Kaca puniki sampun kauji-wacén
[᭑᭑᭙ 119B]
᭑᭑᭙
ᬳᬭᬦ᭄ᬦᬾᬓᬶ᭞ᬢᬶᬕᬂᬲᬦ᭄ᬢᬸᬦ᭄᭞ᬗᬯᬾᬩᬦ᭄ᬢᭂᬦ᭄ᬢᬶᬕᬂᬰᬰ᭄ᬬᬦ᭄᭟ᬫᬶᬦᬓᬤᬶᬉᬧᬓᬭ᭞ᬩᬚᬂᬘᭀᬮᭀᬂᬳᬭᬦ᭄ᬦᬾᬓᬶ᭞
ᬩ᭄ᬬᬓᬯᭀᬦ᭄ᬧ᭄ᬭᬬᬰ᭄ᬘᬶᬢ᭞ᬢᬷᬃᬣᬢ᭄ᬕᭂᬧ᭄ᬓᬤᬶᬇᬦᬶ᭞ᬩᬦ᭄ᬢᭂᬦ᭄ᬭᬸᬦ᭄ᬢᬸᬢᬾᬦᬾᬇᬓᬾᬗᬶᬦ᭄᭞ᬢ᭄ᬥᬦ᭄ᬩᬜᬸᬓ᭄ᬢᬸᬕ᭄ᬮᭂᬲᬸᬂ᭞ᬇᬭᬶᬓ
ᬭᬶᬂᬧᬦᬾᬫ᭄ᬭᬚᬄ᭞ᬧᬲᬸᬂᬦᬫᬢᬍᬃᬓᬾᬗᬶᬦ᭄᭞ᬬᭀᬕ᭄ᬬᬦ᭄ᬳᬶᬧᬸᬦ᭄᭞ᬳᬦᭂᬫ᭄ᬩᬮᬦ᭄ᬧᬳᭀᬢᭀᬦᬦ᭄᭟ᬲᭀᬮᬄ
ᬚᬩᬧᬶᬦᬶᬄᬦᬶᬲ᭄ᬢ᭞ᬬᬤᬶᬦ᭄ᬩᬦ᭄ᬢᭂᬦ᭄ᬳᭀᬢᭀᬦ᭄ᬫᬮᬶᬄ᭞ᬤᬶᬲᬵᬫ᭄ᬧᬸᬦᬾᬦᭂᬫ᭄ᬩᬸᬮᬦ᭄᭞ᬧᬜᬫ᭄ᬩᬸᬢᬦ᭄ᬫᬮᬶᬄᬓᬃᬤ᭄ᬥᬶ
[᭑᭒᭐ 120A]
ᬦᬶᬦ᭄᭞ᬗᬯᬶᬢ᭄ᬢ᭄ᬤᬸᬦ᭄ᬭᬶᬂᬧᬺᬢᬶᬯᬶ᭞ᬲᬋᬂᬳᬬᬫ᭄ᬢᬗ᭄ᬓᭂᬩ᭄ᬓᬸᬭᬸᬂ᭞ᬫᬶᬯᬄᬓᬢ᭄ᬯᬫᬫᬸᬧᬸᬢᬂ᭞ᬲᬵᬫ᭄ᬧᬸᬦᬂᬫᬮᬶᬄᬗ
ᬯᬮᬾᬤᬶᬦ᭄᭞ᬩᬦ᭄ᬢᭂᬦ᭄ᬯᬯᬸ᭞ᬧᬗᬕᬫ᭄ᬩᬾᬬᬦ᭄ᬧᬧᬸᬮᬧᬦ᭄᭞ᬭᬶᬂᬳᬋᬧ᭄ᬲᬗ᭄ᬕᬄᬓᬫᬸᬮᬦ᭄᭞ᬦᬭᬶᬂᬦᬢᬃᬢᬍᬃᬓᬾ
ᬗᬶᬦ᭄᭞ᬮᬓ᭄ᬱᬡᬦᬾᬗᬸᬧᬓᬭ᭞ᬭᬶᬂᬲᬶᬢᬶᬢᬸᬲ᭄ᬳᬸᬮᬧᬶᬦ᭄᭞ᬩᬦ᭄ᬢᭂᬦᬾᬓᬃᬬ᭄ᬬᬦᬂᬫᬮᬶᬄ᭞ᬳᬸᬦᬶᬗᬂᬭ
ᬭᬾᬦᬾᬤᬶᬢᬸ᭞ᬳᬦ᭄ᬢᬸᬓ᭄ᬢᭂᬕ᭄ᬢᭂᬕ᭄ᬮᬦ᭄ᬥᬓ᭄ᬱᬶᬦ᭞ᬫᬶᬯᬄᬘᬦᬂᬩᬸᬭᬢ᭄ᬯᬗᬶ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬭᬶᬂᬩᬮᬾᬦᬸ
