Kaca puniki sampun kauji-wacén
[᭙ 9 B]
᭙
ᬦ᭄ᬫᬗ᭄ᬓᬶᬦᬢᬲᬼᬫᬄ᭟ᬭᬶᬂᬧᬸᬭᬶᬳᬸᬘᬧᬂᬫᬗ᭄ᬓᬶᬦ᭄᭞ᬧᬯᭀᬗᬦ᭄ᬲᬫ᭄ᬧᬸᬦ᭄ᬤᬸᬫᬤᬂ᭞ᬧᬘᬂᬗᬶᬭᬶᬂᬭᬵᬚᬚ᭄ᬯᬶᬢ᭄ᬣ᭞ᬓᬩᬾᬚᬶᬧᬘᬂᬫᬲᬶᬭᬫ᭄᭞ᬲ᭄ᬯᬾᬜᬦ᭄ᬢᭀ
ᬲ᭄ᬭᬶᬂᬲᬶᬲᬶᬬᬦ᭄᭞ᬲᬯᬢᬭᬤᬯᬸᬄᬢᭂᬮᬸ᭞ᬫᬲᬶᬤᬦᬾᬢ᭄ᬯᬭᬓᭀᬤᬮ᭄᭞ᬭᬭᬶᬲ᭄ᬤᬶᬢᬸᬓᬭᬜ᭄ᬚᬶᬗᬦ᭄᭞ᬧᬘᬂᬦᬗᬶᬦᬶᬦ᭄ᬢᬸᬯᬦ᭄ᬤᬾᬯ᭄ᬬ᭞ᬤᬾᬦᬶᬂᬲ᭄ᬯᬾ
ᬢ᭄ᬯᬭᬓᭀᬤᬮ᭄᭞ᬓᬳᭀᬚᭀᬕ᭄ᬤᬶᬧᬫᬺᬫᬦ᭄᭞ᬲᬸᬯᬸᬂᬲᭂᬧᬶᬫ᭠ᬗᬮᬸᬦ᭄ᬢᬂ᭞ᬧᬯᭀᬗᬦ᭄ᬓᬕ᭄ᬬᬢ᭄ᬳᬦ᭄ᬤᬸᬮᬸ᭞ᬚᭂᬦᭂᬂᬓᬶᬚᬭᬵᬚᬚ᭄ᬯᬶᬢ᭄ᬢ᭟ᬧᬯᭀᬗ
ᬦᬾᬳᬸᬬᬸᬢ᭄ᬚᬦᬶ᭞ᬫᬗᭀᬃᬢᬬᬂᬤᬳᬶᬮᬂ᭞ᬕᬾᬯᬃᬲᬤᬕᬶᬂᬧᬸᬭᬶᬦᬾ᭞ᬫᬜᬺᬧᬂᬭᬵᬚᬚ᭄ᬯᬶᬢ᭄ᬢ᭞ᬗᭂᬩᬸᬕ᭄ᬓᬸᬮ᭄ᬓᬸᬮ᭄ᬗᬦ᭄ᬢᬳᭀᬭᬕ᭄᭞ᬫᬤᬾᬂ
[᭑᭐ 10 A]
ᬤᬂᬓᬸᬮ᭄ᬓᬸᬮᬾᬩᬸᬮᬸᬲ᭄᭞ᬳᬾᬩᭂᬓ᭄ᬧᬯᭀᬗᬦᬾᬲ᭄ᬭᬕ᭄᭟ᬲᬸᬩᬓᭂᬮᬸᬦ᭄ᬭᬤᬾᬦ᭄ᬤᬾᬯᬶ᭞ᬳᬶᬮᬗᬾᬭᬶᬂᬧᬫᬺᬫᬦ᭄᭞ᬮᬶᬬᬸᬚᬦᬶᬧᬦᬺᬧᬾ᭞ᬫᬗᬮᬶᬄ
ᬭᬳᬤᬾᬦ᭄ᬤᬾᬯᬶ᭞ᬫᬲᬶᬳᬶᬤᬢ᭄ᬯᬭᬩᬓᬢ᭄᭞ᬭᬤᬾᬦ᭄ᬕᬮᬸᬄᬲᬸᬘᬶᬳᬭᬸᬫ᭄᭞ᬲᬓᬾᬂᬕᭂᬮᬶᬲᬶᬂᬘᬭᬶᬢ᭟ᬭᬤᬾᬦ᭄ᬤᬾᬯᬶᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬫᬜᬸ
ᬲᬸᬧ᭄ᬭᬶᬂᬗᬮᬲ᭄᭞ᬮᬶᬬᬸᬧᬓ᭄ᬱᬶᬫᬲ᭄ᬯᬭ᭞ᬧᬓ᭄ᬭᬾᬬᬓ᭄ᬫᬶᬭᬶᬩ᭄ᬫᬗᭂᬦᬂ᭞ᬧᬫᬃᬕ᭄ᬕᬶᬦᬾᬭᬵᬚᬚ᭄ᬯᬶᬢ᭄ᬢ᭞ᬲᬢᬶᬩᬵᬧᬭᬦᬶᬂᬮᬓᬸ᭞ᬤᭀᬦ᭄ᬕᬥᬸᬗᬾᬫᬗᬸᬮᬬ
ᬩ᭄᭟ᬧᬳᬸᬮᬢᬾᬫᬶᬭᬶᬩ᭄ᬲᭂᬤᬶᬄ᭞ᬭᬵᬚᬚ᭄ᬯᬶᬢ᭄ᬢᬫᬗᬦ᭄ᬤᬶᬓ᭞ᬓᬶᬚᬮᬓᬸᬚᬦᬶᬗᭀᬚᭀᬕ᭄᭞ᬫᬧᬦ᭄ᬢᬸᬯᬭᬢᬯᬂᬳᬫ᭄ᬩᬄ᭞ᬓᬾᬦᬾᬬᬤᬶᬢᭂ
