Kaca puniki sampun kauji-wacén
[᭙᭔ 94B]
᭙᭔
ᬢ᭄ᬓᬮᬶᬄᬓᬧᬶᬗ᭄ᬮᬸᬄ᭞ᬩᬬᬦ᭄ᬲᬗ᭄ᬳᬶᬢ᭄ᬗᬶᬦ᭄ᬢᬾᬗᭂᬫ᭄ᬩᬦ᭄᭞ᬧᬥᬦᬗᬶᬲ᭄᭞ᬓᬧᬲᬶᬭᬦ᭄ᬧᬗᭀᬦᭂᬗᬦ᭄᭟ᬫᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬢᭀᬂᬫ
ᬤᬬᬢᬶᬢ᭄ᬬᬂᬓᬧᬗ᭄ᬕᬶᬄ᭞ᬭᬶᬂᬧᬤᬸᬓᬫᬡᬶᬓ᭄ᬓᬤᬢᭀᬦ᭄᭞ᬭᬱᬦ᭄ᬫᬦᬄᬢᬶᬢ᭄ᬬᬂᬭᬢᬸ᭞ᬲᬓ᭄ᬱᬢ᭄ᬫᬫᬗ᭄ᬕᬶᬳᬶᬦ᭄ᬲᬸᬃᬬ᭄ᬬ᭞ᬢᭂᬗᬄᬯᭂᬗᬶ᭞ᬲᬧᬸᬦᬶ
ᬓᬫᬦᬄᬢᬶᬢ᭄ᬬᬂ᭟ᬳᬸᬫ᭄ᬬᬂᬢᬗᬶᬲᬾᬭᬶᬂᬫᬃᬕ᭄ᬕ᭞ᬧ᭄ᬭᬫᬾᬰ᭄ᬯᬭᬶᬭᬤᬾᬯᬶᬸᬦ᭄ᬤᬾᬯᬶ᭞ᬫᬶᬯᬄᬧᬭᬧᬜ᭄ᬚ᭄ᬭᭀᬯᬦ᭄᭞ᬳᬶᬧᬢᬶᬄᬓᬤᬾᬭᬶᬫ
ᬫᭂᬓᬸᬮ᭄᭞ᬘᭀᬓᭀᬃᬳᬶᬤᬭᬳᬤ᭄ᬬᬦ᭄᭞ᬢᬸᬃᬫᬪᬓ᭄ᬢᬶ᭞ᬫᬗᬢᬸᬭᬂᬓᬲᬶᬲᬶᬧᬦ᭄᭟ᬳᬾᬮᬶᬂᬭᬶᬂᬫᬃᬕ᭄ᬕᬦᬾᬓᬸᬦ᭞ᬫᬦᬗᬦᬶᬦ᭄ᬭᬤᬾ
[᭙᭕ 95A]
ᬦ᭄ᬫᬦ᭄ᬢ᭄ᬭᬶ᭞ᬓᬮᬶᬄᬫᬜᭂᬩᬸᬭᬶᬦ᭄ᬤᬱ᭞ᬚᬦᬶᬗᬯᬍᬲᬂᬳᬢᬸᬃ᭞ᬧᬓᬺᬗᬶᬦ᭄ᬩᬳᬦ᭄ᬫᬧᬶᬦᬸᬦᬲ᭄᭞ᬫᬵᬢᬸᬃᬲᬶᬲᬶᬧ᭄᭞ᬳᬧᬂᬳᬶᬤᬕᭂᬂᬜᬫ᭄ᬧᬸ
ᬭ᭟ᬭᬢᬸᬩᬕᬸᬲ᭄ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬳᬮᭀᬦ᭄᭞ᬳᭂᬤᬧᬫᬦ᭄ᬲᭂᬩᭂᬢ᭄ᬓᬬᬸᬦ᭄᭞ᬧᬫᬦ᭄ᬢ
ᬦ᭄ᬫᬤᬸᬯᬾᬲᬮᬄ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬩᭀᬩᬩ᭄ᬗᬓᬸᬤᬾᬯᬾᬓ᭄ᬰᬸᬤ᭄ᬭ᭟ᬲᬧᬸᬦᬶᬓᬋᬓᬾᬭᬶᬂᬫᬃᬕ᭄ᬕ᭞ᬢᬸᬫᬸᬮᬶᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬭᬯᬸᬄᬲᬫ᭄ᬧᬸ
ᬦ᭄ᬭᬶᬂᬩᬜ᭄ᬘᬗᬄ᭞ᬲᬂᬧ᭄ᬭᬪᬸᬚᬗ᭄ᬕᬮᬢᭂᬥᬸᬦ᭄᭞ᬫᬫᭂᬦ᭄ᬤᬓᬶᬦ᭄ᬳᬭᬶᬦᬶᬤ᭞ᬦᬵᬣᬾᬂᬓᬤᬾᬭᬶ᭞ᬭᬭᬶᬲ᭄ᬳᬶᬤᬫᬤᬦ᭄ᬤᬦ᭄ᬢᬗᬦ᭄᭟ᬕᭂᬮᬶᬲ᭄ᬫᬸᬗ᭄ᬕᬄ
