[᭑᭙ 19 B]
᭑᭙
ᬤᬯᬸᬄᬢᬶᬕᬵ᭞ᬓᬯᬃᬡ᭄ᬦᬳᬵᬭᬤᬾᬦ᭄ᬤᬾᬯᬶ᭟ᬗᬦ᭄ᬤᬶᬓᬵᬭᬶᬂᬧᬭᬳᭂᬫ᭄ᬩᬦ᭄᭞ᬤᬦᬾᬤᬸᬓᬸᬄᬩ᭄ᬭᬬᬸᬢ᭄ᬤᬶᬢᬸᬫᬶᬓᭂᬓᭂᬳᬶᬦ᭄᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬭᬤᬾᬦ᭄ᬳᬬᬸ᭞
ᬤᬸᬭᬸᬲᬂᬫᬗ᭄ᬓᬶᬦ᭄ᬫᬲᬶᬭᬫ᭄᭞ᬲᬫ᭄ᬧᬸᬦ᭄ᬜᬦ᭄ᬤᬂ᭞ᬲᬫ᭄ᬧᬸᬦ᭄ᬯᬦ᭄ᬢᬄᬤᬯᬸᬄᬢᭂᬮᬸ᭞ᬦᬸᬮᬶᬄᬭᬤᬾᬦ᭄ᬕᬮᬸᬄᬗᬸᬘᬧ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬜᬶᬦᭀᬫᬶᬦ᭄᭟᭐᭟
ᬧᬸᬄᬢᬭᬸᬡᬩᬕᬸᬲ᭄᭟᭐᭟ᬳᬤᬸᬄᬓᬓᬶᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬫᬧᬫᬶᬢ᭄ᬧᬘᬂᬓᬩᬾᬚᬶ᭞ᬤᬸᬄᬤᬾᬯᬳᬶᬗ᭄ᬕᬶᬄᬤᬸᬭᬸᬲᬂ᭞ᬢᬸᬫᬸᬮᬶᬄᬫᬗ᭄ᬓᬶᬦ᭄ᬫᬫᬃᬕᬶ᭞ᬧᬗᭂᬫ᭄ᬩ
ᬦᬾᬤᬶᬢᬸᬗᬶᬭᬶᬂ᭞ᬭᬶᬂᬘᬸᬮᬓᬦᬾᬯᬸᬲ᭄ᬭᬯᬸᬄ᭞ᬢᬸᬫᬸᬮᬶᬄᬗᬮᬸᬓᬃᬯᬲ᭄ᬢ᭄ᬭ᭞ᬢᬦ᭄ᬲᬸᬫᬦ᭄ᬤᬾᬬᬭᬶᬂᬦᬕ᭄ᬢᬶ᭞ᬭᬤᬾᬦ᭄ᬕᬮᬸᬄ᭞ᬢᬸᬫᬸᬮᬶᬄᬭᬭᬶᬲ᭄ᬫᬲᬶᬭ
[᭒᭐ 20 A]
ᬫ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬓᬂᬓᭀᬘᬧᬵ᭞ᬫᭂᬗᭂᬢᬸᬢ᭄ᬧᬓ᭄ᬱᬶᬦᬾᬧᬸᬢᬶᬄ᭞ᬫᬸᬮᬧᬶᬢᬸᬤᬸᬳᬶᬂᬢᬶᬢ᭄ᬬᬂ᭞ᬫᬗ᭄ᬤᬾᬦᬾᬲᬶᬤ᭄ᬥᬵᬓᬧᬗ᭄ᬕᬶᬄ᭞ᬭᬤᬾᬦ᭄ᬤᬾᬯᬶᬓᭀᬘᬫᬗ᭄ᬓᬶ᭠
ᬦ᭄᭞ᬭᬶᬂᬩᬸᬮᬓ᭄ᬦᬾᬳᬕᬸᬬᬸ᭞ᬭᬭᬶᬲ᭄ᬏᬮᬶᬂᬭᬶᬂᬧᬧᬶᬦ᭄ᬤᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬩᬶᬩᬶᬗᭂᬫ᭄ᬩᬦ᭄᭞ᬤᬶᬚᬩᭂᬮᬶᬘᬦ᭄ᬤᬶᬕᬭ᭟ᬤᬦᬾᬧᬘᬂᬓᬵᬃ
ᬫ᭄ᬫᬦ᭄ᬢᬶᬢ᭄ᬬᬂ᭞ᬫᬓᭂᬮᭀᬢᭀᬂᬢᭂᬓᬵᬫ᭄ᬳᬶ᭞ᬳᭀᬓᬦ᭄ᬳᬶᬤᬲᬸᬤᬶᬮᭀᬓ᭞ᬭᬳᬤ᭄ᬬᬦ᭄ᬳᬸᬘᬧᬂᬫᬗ᭄ᬓᬶᬦ᭄᭞ᬭᬯᬸᬄᬭᬶᬂᬢᭂᬧᬶᬦᬶᬂᬩᬾᬚᬶ᭞ᬓᬕ᭄ᬬᬢ᭄ᬓᬳ᭄ᬬᬸᬦᬾ
ᬗᬭᬸᬗᬸ᭞ᬳᬦ᭄ᬢᬸᬓ᭄ᬳᬚᬶᬦᬾᬓᬲᬫ᭄ᬩᬢ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬵᬕ᭄ᬮᬶᬲ᭄᭞ᬧᬫᬦ᭄ᬧᬢᬶᬄ᭞ᬓᭂᬫᬓᬾᬚᬦᬶᬳᬶᬦ᭄ᬢᬶᬧᬂ᭟ᬬᬾᬦ᭄ᬳᬧᬢᭀᬫᬗ᭄ᬭᬯᭀᬲᬂ᭞
Kaca:Bali-lontar-gaguritan-pancasangha-350ppi.pdf/20
Kaca puniki sampun kauji-wacén
