᬫ᭄᭞ᬫᬭᬶᬂᬢᭀᬬ᭞ᬦᬾᬥᬍᬫᬕᬸᬂᬫᬗᬮᬸᬦ᭄᭞ᬓᬯᬶᬰᬾᬱᬦ᭄ᬧᬓ᭄ᬱᬶᬳᬶᬓ᭞ᬫᬩᬸᬭᬶᬂᬳ
ᬫ᭄ᬩᬳᬗᬕ᭄ᬮᬶᬓ᭄᭟᭐᭟ᬲᬂᬧ᭄ᬭᬪᬸᬓᬵᬗ᭄ᬕᭂᬄᬯᬶᬰᬾᬱ᭟ᬬᬦ᭄ᬓᬾᬩᭂᬓᬦ᭄᭞ᬧᬕ᭄ᬮᬧᬦᬶᬂᬯᬤ᭄ᬬᬢᬶᬢᬶᬩ᭄᭞ᬧᬯᬢᭂᬲᬦ᭄ᬫᬗ᭄ᬓᬶᬦ᭄ᬓᬯᬸᬲᬶᬸᬂᬯᬸᬲ᭄᭞ᬦᬾᬓᬶᬦᬸᬘᬧᬬᭀᬚᬦ᭞ᬓᬧᬲ᭄ᬢᬶᬓ᭞ᬥᬰᬢᬮᬶᬤᭂᬧᬓᬾᬢᬸᬂ᭞
ᬧᬗᬸᬯᬸᬩ᭄ᬲ᭄ᬯᬭᬦᬶᬂᬕᭀᬂᬪᬭ᭄ᬬ᭞ᬳᬬᭀᬚᬦᬩᬸᬢᬸᬮ᭄ᬲᬫᬶ᭟᭐᭟ᬭᭀᬭᬲ᭄ᬯᭀᬚᬦᬓᬶᬦᬸᬘᬧ᭄᭞ᬫᬗᬫ᭄ᬩᬭ᭞ᬓ᭄ᬭᬾᬩᬾᬓᬦ᭄ᬓᬶᬮᬧᬾᬦᬶᬦ᭄ᬤᬶᬄ᭞ᬦᬗ᭄ᬳᬶᬂᬧᬯᬭᬄᬲᬂᬕᬸᬭᬸ᭞ᬦᬾᬫᬧᬯᭀᬗᬦᬸ
[᭙ 9A]
ᬢ᭄ᬢᬫ᭞ᬧᭂᬦᬸᬄᬲᭂᬲᭃᬓ᭄᭞ᬗᬾᬩᭂᬓ᭄ᬫᬭᬶᬂᬚᬕᬢ᭄ᬯᬶᬩᬸᬄ᭞ᬢᬦ᭄ᬧᬢᬗ᭄ᬕᬸᬢᬦ᭄ᬧᬯᬢᭂᬲᬦ᭄᭞ᬢᬸᬃᬲᬫ᭄ᬬᬦ᭄ᬧᬥᬫᬫᬸᬜᬶ᭟᭐᭟ᬳᬶᬤᬲᬂᬮ᭄ᬯᬶᬳᬶᬂᬓᬯᭀᬗᬦ᭄᭞ᬩᭀᬬᬧᬶᬲᬦ᭄ᬓᬧᬢᬹᬢ᭄ᬗᬚᭂᬗᬂᬤᬕᬶᬂ
᭞ᬦᬾᬗ᭄ᬭᬜ᭄ᬚᬶᬂᬩᬘᬓᬦᬼᬢᬸᬄ᭞ᬓᬧᬢᬹᬢᬶᬤᬗᭂᬚᭀᬳᬂ᭞ᬦᬾᬗᬯᬶᬦᬂ᭞ᬭᬵᬕᬰᬭᬷᬭᬦᬾᬍᬢᬸᬄ᭞ᬍᬢᬸᬳᬶᬂᬭᬵᬕᬗᬯᬶᬦᬂ᭞ᬰᬢ᭄ᬭᬸᬚᬩᬚ᭄ᬭᭀᬦᬶᬦ᭄ᬤᬶᬄ᭟᭐᭟ᬩᬘᬓᬦ᭄ᬤᬕᬶᬗᬾᬘᬫᬄ᭞ᬩᬶ
ᬓᬸᬮ᭄ᬘᬶᬘᬶᬂᬓᬢᬓᬸᬍᬤ᭄ᬮᬦ᭄ᬮᬮᬶᬧᬶ᭞ᬲᬫᬮᬶᬄᬘᬘᬶᬂᬧᬸᬦᬶᬓᬸ᭞ᬤ᭄ᬯᬦᬶᬂᬢᬦ᭄ᬧᬶᬲᬦ᭄ᬓ᭄ᬯᬯᭂᬦᬗᬂ᭞ᬭᬾᬄᬧᬸᬦᬶᬓ᭞ᬗᬭᬜ᭄ᬚᬶᬂᬧᬧᬗᬦᬦᬼᬢᬸᬄ᭞ᬫᬵᬦᬹᬢ᭄ᬦᬶᬢᬶᬲᬭᬰᬵᬲ᭄ᬢ᭄ᬭ᭞ᬲᬫ᭄ᬬᬦ᭄ᬧᬸᬦᬶᬓᬓ᭄ᬮᬶᬤᬶᬦ᭄᭟
᭐᭟ᬲᬵᬫ᭄ᬧᬸᬦᬂᬚᬳᭀᬯᬭᬶᬘᬾᬥ᭞ᬫᬚᭂᬂᬳᬶᬤ᭞ᬲᬂᬫᬭᬵᬕᬧᬡ᭄ᬟᬶᬢᬚᬵᬢᬶ᭞ᬤ᭄ᬯᬦᬶᬂᬢᬦᬸᬭᬸᬗᬦ᭄ᬮᬯᬸᬢ᭄᭞ᬓᬢᬶᬩᬦ᭄ᬮᬘᬸᬃᬤᬤᬓᬦ᭄᭞ᬩᬶᬮᬶᬄᬓᬾᬬᬦ᭄᭞ᬳᬶᬤᬤᬦᬾᬧᬘᬂᬧᬸᬭᬸᬦ᭄᭞ᬫᬜ